140
64
20
附加資料
日本連鎖式吉列豬扒專門店 Ca-Tu-Ya吉豚屋，於日本全國擁有超過210間連鎖分店，以相宜的價格提供品質高及美味的吉列豬扒而聞名，深受食客喜愛，於2012年底開設第211間分店，正式進駐香港; 招牌菜: 吉列炸蝦豬扒定食、和風汁吉列雞扒飯、滑蛋吉列豬扒飯
營業時間
今日營業
11:00 - 00:00
星期一至日
11:00 - 00:00
*最後落單時間: 23:30
以上資料只供參考, 請與餐廳確認詳情
食家推介
Lunch首選價錢經濟實惠之餘味道有驚喜，定食仲有好多唔同選擇👍🏻👍🏻🍱［吉列豬扒定食］$75金黃色嘅吉列豬扒炸得外脆肉嫩，炸漿適中唔會太厚粉，配埋特製吉列豬扒醬簡直係絕配。吉列豬扒定食除左配飯、野菜豚肉湯仲配埋沙律菜，椰菜新鮮爽脆可以中和豬扒嘅油膩感😋 必食之選！🍱［吉列雞扒牛肉壽喜燒鍋定食轉烏冬］ $81唔想食飯可以加$6轉讚岐烏冬，甜中帶鹹嘅壽喜燒牛肉配埋酥脆嘅人氣吉列雞扒，一次過品嚐2種料理雙重享受👍🏻吉列雞扒炸得岩岩好，肉汁豐富juicy，加埋滑蛋肉質口感更加滑嫩環境⭐️⭐️⭐️ 性價比⭐️⭐️⭐️⭐️推薦度⭐️⭐️⭐️人均消費:$85.8整體分數:89.13分
繼續閱讀
今日喺旺角通菜街發現咗一間餐廳，叫做「吉列豬扒專門店」。呢間餐廳嘅環境唔算一般，不過佢嘅豬扒真係好酥脆好好味，令人回味無窮。我今日食咗炸蝦豬扒泡菜鍋定食，只係$87，真係物超所值。炸蝦好新鮮，豬扒好juicy，泡菜鍋仲有啲辣辣嘅味道，好開胃。食完之後，我覺得好滿足，成家人飽晒暖笠笠。如果你鍾意豬扒，真係要嚟試下呢間餐廳嘅豬扒，物超所值！吉豚屋吉列豬扒專門店 (旺角)旺角通菜街142-146號啟運大廈地下A號舖
繼續閱讀
難得同好耐無見既朋友去睇電影優先場，結束後，都9點幾10點，好多餐廳都開始收舖，見到呢間開到比較夜，所以就黎食個晚餐加傾計。呢間出名係吉列豬扒，其他地區都有分店,之前都有食過，印象中沙律菜任添，今次叫左壽喜燒牛肉配吉列豬柳，上菜好快，整體味道不錯，但係牛肉感覺比較鞋，吉列豬柳正常發揮，唯一希望飯可以轉沙律菜，對於晚上減米飯或者唔食米飯既朋友比較多選擇。如果比較夜，想揾個地方食晚餐好坐少少，可以同朋友聚下，呢個都係一個好選擇。
繼續閱讀
吉豚屋係一間日本著名連鎖式吉列豬扒專門店，2012年由日本黎香港開分店亦都係我中學時期經常幫襯嘅一間鋪頭。 餐廳行簡樸路線帶少少日本風。而價錢都十分貼地，一份定食都係$70至$90不等，以呢個價錢係香港地可以食到一份日式定食已經算係十分實惠。今日中午黎到旺角通菜街分店，人流唔算好多，一入去就已經有位可以坐低。望完餐牌，即刻叫左一份定食慢慢品嚐。 吉列豬扒定食 ($75) 一份定食除左主菜之外，仲會隨餐有埋新鮮椰菜絲，豚肉野菜湯同白飯。食物一黎到,我以經俾大大嘅吉列豬扒吸引住，豬扒炸到金黃色食落香脆，唔會太乾。隔離嘅椰菜絲加上胡麻醬，爽甜之中帶一份芝麻香，特別好食。 豚肉野菜湯，有好多蘿蔔片同豚肉片，好觧甜。最後白飯用上日本米，為成餐飯畫上完美嘅句號。 食完呢餐飯，令我中學時期嘅回億全部返晒黎。
繼續閱讀
今日突然見到呢間超抵食嘅吉列豬扒店，平均60~80蚊一個定食，真係好抵重點質素唔錯，一啲都唔差我呢個泡菜鍋烏冬，連兩隻炸蝦及吉列豬柳都係$75, 你話 而家去邊食近排開始轉涼，呢個時候食個暖粒粒嘅泡菜鍋烏冬真係無得頂不過，佢啲飲品好甜（真係甜～）螞蟻人好啱，要慎選🙊7點鐘要排一陣陣，我就排咗10分鐘佢限時，6點過後得50分鐘食，當佢快餐咁食囉🤣🤣🤣可以mark 低，係飯堂嘅好地點👍🏻👍🏻👍🏻
繼續閱讀