38
11
5
電話號碼
24721292
營業時間
今日營業
10:30 - 23:30
星期一至日
10:30 - 23:30
以上資料只供參考, 請與餐廳確認詳情
食家推介
新年團年飯我哋今年揀左入流浮山食海鮮🦞🦐🦀🐟平時食開屯門，今次都係第一次入流浮山食海鮮，原來入流浮山好方便，只需要係天水圍西鐵站轉一程港鐵巴士，如天水圍西鐵搭的士都只係$30有找朋友介紹《邦記 》咁我地決定團年飯係呢度食啦沿路行入去好多店舖賣流浮山特產，好有風味，入手買左少少特產😌🔮酥炸生蠔🦪炸得非常酥脆可口，大人細路都最愛🔮大班2味🐟魚肉片清炒-保留左魚肉的原汁原味，魚肉口感嫩滑，啖啖肉，西芹作配料清炒已經好好味😋炸頭腩🐟-骨係走油，以薑蔥炆煮，炸得外層酥脆惹味，內裡肉質非常嫩滑🔮蒜蓉粉絲蒸扇貝非常之大隻，蒸嘅時間岩岩好，夠哂鮮味🔮果皮蒸大連鮑魚最鍾意果皮蒸法，鮑魚夠淋，好入味🔮豉椒炒蟶子紅椒、豆豉作配料，蟶子彈牙爽嫩，調味又唔會太鹹🔮上湯龍蝦🦞龍蝦肉質爽口彈牙，同新鮮鮮味，配上上湯煮，非常之好味🤤完美配搭總括嚟講，我地又多一個地方去食海鮮🦞啦
繼續閱讀
－行七人平日走咗入流浮山食海鮮、成十年冇嚟、友人介紹幫襯左哩間邦記、冇乜裝修好街坊嘅餐廳，仲要唔收卡、其實係間間都唔收卡、有幾間碌卡又話要收3%、今時今日嘅香港真係好難想像⋯⋯需知道流浮山食餐海鮮起碼幾千蚊㗎！所以沿路走好多餐廳都冇乜人、生意麻麻！唯獨是哩間邦記、好旺喎，－樓坐滿、二樓又話冇枱、要入偏廳坐、都坐咗三張大枱、目測全部熟客唔係自由行！街坊餐廳、環境一般、服務一般、價錢方面以流浮山標準計算唔貴喎、冇加一茶芥每位$10，叫老細寫菜單位位$600！仲送海鮮湯、新界油菜、啤酒汽水🍻上湯焗龍蝦🦞煎米粉底澳洲龍蝦冇得輸、爽口彈牙又鮮味、不過嗰上湯汁味道好一般、𡯁其煎米粉底就梗唔掂、淋晒口感麻！椒盬鮮鱿$150咁貴嘅椒鹽鮮魷都係第一次見、又唔見得特別好食囉⋯⋯椒盬瀨尿蝦一人一隻真係好奢侈、夠乾身味道好差、不過冇蝦膏就爭啲🫤白灼蝦細細隻、都幾鮮甜、味道方面就正常發揮！酥炸生蠔唔知係本灣蠔定係台山蠔、肯定唔係美國桶蠔、細細隻勝在夠鮮甜、炸得非常酥脆可口、少咗大蠔平時嗰陣味、小朋友都鍾意🫶大班兩味炒球（冇影相）🙏🏻炸頭腩少少汁掛住、味道幾好、雖然咁大條魚，但係肉質仲好嫩滑😋😋蒜蓉粉絲蒸扇貝算幾大隻、啱啱熟火喉唔錯、夠鮮味有水準👍🏻👍🏻咁多海鮮以$600/位嚟講，向流浮山絕對抵食，不過坐巴士嚟就麻煩啲囉！
繼續閱讀
邦記海鮮酒家的點餐方式係先揀海鮮埋單，再揀烹調方法。酒家有間相通的海產店，係酒家斜對面，揀好海鮮再到酒家落單點菜。酒家仲有出名的蜜糖雞翼、小菜、炒飯、飲品出售。最後收海鮮加工費同其他食物費用。我哋訂左夜晚6點半食飯，係食飯前半個鐘去海產店揀海鮮。之後可以沿海味街行到盡頭，睇埋海景同日落🌅再返黎食飯。🌊豉椒炒蟶子西椒、豆豉炒嫩蟶子，蟶子彈牙爽嫩，調味唔會過咸。配埋脆米粉煎餅，香脆可口，吸曬啲汁好惹味。🌊蜜糖雞翼即叫即製，氣炸過的雞翼，外脆內嫩滑，面頭加上蜜糖🍯，甜咸交集更加惹味🤤。🌊龍躉兩味龍躉🐟肉片清炒，保留了魚肉的原汁原味，魚肉口感嫩滑實在，啖啖肉，簡單西芹清炒已經好好味。龍躉腩骨就走油，以薑蔥炆煮，炸得酥脆惹味😋。🌊鹽焗奄仔蟹奄仔蟹🦀參非常新鮮，鮮味突出，蟹肉多而易離殼，蟹黃都好多同美味。🌊蒜蓉粉絲蒸扇貝扇貝好新鮮，肉質軟滑清甜，配上蒜蓉粉絲，非常惹味。🌊椒鹽瀨尿蝦蝦肉🦐鮮嫩清甜，配上椒鹽酥炸，十分香脆可口，殼都可以食埋。🌊上湯龍蝦伊麵 龍蝦肉🦞質爽口彈牙，同樣新鮮鮮味，配上上湯煮，伊麵吸曬啲汁好好味心。🌊海鮮炒飯以叉燒粒、蝦仁🦐炒蛋飯，粒粒分明，唔會好油，熱辣辣好有鑊氣~🌊油鹽水菜心（附送）新鮮翠綠唔油膩🌊豆腐魚湯（附送）奶白色的魚湯，鮮甜美味
繼續閱讀
朋友生日，四個人一齊入流浮山食海鮮，我哋喺條街度買咗海鮮，然後就嚟到朋友推介嘅邦記加工。夥計服務態度好好，會主動推介各種海鮮嘅煮法，最後我哋啲龍蝦北寄貝石頭魚，分別揀咗酥炸粉絲蒸同埋豉油蒸嘅煮法。上菜速度十分之快，鑊氣都十足，上枱仲係熱辣辣完全唔驚凍咗，每樣海鮮有調味得來依然可以保留到海鮮本身嘅鮮甜度，完全唔驚浪費咗咁新鮮嘅海鮮。最後每人食咗四百幾蚊，當中仲包括喺嗰度叫咗個炒飯同埋送咗一碟油菜，唔驚唔夠飽。
繼續閱讀
我前幾天去了一家海鮮餐廳，點了大閘蟹、蒸扇貝、椒鹽賴尿蝦、白灼蝦、海鮮炒飯和蜜糖雞翼，非常好的用餐體驗，食物新鮮好味😋首先，大閘蟹非常新鮮，味道非常好。它們的蟹肉豐滿且肉質鮮美，蟹黃也非常豐富。蒸扇貝也是同樣新鮮，肉質嫩滑、清甜可口，非常美味。椒鹽賴尿蝦的味道非常香，蝦肉也非常鮮美，而且炸得非常酥脆，非常好吃。白灼蝦和蜆的味道也非常好。蝦肉非常嫩，蜆的味道非常清甜。海鮮炒飯也非常美味，用的是新鮮的海鮮和高品質的米飯，口感非常好。蜜糖雞翼也非常不錯，醬汁非常美味，燒得恰到好處，讓人垂涎三尺。龍躉兩味，清炒保留了食材的原汁原味，魚肉口感十分爽甜，嫩滑多汁，啖啖肉。而且他們的清炒做法非常簡單，不加太多調味料，讓人可以品嚐到食材的天然風味。另外，龍躉炸得材酥脆可口，口感十分出色，非常惹味。這是一家非常值得推薦的海鮮餐廳，他們的食物非常美味，如果你喜歡海鮮，這是一個非常好的選擇。
繼續閱讀
您可能會有興趣的...