74
6
0
營業時間
星期一至日
11:30 - 20:00
以上資料只供參考, 請與餐廳確認詳情
食家推介
相關文章
已經第2次食，兩次食都係即整即出餐，熱辣辣＋賣相靚到呢...!! 店舖設計十分整潔，分開落訂區＋堂食區，每個便當都好有水準，今次同朋友食，自己叫左牛肉壽喜燒弁当，好耐無食某某牛飯，重光整得唔錯好味！但唔係區內人真係未必識來，咁高質嘅小店一定要大大力支持!! 店內無飲品賣，但能夠做好便當專注做好便當已經好叻，支持小店 :3
繼續閱讀
由香港人主理嘅呢間日式小店隱藏響一個人流好少兼極度平平無奇嘅新蒲崗商場入面呢間小店係非常之咁有良心同提供非常高質便當/仲要係即叫即整便當除咗主菜重要之外最緊要就係個飯呢度絕對唔係用頹嘅cheap嘅米整成飯畀你/而係採用咗日本珍珠米雖然係外賣但係包裝都唔馬虎整到好似響日本買嘅日式便當咁/尤其係中間條封條/大大提升咗個儀式感/即叫即整嘅關係就算攞到番去食都唔會好快就變到凍冰冰✨日式唐揚炸雞弁当用咗雞上脾肉嘅炸雞/炸得好乾身同鬆脆/配埋自家製嘅他他醬/飯上面仲有啲飯素/真係健康之選
繼續閱讀
lunchtime 同事食飯，外賣返公司食，好準時送到，值得－讃。便當包裝外觀良好，日式風味。食物味道ok，試過食牛肉便當、鯖魚便當，兩個都好食😋，不過價錢不包飲品，如果有就perfect 👍
繼續閱讀
【黃大仙區】【重光弁当】呢間我都食咗一段時間，係一間喺新蒲崗嘅黃店，食日式便當嘅，只係我幫襯得一次就寫好似唔係咁妥當咁。真係會睇內文嘅讀者對我寫嘢嘅要求都好高，壓力同時係推動力，可惜我真係冇稿喺手喇，侷住搬出嚟頂住檔先。網上資料指出「重光便當」係日式料理餐廳，將喺日本被稱為「淨土之鳥」嘅丹頂鶴做主題。 借用佢哋只生長喺最潔淨嘅地方代表「純潔意志」之義，表達將穢土化為淨土，令所在嘅地方重光嘅意思，都真係幾有意境架喎。呢度主打即叫即做嘅日式便當，好多款唔同嘅選擇，都係參考返日本啲便當店嘅出品，店家挑選返啱香港人口味又方便外賣拎走嘅配搭。佢哋選用北海道白米同埋日本製嘅便當外賣盒，我就整返個 $75 嘅「重光招牌弁当」先。餐牌上面寫嘅介紹係「重光招牌便當，由重光手足們精挑細選嘅蝦餅、鱈魚柳加上唐揚炸雞兩件」，都係正確描述嚟。三款炸物配自家製他他醬都相當出色，再加上有柚子雜菜沙律同埋蟹柳、枝豆、蘿蔔逗住，好豐富。仲有好多嘢想寫不過好似已經太多字，講埋嘢飲，我用 $20 叫咗枝玻璃樽嘅日本直送汽水，完熟桃味嘅，幾好飲，清清哋。夾埋價錢 $95，就咁食個飯嚟講唔算平，不過佢哋食材連埋個盒都係日本嘢，呢個價的確係合情合理嘅。。。（地址：新蒲崗崇齡街33號新蒲崗廣場1樓B05-07號舖）
繼續閱讀
我相信作為一個香港人都一定聽過重光弁当其實之前一路都想食但係無奈唔係住喺附近叫外賣又覺得有啲貴難得今日經過新蒲崗即刻過嚟買個便當返屋企食🔸唐揚炸雞便當主菜包含炸鱈魚、炸蝦餅同兩件炸雞，炸物幾正，外面炸得好鬆脆，呢一個便當重有幾款配料，有關東煮、枝豆同蘿蔔，配搭埋佢嘅瓣數食好好味，好鐘意佢既飯素❤️🍀總結外賣好精緻😍😍😍 幾好食👍👍欣賞店主仍有既堅持 請支持小店 我真係好 鐘意香港🫶🏻🫶🏻
繼續閱讀