115
3
11
港鐵旺角站 E2 出口, 步行約5分鐘
繼續閱讀
營業時間
星期一至日
12:00 - 16:00
17:00 - 23:45
公眾假期
12:00 - 16:00
17:00 - 23:45
公眾假期前夕
12:00 - 16:00
17:00 - 23:45
以上資料只供參考, 請與餐廳確認詳情
食家推介
近排朋友約食飯吹水，搵地點食什麼都係朋友話事，我可以輕鬆一下，去到旺角食一間叫鍋卷鳴門既火鍋店，這間店主題原來是自己自助即撈海鮮。這間店好有日式忍者餐廳感覺，門口會寫左今日時令海鮮大約提供五至六款左右。到最後我地選了上忍之卷set，因佢有包日本國產牛法國生蠔等。飲品、雪糕、都可出去自助區自取，又有不同既菜類、丸類、即食麵。今日入去海鮮區原來有好多新鮮活海鮮，例如有瀨尿蝦、大蝦、大連鮑魚等等貴價海鮮，因每天漁獲稍不同。魚缸都乾淨企理，見瀨尿蝦、大蝦、三點蟹都非常生猛，每隻都紮紮跳，尤其活捉瀨尿蝦真是要小心，咁多個海鮮之中最生猛同最容易整到手，要快令它凍暈。【蕃茄羅宋湯+鰹魚清湯】蕃茄湯底勁濃郁，勁多蕃茄，淥肉類、丸類、蔬菜等等比較合適，鰹魚清湯最適合淥海鮮，可試出海鮮的鮮甜味。【瀨尿蝦、大蝦、大連鮑魚】瀨尿蝦：非常生猛，每隻都有男人手掌咁大隻，肉質鮮嫩又鮮甜。必食。大蝦：新鮮生猛大隻，肉質結實爽口。大連鮑魚：比想像中大隻同新鮮，肉又夠厚身，軟淋得來又彈牙鮮甜。【日本國產和牛】和牛油脂分佈平均，淥幾秒就可以食得，肉質軟淋，一入口即溶，值得推介。【法國生蠔+北寄貝刺身】生蠔：即開生蠔，海水味同蠔味都非常突出，蠔肉爽口得來又滑溜，加少少檸檬汁可提升鮮味。北寄貝：鮮甜美味, 爽滑彈牙。【三點蟹】活捉三點蟹，非常生猛，肉質鮮甜，又有蟹膏，超捧!!【甜品】到最後食埋唔同款的雪條就完美句號。
繼續閱讀
最近好想食海鮮，但又唔想老遠入去西貢、鯉魚門食，突然記得早排見朋友食海鮮任食火鍋，而且還是自助形式，感覺幾特別，所以即刻問朋友拎電話訂枱，跟同事一起去即慶飯聚。餐廳入內之前原來已經要選擇那一個餐，見門口有一張日本長崎和牛認證，同事一見話想食日本和牛，所以最後揀了上忍之卷套餐。一坐低就有職員講解拎海鮮要點，原來要加冰塊入筒內再加水，將海鮮直接夾入冰水內雪暈，因為海鮮比較生猛，放冰水防止海鮮會跳出筒外，避免受傷。每張枱還有一個QR code，其他小食，刺身，牛肉都用QR code 落單。出面有一個大水缸，裝滿各式各樣新鮮活海鮮，不過店員話款式每日原來都會有所不同，今日有三點蟹、瀬尿蝦、大連鮑魚、青口、九節蝦、沙白、蟶子等等，還有其他火鍋配料/醬料一應俱全，飲品櫃有齊汽水、茶類飲品，自助形式，非常方便。日式火鍋湯底我們選擇了蕃茄羅宋湯拼傳統鰹魚清湯，蕃茄湯茄味濃郁鮮甜，湯底有大量新鮮蕃茄，香氣撲鼻，而鰹魚清湯清甜可口，鰹魚香聞落舒服清新，最適合放海鮮，令到海鮮可以保留本身鮮味。出去夾海鮮過程超好玩，九節蝦、瀨尿蝦全部都非常生猛，一夾上水已經不停掙扎，要快快手放入冰筒雪暈它們才可以夾第二隻，而且筒子有點小，所以每次大約只可以裝到4-6隻蝦左右。九節蝦大大隻，肉質結實彈牙，蝦味濃郁。瀬尿蝦啖啖肉，肉味鮮甜多汁，肉嫩飽滿。大連鮑魚每隻都手指長度大隻，肉質鮮嫩爽口，彈性十足，而且味道仲非常鮮甜美味。雖然已經有好多海鮮但都係好想食龍蝦，所以加錢要了一隻波士頓龍蝦，龍蝦攞盤精緻，而且肉質肥美，上碟已經扑開了龍蝦拑，方便進食，超貼心，龍蝦肉爽口鮮甜，完全不用沾任何調味料已經非常鮮味。日本和牛有入口即溶感覺，超級美味，肉味香濃又嫩滑，加上吸收了蕃茄湯底更加滋味。蟹子沙律青瓜絲爽口清甜，入口清新。刺身叫了甜蝦、帶子，入口鮮甜美味，而且蝦肉特別甜美。真是超級大滿足，食足一整晚海鮮，最後點少得雪糕、雪糕作結尾，牛奶布丁雪條奶味香濃，入口軟滑，我竟然足足吃了2大枝呢，超開心！
繼續閱讀
有日去咗呢間鍋卷鳴門, 力推呢間放題嘅海鮮！我地揀左個最貴嘅$788上忍之卷食個夠本!原來餐廳嘅海鮮每日都唔同, 但每日都會有起碼5款或以上海鮮供應, 餐廳會列出當日有供應嘅海鮮係門外, 啱嘅就可以入去食, 如果吾想去到先知無想食嘅海鮮, 都可以打電話去問左先📞入座前先點左鍋底, 今次就揀左關東風壽喜燒湯, 職員一邊帶位一邊講解捉海鮮時注意嘅事項, 非常貼心. 隨後就可以去自助區捉海鮮啦~ 我地去嘅當日有成7款海鮮比我地揀, 睇啱邊隻捉邊隻, 一定唔會比人偷龍轉鳳🤪🤪呢度每款海鮮都十分新鮮生猛, 生猛程度係需要同啲海鮮鬥力先夾到上嚟, 足以證明海鮮非常新鮮! 👍🏻自助區除左海鮮仲有蔬菜, 丸類, 飲品及醬料自取, 其它食物, 例如: 小食, 刺身, 肉類等等就可通過QR CODE落單~食物拎到返埋位後見到鍋底已準備好, 我地就急不及待煮熟啲海鮮嚟食, 果然無令我失望, 每款海鮮肉質都飽滿彈牙, 海鮮原本都好鮮甜, 但經過湯底嘅襯托下更加甜上加甜!😍😍值得一提嘅係，叫職員加湯佢地都會睇返每枱叫左咩湯底嚟加返湯，因為佢哋加湯係一半水一半原湯底，令到湯底食極都係咁濃味，睇得出真係好用心咁令每位顧客有良好嘅用餐體驗🥰🥰除咗自助區嘅海鮮，我地都特登留肚食佢哋嘅生蠔同埋日本國產和牛，我地叫左幾轉質素都係咁好，真係超晒班！食到尾聲先知原來餐廳依家有做緊任食大閘蟹放題😍😍因為我哋嗰餐唔包大閘蟹，但見佢賣緊$78一隻大閘蟹，決定試吓叫兩隻大閘蟹試一試個質素先，一開係爆晒膏，超正！有機會再嚟一定會揀呢個餐！食到最後已經好飽好滿足，但都一定要做埋指定動作，就係食埋個甜品先走～總體嚟講呢間放題真係超高質，海鮮質素冇得彈，唔係間間放題都做到啲海鮮可以咁新鮮生猛，期待下次再嚟食埋個大閘蟹放題🤤🤤
繼續閱讀
呢間任撈海鮮想食好耐啦 出左糧嚟呢度食餐好嘅 我地叫左最貴嘅上忍120分鐘任食餐 除咗有海鮮任食之外 呢個餐同其他嘅分別係 仲可以任食日本國產牛 法國生蠔 呢排仲可以追加大閘蟹呀 真係一次過滿足好多個願望坐低左即刻出去睇下魚缸有咩海鮮先 刀具 沙白 白貝 青口 蟶子 鮑魚 三點蟹 藍花蟹 賴尿蝦 草蝦 都有成十樣海鮮 全部任撈任食 可以自己揀到最大隻嘅先夾番去呢度有提供冰桶 要先凍暈咗d蝦蟹先呀 如果唔係周圍跳出來 今日重點當然係食最貴嘅賴尿蝦啦 每隻都好大隻 但真係好難剝殼 我最鍾意食嘅刀貝同鮑魚都好鮮甜 好大隻 記住唔使煮好耐鍾意食海鮮嘅人嚟到一定好興奮除左海鮮仲有其他野食ga法國生蠔 刺身拼盤 生蠔好新鮮 日本牛肉個油脂真係好靚 但食海鮮都飽咗一大半啦季節限定 大閘蟹 睇下佢d膏 食落去有鹹蛋黃咁嘅感覺 個個嚟到都係主打食海鮮 所以出面自助區嘅丸類菜類冇咩人食 臨尾一定要食返個雪糕就超級大滿足啦
繼續閱讀
〰️上忍之卷 （$788位）有120分鐘任飲任食，日本國產和牛、法國生蠔、特選刺身、下酒小食、即炸天婦羅、前菜沙律同埋一品料理。湯底六種可以選擇，禁錯制落錯單懶得麻煩店員再換所以兩個湯底都係辣😣。麻辣蕃茄湯底唔錯，微辣再帶點蕃茄嘅酸香。建議另一個揀清啲嘅湯底咁先至可以食到海鮮嘅鮮味。最特別嘅係有七到八種海鮮任夾，每日供應嘅種類都唔同以確保新鮮度。當日有鮑魚、蟶子、賴尿蝦、青口、肉蟹等等。蟶子鮮甜、鮑魚大大隻，樣樣都好新鮮生猛，尤其是賴尿蝦隻隻都係到彈下彈下。😂炸物嚟講推介紫薯餅，粒粒薯粒係入面，香口又香甜！刺身就推介馬刀貝，爽口！肉類方面當然最推介日本國產和牛，口感柔滑。另外醬油蝦都唔錯，夠鑊氣之餘仲好惹味。呢家仲好似可以轉做任食大閘蟹嘅餐架～🤨〰️〰️📍 鍋卷鳴門 (旺角)旺角通菜街1A-1L號威達商業大廈3樓3B室
繼續閱讀