4
0
0
港鐵旺角站 B2 出口, 步行約1分鐘
繼續閱讀
電話號碼
68717114
營業時間
星期一至四
12:00 - 22:00
星期五至六
12:00 - 23:00
星期日
12:00 - 22:00
以上資料只供參考, 請與餐廳確認詳情
食家推介
相關文章
嚟到旺中掃街，發現呢間食煎餅嘅鋪頭，見到佢整緊嘅時候好似幾好味，所以就叫咗個日式沙律雞煎餅黎試吓。其實佢間鋪啲煎餅都幾貴，款款都要30幾40蚊，一於就試吓係咪真係值得食。個煎餅係即叫即整，面頭係用雞蛋包住入面嘅材料，入面除咗有沙律雞之外，仲有菜同埋一啲脆脆，食落口感幾豐富。啲雞都好滑，其實幾好味，不過有啲貴。follow佢個social media 仲有酥炸墨魚丸送，個墨魚丸幾好味，都有五粒咁多，不過就唔係好覺係酥炸啦。
繼續閱讀
路过旺角，四处觅食的时候吃过一次，小哥服务很好，但是味道是广东人口味，稍微多了甜味，脱离了北方的原汁原味，各有所爱吧。。速度很快，见到了两个学生仔去买，几乎不用排队。
繼續閱讀
Lunch又有野攪，一個人快食，又唔算餓，就去旺中入面買下小食。見倒呢間小食店門外貼了一堆IG打卡好評，貌似好厲害，即管一試。選了雙蛋叉燒煎餅$35-睇住即叫即煎，幾有誠意。一到手，好墜手下，好實在。煎餅比crepe厚，軟身，裡面塞滿餡料，叉燒粒落得大方，半熟煎蛋都好味，估唔倒同烤鴨甜醬好夾，好惹味。喜歡蔥茜的我覺得好爽，青香十足，仲有脆片增加口感趣味。缺點要數的話就是對女仔泥講，實在太大份了，小食泥講唔算平，但好大份，值呢個價，有人share會開心d，因為食到最後膩了兼好飽，哈哈。下次再試其他味道。
繼續閱讀
傳聞話佢幾好食，見唔使過海喺旺角都有就試吓。招牌北京炸鴨煎餅聽落幾正，上手都熱辣辣，但好軟腍，一咬開就幾易散，所以唔好拎太出呀。不過失望嘅係鴨肉乾咗啲，醬太甜啦，食唔晒咁啦…所以都係冇點頭啦…美咪指數：4/10抵食指數：5/10
繼續閱讀
今天要去旺角中心附近拎新配好既眼鏡，眼鏡未拎到，肚就開始打鼓🥁，因為夜晚約左人食buffet,下午都晤好食太飽，四圍揾緊野食時，見到幾個學生揸住一袋二袋煎餅行過來，上網八卦下，先知有間煎餅店在旺角中心落左戶。我地平時好少來旺角中心，都唔知呢度有野食，商場一樓有好多鋪仔，即系好似葵涌廣場咁，行到最尾，見到有好多人企響度立食，呢度系三四間小食鋪，其中有一間就糸我地見到d學生食緊既「老come煎餅」。原來呢間「老come煎餅」系大有來頭，正如佢店門口招牌所講，系天後月賣萬份煎餅插旗旺角。望下個餐牌，我地揀左個招牌煎餅系列之北京烤鴨，兩人share,買煎餅加豆漿，豆漿就半價，著校服豆漿就免費，晤怪得咁多學生哥幫襯，溶入氣氛，即時令我地呢d老餅回憶那些年的故事比左錢之後就等叫號，在香港要發展呢類小食鋪的確是不容易的，小小店面但好可能好貴租，檔口不集中，聚不到人流，人工水電樣樣貴。同臺灣夜晚唔同，根本冇呢種食街文化。所以我地都好佩服佢地年青人創業的精神鋪頭得兩個人，一腳踢。我地個餅開始做啦，整餅師傅在轉轉枱上攤開一勺面糊，攤平一張皮之後，在上面加左個蛋。再用T形棍將雞蛋均勻鋪在面皮上。熟練的將餅轉圈反轉。令餅皮夠均勻厚度。又用刷子塗一層面醬。繼續旋轉令醬均勻擦在面皮上。一邊塗醬一邊轉。直到均勻塗好。又在上面撤一層切好的蔥花同青瓜條，香菜。在上面再加一層准備好既北京烤鴨丁。在包起前，加上一塊脆脆油渣餅。好了，可以包起，三下五除二，將兩邊餅皮向中間折起。用鍋鏟輕輕一壓兩頭，即刻封好個型。最後兩頭折起，變成一個正方形。鏟起入袋，裝袋叫號。就咁樣，我地接過新鮮滾熱辣的煎餅。咬一啖咔咔聲，面皮的Q感加上油渣餅的香脆形形鲜明對比，味覺十分豐富。面醬包住既北京烤鴨很軟滑，好好味伴有香菜蔥的調和，食到青瓜的flash。不過提得一提既糸，真的要新鮮熱辣食，如果攤凍左，應該就唔好味了。豆漿原價7蚊，套餐半價3.5。呢個輕食都唔錯吖，學生記得著校服來吖，豆漿免費。我地兩個share一份好明顯不夠，哈哈，下次會再來食。
繼續閱讀