175
10
3
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
*最後落單時間: 21:00
以上資料只供參考, 請與餐廳確認詳情
食家推介
有時啲嘢就喺咁啱橋,早唔壞遲唔壞,早排做完運動過開嚟深水埗食嘢,啲電腦嘢就未有事,之後先嚟有嘢壞,當然要專登走一轉嚟高登買番件配件。咁落開嚟又無飯開,所以,索性嚟到「越萊」食埋先返屋企。 正值飯市,所以都幾多客人,裝修簡約,一室湖水藍襯淺色木系枱櫈,加上精緻嘅「竹籮」吊燈,有少少越南風。 我得一支公,最好坐埋去面壁嘅「吧位」,枱下有個小勾,勾住個背囊唔做掗住啲位,枱邊就放咗兩樽醬料,自由取用。 餐牌分開幾張分頁,有自選粉麵、經典款式、飯品、招牌湯河,仲有各款小食、沙律、麵包類,總之選擇就多多,而嗌主食仲奉送熱柑桔蜜,唔啱飲嘅又可以加錢升級轉其他飲品。越萊精選火車頭 $108今次有啲膽粗粗,一支公單挑店家嘅火車頭,選擇河粉,嚟到唔喺講笑,超大碗,比預期中大好多。睇返餐牌就話有呢大堆嘅配料:生牛肉、牛腩、牛筋、牛丸、扎肉、豆卜、豬軟骨、雞絲,仲配有生菜、蘿蔔、洋蔥,而且,啲餸料唔喺得一嚿半嚿,有啲仲有幾嚿,好似生牛肉就已經有好多片,所以,好老實講淨喺食餸都飽,何況仲有咁大碗河粉。 先講講個牛骨湯,牛骨湯非常香濃,味道鮮甜,但飲落唔會太濁,真係啖啖精華,混咗少少九層塔同唧點青檸汁,感覺更清爽;河粉好滑溜,有米香。實在太多餸料喇,嚐試逐樣餸料評吓,但可以先總結一句,份量就超十足,基本上都無乜邊樣有挑剔位。好似生牛肉、雞絲咁,食得出啲食材新鮮,生牛肉浸兩浸就變熟,熟得啱啱好,入口肉質非常嫩滑細緻,而雞絲用咗手撕,特別有口感,亦都好嫩滑。牛腩、牛筋、豬軟骨幾樣「好肉地」嘅餸料就炆得入味,睇見啲色澤就知,而牛腩、豬軟骨就超鬆化,又有肉香,加少少油脂位;牛筋則好軟滑,卻柔韌得嚟有彈性。牛丸、扎肉都好食,質素食得出唔喺啲平價溝粉貨色,兩者都有啲爽口彈牙感,總之就絕不失禮。搭埋其他配料,如豆卜富豆香,蘿蔔好鮮甜,真喺用料不賴。椰汁紅豆冰 +$10一向都幾鍾意飲紅豆冰,所以,就想試試店家嘅椰汁紅豆冰,比起一般嘅紅豆冰,加咗椰汁做底嘅就自不然更好飲,椰子味都幾濃郁清甜,而紅豆亦煮得夠晒腍,起起哋沙,只喺略嫌份量少咗啲。今次挑戰有少少失敗,到最後,都食剩少少河粉,我覺得佢哋碗「火車頭」好似二人份咁多,如果我老婆嚟埋,真喺兩個人都夠食囉!
繼續閱讀
廟街都有分店所有主食送熱柑桔蜜 正常味道平均每個餐都係$50幾蚊 好抵食👍🏼香茅牛肉撈檬 ($52)勁大碗 撈檬汁分開上可以自己調較味道 酸酸甜甜幾開胃牛肉唔算好多 不過幾惹味 唔會好韌另外仲有蘿蔔絲菜幾清新 好食😋牛筋手撕雞絲湯河 ($52)可以自己揀餸 揀左牛筋同手撕雞牛筋都唔韌 其餘幾清淡 都唔錯傳統越式豬肝醬手切扎肉法包 ($42)唔算正宗好脆個隻法包睇落似漢堡包😂 不過入面都足料有豬肝醬吊味 成個口感幾豐富如果係脆法包就perfect 🫶🏻整體夜晚食呢個價錢真係好抵👍🏼
繼續閱讀
在地鐵站附近的食店非常方便,而且環境衛生乾淨,提供了一些貼心的設施,如背囊掛勾和自助取用的醬料。牛萊了檬粉的牛肉碗看起來份量豐盛,配料包括多種部位的牛肉和蔬菜。特別推薦了牛丸,有彈牙的口感和爆汁的美味。其他牛肉部位也腍滑,尤其牛筋的入口即化,蘿蔔則鮮甜入味。牛骨湯的香濃味道和清爽口感也令人讚賞,尤其是配上少許九層塔和青檸汁,更增添了風味。河內蝦仁米紙卷也很清爽美味,大隻的蝦仁配上爽口的米粉,外皮的米紙質感順滑煙韌,配上微酸的醬料更能增加開胃感。最後,每份主食都會附送熱柑桔蜜,是健康且解渴的選擇,並且沒有過於甜膩,金桔肉的存在也增加了口感的層次。
繼續閱讀
去完黃金買嘢,最近又實行緊走碳水化合物餐單,見到喺黃金電腦商場附近有間叫越萊竟然有越南湯粉可以轉菜底,於是入去試吓。餐廳係小店形式唔算太逼夾我入咗去就叫咗個牛萊了(轉菜底),兩件牛油雞翼及兩件炸蝦餅。牛萊了份量非常多,包括嚴重不同部位嘅牛肉有生牛肉牛腱牛腩牛丸牛筋。一定要推薦佢哋嘅牛丸,一口開牛肉汁必晒出嚟,非常喜歡。其他牛肉亦炆得非常腍滑,尤其是牛筋,入口咬兩口就已經化開,菜底亦包含了海量的娃娃菜,對於我嚟講非常滿足。牛油雞翼也是我非常喜歡的小食,先將雞翼炸脆,然後用牛油蒜蓉炒香,熱辣辣淡淡牛油香氣,一定要即刻食。蝦餅亦非常彈牙配上越南酸辣醬汁,口感豐盈。餐廳位於地鐵站附近只需行2分鐘,推薦大家嚟試吓。
繼續閱讀
今日響深水埗附近行完街,我想搵越南菜食,想買一搜尋,發現好多人推介呢一間位於深水埗的越南餐廳,去試吓,點知一試就愛上,真係好好食,服務質素好高,食物種類又多,真係頂呱呱,所以一定要介紹俾朋友嚟試吓,首先呢一間餐廳響深水埗地鐵站附近,係兩至3分鐘就會搵到,非常方便,而且環境衛生乾淨,環境都好寧靜,真係加返,仲有佢哋嘅湯河粉都係超級推介,我哋叫咗一個生牛肉湯河,拖尾濃郁,有豐富嘅牛肉味,而且份量十足,睇得出廚師嘅心思,賣相吸引,而且佢哋嘅牛油雞翼都係大大件,仲有佢哋嘅自家製春卷,餡都好豐富,脆卜卜,真係整得好好同好新鮮,而且呢度嘅員工都服務好好,態度良好,友善同有親切感,有賓至如歸的感覺,所以食得好開心🤤🤤🤤🤤
繼續閱讀
您可能會有興趣的...