99
5
2
開飯介紹
日式自助石燒牛扒店，牛扒有不同部位及重量選擇，均經過熟成處理，會由師傅先煎至一成熟，再放在攝氏300度的火山石板上，客人可按喜好自行用石板燒至理想熟度。牛扒餐皆附自助吧，可任食沙律及飯。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
-
網上訂座服務暫停
食家推介
相關文章
呢間公司附近嘅餐廳，每次行經都好想試，一直冇機會，因為平時帶飯多，今日終於有機會一試。一入口要先用機點餐俾錢，職員再安排座位。兩個人都可以坐四人sofa位，坐得舒服，只係座位頭上剛好有部冷氣機，吹到頭都暈，要叫職員較細啲個冷氣。餐廳設自助區，自己拎椰菜絲，白飯，羅宋湯任裝。職員會定期refill。椰菜 （跟餐）：都幾新鮮。羅宋湯（跟餐）：夠哂熱。白飯 （跟餐）：有啲削，調味粉任落。厚切牛舌燒 （$70）：牛舌好腍！略嫌食物唔夠熱，唔知點解人哋個鐵板燒到si si聲，我哋嗰塊只係一隻碟咁。雖然主菜唔夠熱，鐵板燒唔起，冇咗個儀式感，但呢口價食到飽，坐得舒服，ok啦。總評：可以一試
繼續閱讀
1/10/2023國慶要食好啲😏當初‘石燒’盛行時都幫襯好幾間唔同嘅，之後越來越多就好似少咗食。今晚突然之間有啲掛住，所以去咗‘牛極’油麻地分店。（其實旺角同油麻地都有分店，不過感覺上旺角應該多人啲，所以我寧願行遠少少去油麻地）有新品～立即要試吓先～封門柳. 好味喎，肉好‘林’身，仲軟綿綿過牛柳, 又好有牛味。 再配上蒜蓉同海鹽，正呀。 （今次我食270g $150, 下次食180g $105 就夠了，因為仲有白飯、湯、沙律任飲任食）😋😋 我覺得佢個湯真係好好飲，牛肉湯，每次起碼都要飲2、3碗。反而沙律就單調啲，剩係得啲沙律菜, 自己加啲麻醬。食得滿足之餘，唔知係咪因為油麻地分店真係相對少人，所以侍應服務超好，d 阿姐好貼心推介你食新嘢，有提你可以拎圍裙等等。不過都有弊病，始終石燒都比較大油煙，食完全身都係油煙味😛😛
繼續閱讀
呢間我真係好鍾意食，旺角區食個lunch下下都成舊水，呢間$80.1個牛肩肉餐，入面白飯湯全部任裝，個牛尾湯定係牛骨湯好好飲我每次去都飲三碗，不過記得食嘅時候另外攞定多個碗將啲肉一開始擺開，如果唔係就會太熟喔！
繼續閱讀
這家熱石燒餐廳的性價比非常高，儘管牛肉可能稍微有些硬度，但牛味肉質方面表現良好未至於話有牛油香氣嗰種但也算味道鮮美。此外，餐廳提供的自助吧非常豐盛，菜品種類繁多，讓食客可以盡情享受各式料理的樂趣。特別是餐廳的招牌菜牛湯，它的口感細膩，濃郁的湯汁中充滿著牛肉的香味，比其他熱石燒菜品更加美味，讓人回味無窮。除了美食，餐廳的服務質素也值得一讚。服務員態度良好，熱情殷切，樂於幫助客人，讓人感到宾至如歸。而且，餐廳的環境舒適，氛圍溫馨，讓人感到放鬆舒適。總體而言，這家熱石燒餐廳提供了高品質的菜品和服務，是一個值得光顧的餐廳。無論是品嚐美食還是享受美好的用餐體驗，都能在這裡得到滿足。
繼續閱讀
想食熱辣辣鐵板燒牛扒閑閑哋都要$200以上，喺牛極$100以下搞掂！呢度特色係用一塊燒紅咗嘅石裝住牛扒，上菜時塊石仲滾熱辣燒緊塊牛扒，你可根據自己食牛嘅喜好，生少少食又得，煮熟D食又得。不過我覺得七成熟就最好食，趁佢熱嘅時候加啲蒜蓉一齊煮更加惹味！唔想煮得太熟硬巴巴就要早啲將塊牛移走塊石！自助吧有沙律菜牛肉湯白飯醬油蒜蓉，檸檬水任你享用同添飲！牛可以有唔同級數同份量俾你揀，最平最經濟嘅牛肩肉$85/180克，基本叫呢個份量都夠食！入到餐廳有部自助點餐機，點完即刻俾錢先坐低食！味道：環境：性價比：Encore指數：
繼續閱讀