74
15
8
港鐵灣仔站 B2 出口, 步行約5分鐘
繼續閱讀
營業時間
星期一至六
11:00 - 23:00
星期日
09:00 - 23:00
以上資料只供參考, 請與餐廳確認詳情
同同事第一次去呢間餐廳食LUNCH,我地一去到就要等位,都等咗一段時間,因為都幾多人,環境方面,似室內大排檔,好彩有冷氣,不過好嘈,因為人多,所以同同事傾計時要提高聲量...至於食物方面,都OK既,唔難食,但唔會太突出...但可惜,我食完後幾個鐘頭,開始肚痛,放咗工返到屋企又痾又嘔,成個人好虛,然後我拿拿臨搭的士去睇醫生(我有醫生紙),醫生話我腸胃炎,而且有發燒,因為有過濾性病毒,後來我問返同我一齊去食LUNCH的同事,其中一個同事都話我聽佢食完呢間餐廳後,個肚都有唔舒服,雖則冇我咁嚴重......所以我發誓以後都唔會再幫襯呢間野啦~P.S.我講既野全部屬實,「肚痛、又痾又嘔」何來係侮辱性字眼呀?
繼續閱讀
今日又約左班朋友食飯飲酒, 近近地, 去榮興小廚試一試!!一黎先食個榮興小炒皇, 我自己就幾鍾意食小炒皇, 呢度炒出黎好好食, 我食到一條韮菜都唔淨!!送飯一流!!!第2味到既係家鄉扣肉煲, 超級超級濃郁既家鄉味, 個個不停攞D梅菜撈飯 老闆落單話我朋友有兩聲咳, 建議我地叫個五指毛桃炖XX湯 (唔記得係炖咩), 個湯好甘香, 指得一試我地有個招牌蔥油雞, 都叫左黎試下! 其實初初上菜我有少少失落, 蔥油雞應該有蔥架麻....不過食落隻雞好香好脆口, 食落又唔會好肥好膩, 不過如果佢叫炸子雞會好D朱洪武豆腐, 我就食左一啖仔就冇食, 味道我冇特別, 不過唔知係皮係咪整得耐左, 好似有少少苦味金牌蒜香骨, 佢整得好香, 幾惹味, 冇咩肥豬肉, 食落冇膩既感覺!如果有沙律醬點就一流!!!雙蘑扒生菜,咁多味菜, 呢個比較遜色, 冇咩味, 下次應該唔會叫老闆服務態度好好, 好似屋企人咁好親切, 食得好舒服
繼續閱讀
同事V聲線洪亮，甚有霸氣，蠻有「大家姐」的風範。某日，V和一眾同事外出飲茶，打包了一盒兩盒吃剩點心回來，惠及小妹。吃了一件薑汁千層糕，驚為天人，急問出自何處。V彈出一句：「我的飯堂 - 榮興小廚罷了﹗」小妹即時軟硬兼施，要求下次務必要帶埋小妹一去搵食。是日，急步趕往船街，穿過門口的海鮮魚缸，拾級而上。二樓密密麻麻地擺滿大圓枱，一行九人被安就座於樓梯旁的十二人大圓枱，內側就是廚房重地也。大部份員工都是上年紀的老店員，V和他們頗熟落的，並和一個叫「興哥」的大叔寒暄數句，R回一碗老火湯。小妹第一次光顧，已感受到他們的健談、親切且不拘小節的豪邁性格。隱約間，感受到那一份逐漸消失的人情味。免費獲贈的野葛菜老火湯入口清香帶甜，有活血和去骨火之功效。同事Y知道後，飲完一碗又一碗。小妹則淺嚐即可，箇中因由，大家心知肚明啦﹗落單的重任，原由V負責，誰知，她姍姍來遲，同事大舊等不及，擅作主張。結果，我們未能品嚐小店的粉麵飯或小菜，只能狂吃點心了……大舊還想要一客滑蛋牛肉飯，突然，老闆拿著一碟北菇滑雞飯過來，嚷道：「滑蛋牛肉飯冇益，食呢碟啦﹗原價$59，收你哋$49算了﹗」就這樣，我們在毫無還擊或選擇之下，收留了這一客慘被遺棄的孤兒。大家若無其事，毫不動氣地，吃著這一碟的不速之飯。白飯軟硬度適中，混入酸甜有致的醬汁同吃，蠻開胃的。沾滿醬汁的滑雞，入口嫩滑非常，又夠入味。奈何，僧多粥少，小妹只吃了一少塊。點心逐一上枱了﹗九個人，要吃三十籠點心，平均一個人吃3.3籠，蠻誇張的﹗不過，小妹有幸首次品嚐了兩款從未試過的懷舊點心，可說是不枉此行了﹗千層腐皮夾$27是一道細緻的手工菜，一客有三件，主要成份就是腐皮，一層一層的疊在一起，不枉「千層」之美譽。腐皮中間夾著鯪魚肉，增添口感和味道，最後淋上醬汁而成。咬下，腐皮帶質感，豆味香濃，配合鯪魚肉的鮮爽，整件吃起來更覺煙韌味美。據說，蝦子柚皮$29是一道傳統粵菜，材料主要是蝦子和柚皮。低成本，無膽固醇，高纖維，可口美味。可惜，製作工序繁複，要先把柚子除去表皮和果肉後，浸水，之後換水再浸，重覆此步驟三四次，待柚皮軟身，並除去柚子的苦澀味後，再用湯加少許鹽煮至淋身備用。工序多，又賣不到好價錢，因此，大部份酒樓不願意再大費周章去炮製了。榮興的蝦子柚皮，把煮至淋身的柚皮，加上蝦子和蠔油煮成的汁液再燜煮而成。柚皮入口軟腍入味，沒有苦澀味，且帶啖啖蝦子和蠔油的鹹香。個人而言，柚皮味道太濃烈了，毫無口感嚼勁可言，未懂欣賞也﹗鮮蝦腐皮卷$29炸得頗為乾身而不油膩，腐皮香脆，鮮蝦稱得上鮮爽彈，水準不賴。V表示，魚蓉釀茄子$27也是值得一試的點心，個人愚見，茄子炸得夠乾爽，魚蓉份量也多。然，整體驚喜不大也。榮興炸物火喉拿捏準繩，故不太油膩，安蝦鹹水角$27外邊夠香脆且不油膩，中層咬落軟糯又煙韌且不死實，內裏包裹的饀料濃香惹味且鮮鹹，比坊間一般酒樓好吃。平平無奇的咖哩蒸土魷$29，土魷入味具嚼勁不在話下，咖哩調得極為香濃惹味。入口先有一陣淡淡且溫和的咖哩濃香，繼而，一股辣勁出奇不意地衝向喉嚨深處，頗有「迴腸盪氣」之妙。V和同事們好像對懷舊米糯雞$32評價甚高，表示「料足帶荷香」，且吃得津津有味。小妹試了少許，糯米雞確實帶有荷葉的香氣。然，糯米飯偏濕淋，口感欠佳，饀料味道又屬一般而矣﹗廣東飲茶經典點心之一，榮興蝦餃皇$32和蝦籽燒賣皇$29似乎是非叫不可的。前者略勝一籌，皮挾起來不爛不穿，外皮煙韌，蝦饀鮮爽彈牙。後者則中規中矩，以黃色的皮包著豬肉蝦肉餡，再以蝦籽點綴，握成石榴花形，略嫌成品偏濕淋了少許。緊接出場的，乃六道水準平平的點心，分別是XO醬蒸鳳爪$23、鮑汁鮮竹卷$27、懷舊馬拉糕$23、腰果脆麻花$27、香煎蘿蔔糕$23和鮑汁叉燒包$18，無甚亮點，不作詳評。大舊甫見碩大的身形，已知是大胃王也﹗誰知，他也是一名徹頭徹尾的牛魔王。撇開慘被截單的滑蛋牛肉飯不說，他還點了山竹牛肉球$23和懷舊乾蒸牛肉$27。當日所見，大部份均是由他一口吃掉的﹗小妹苦候多時的薑汁千層糕$27來了﹗深淺啡色相間的千層糕，色澤亮麗，咬下Q彈煙韌非常，帶甜美黑糖的味兒，以及啖啖香辣的薑味，教人回味再三﹗此外，還有撒上黃豆粉，以流沙芝麻作饀的香軟惹味雷沙湯丸$27；以及炸成一小球一小球的，並沾滿黑白芝麻的香脆流沙煎堆$27，蠻好吃的﹗最後，每位均奉上一碗免費糖水作結。是日有椰汁西米露和綠豆沙，解熱解毒的綠豆沙當然是我們的寵兒﹗綠豆沙濃稠度適中，甜度到恰到好處。雖非精品，但也絕不馬虎之作，收貨也。小結：個人而言，蠻喜歡這類平實不花巧，不拘泥於小節，且人情味濃的老店。奈何，老店經不起不斷向前滾的時代巨輪，慘遭淘汰。昨日閱報，據聞，中環結志街和嘉咸街的百年露天市集，在市建局重建項目下，將有17間老店舖須於本月底遷出，部份更被逼結業。除了無奈和婉惜外，還能如何？﹗灣仔區僅餘的老店，還能掙扎求存多久呢？
繼續閱讀
Objective: 去完Art Basel補充體力六個人行咗成個灣仔終於搵到個地方落腳。環境…err, 普通啦…但d餸實在好味!西洋菜湯好足料夠火喉, 燒雞皮脆肉滑, 煎蠔餅超多蠔又大隻! 我話叫紅燒豆腐, 老闆推介招牌菜“朱洪武豆腐”。炸法好特別, 我好似未食過咁整法嘅豆腐, 十分喜歡! 冇介紹錯!老闆又推介薯仔牛柳粒 & 招牌炒麵, 兩樣都好正呀!臨走見到隔離枱碟豉油皇大蝦個賣相超得, 下次一定再來試!Result: 唔止恢復體力, 直頭飽到頂住…
繼續閱讀
今天約了兩個好耐無見的朋友聚舊，就諗住去間可以慢慢吹水的餐廳食飯，朋友之前有打電話諗住訂枱，不過餐廳知我地6點到就話唔駛book. 我地6:15pm 到，一枱客都未有，三個女仔叫了四餸一湯，真係諗住慢慢坐，點知大約7:15pm , 有個男店員開始想叫我哋走，又話出面排晒長龍，餸都未食晒又問我哋駛唔駛包走，又上埋糖水，仲幫我哋埋單! 我想講如果你一開始講定只可以食到7:30pm , 咁我都無say, 但你咁快就趕人走就好唔應該!食物雖然ok, 但也不算是很好, 以佢的價錢就不太值，我覺得隔離街的金源小館比呢間好食又抵食! 相信我不會再光顧榮興!
繼續閱讀