3
0
0
港鐵深水埗站 C2 出口, 步行約2分鐘
繼續閱讀
營業時間
星期一至日
07:00 - 21:30
以上資料只供參考, 請與餐廳確認詳情
今日想食個簡單而便宜嘅lunch，就去咗同事早前介紹嘅呢間禧記麵家。入面佈局簡單而寬敞，食客坐得舒適。呢度除咗食中式粉麵之外，亦有提供茶餐廳常見嘅早餐同常餐。我就揀咗牛腩水餃米線，水餃爽口、牛腩入味，米線份量適中。朋友就揀咗雲吞牛丸幼麵，雲吞有三隻，而且入面有鮮蝦，牛丸同樣有三粒而且𠝹咗花，幼麵爽滑彈牙。呢度嘅吸引之處，就係雙拼粉麵配豆漿套餐都只係$30，真係非常抵食，比起深水埗另外一啲出名嘅車仔麵來講，呢度嘅價錢真係大眾化得多，所以我都好鍾意支持呢啲小店。
繼續閱讀
前兩日同女朋友去深水埗黃金睇電腦野，就順便搵啲嘢食，唔記得邊條街打邊條街，但條街喺正西九龍中心對面，有便利店嗰度。行過見到有間麺店叫禧記麵家，門面好光鮮就入去食啦。即使係深水埗，但我都覺得呢個價錢係好平，兩餸麵凍豆漿都只係$30 ，我要左牛腩雲吞麵，每款餸各樣有三粒。雲吞比較有誠意，因為有鮮蝦同埋蝦肉比較爽口彈牙。至於牛丸就冇乜特別，喺街買到嗰種，而且唔係特別Q彈。女朋友叫咗兩餸麵，可以轉米線，佢都覺得味道OK。值得一讚嘅係老闆娘好識講笑，成日話打啲客人，不過完全係講笑，同街坊混成一片。
繼續閱讀
深水埗新開麵店,31元有一大碗麵食,油菜和熱飲,雲吞面有四大粒雲吞,絕無偷工減料,油菜一大碟,不分早午晚都是同一價錢,前天還吃了一個豬扒餐,豬扒大過我塊面,35元有齊多士,煙肉蛋和茄料豆,真是平絕深水埗,而且食物質素不差,地方乾淨企理,值得支持的小店
繼續閱讀
之前同事推介話公司附近有間好平嘅麵舖，呢日終於有機會試下。可能新開嘅關係，好多經過嘅街坊都有停低望下個水牌。間舖個格局沿用上一手留落嚟嘅擺位，但光猛咗好多，枱櫈之間闊落，冷氣充足。環境真係同傳統麵舖相反，好乾淨無異味地下無濕🤣👍。我哋一入到去坐低，店員姐姐就已經好熱情咁問我哋食乜，好friendly，係咁話好抵食哈哈。不過係真嘅，單餸$21、兩餸$26、三餸$31，兩餸以上就可以加$1有豆漿，真係平到一個點🤪。呢到有傳統麵舖嗰啲餸例如雲吞、墨丸、牛腩等，但就比平日有更多選擇，似車仔麵咁有雞翼、肥牛、蘿蔔、冬菇等等。我哋貪佢加$1就可以有豆漿，所以都揀咗兩餸麵($26)。我要咗墨丸雲呑幼麵，同事就要咗魚肉春卷香茅雞翼河粉，大家都走蔥🤣。等咗好快就有得食了，我個生麵唔錯，梘水味唔重又夠爽；同事話佢個河粉都ok。豆漿唔大杯，但夠凍亦唔會太甜，至於餸方面，份量正常，但就無乜邊樣話好出色。墨丸雲吞春卷各有三粒，雞翼就兩隻。墨丸係街市買到嗰的，雲呑就一般因為無成隻蝦🍤；春卷同雞翼味道ok，但佢唔係另上，而係浸咗喺湯到，所以個皮係淋唔係脆的。不過呢個價錢有咁嘅質素我真係無得挑剔，唔算好好食，但一啲都唔差。總括嚟講，呢間麵舖真係好抵食，味道都算唔錯。除咗粉麵外，亦有早餐同常餐提供，都好平$3x搞掂。環境舒服，姐姐親切，食物性價比極高，我一定會再嚟幫襯，實在係糧尾恩物👍🤗！！
繼續閱讀