840
25
10
電話號碼
63773038
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
第二次嚟食海膽仔，之前食過佢哋嘅串燒、壽司同埋生蠔都覺得質素幾好，今次專登嚟食海膽😍呢間小店地方都幾隱蔽，位於新蒲崗嘅唐樓內街入面，但係佢哋以新鮮海膽、刺身同埋生蠔而聞名😎 唔係住喺呢一區嘅朋友都同我推介過呢一間餐廳！平時開party會嚟order生蠔同埋海膽🥰餐廳入面大概有七至八張枱，裝修係簡潔少少日式佈置。menu入面嘅食物種類繁多，除咗供應原板海膽同埋以海膽為題嘅特色料理，另外仲有原條鮮魚刺身、生蠔、刺身、壽司、串燒、鍋物、定食、刺身丼⋯⋯等等，酒類選擇都多，居酒屋嘅食品都一應俱全。———.+:｡(〃ω〃)ﾟ.+:｡ ｷｬｧ♪🌟超推薦💁🏻♀️〖倍化帶子吞海膽〗紫菜上面放咗勁大粒3L帶子刺身夾住海膽，呢個配搭真係無敵！好鮮甜又厚肉嘅帶子加濃郁嘅海膽，入口嗰種飽滿嘅幸福感🤤非筆墨所能形容！一客兩件，非常抵食！🌟〖海膽仔迷你丼〗有三碗佈滿海膽嘅丼飯仔，左右兩邊用咗加拿大海膽，分別加上三文魚籽同埋黃金魚籽，加拿大海膽比較肥厚，有陣奶蛋香味，口感幼滑又甜😍而中間嘅係日本北海道海膽加金箔，北海道海膽味道濃郁甘甜，兩種都好味😋🌟〖赤崎生蠔〗大隻肥美又鮮甜，唔算好creamy，入口甘甜，海水味適中，係我好鍾意嘅生蠔口味😋 行入餐廳嘅時候會經過生蠔櫃，睇到今日有啲乜嘢生蠔選擇～已經睇中咗佢😆 呢度嘅生蠔全部買五送一‼️曾經風靡一時嘅〖令和之怪物〗都只係$68一隻，一樣有買五送一優惠！🌟〖三文魚腩刺身〗鮮甜厚切，今次嘅魚腩部位又唔算好肥，同行朋友比較鍾意，我就覺得食得三文魚腩，梗係想肥美啲🤣一客有八切，都好抵食😋———.+:｡(〃ω〃)ﾟ.+:｡ ｷｬｧ♪❀倍化帶子吞海膽（2件）$98❀海膽仔迷你丼 $268❀赤崎生蠔 $68（生蠔買五送一）❀三文魚腩刺身（8切）$98
繼續閱讀
今日放工去食下好嘢先，好耐冇食過日本嘢， 記得有間出名日本海膽餐廳喺附近就去試下， 這間餐廳有壽司吧，有生蠔和外賣刺身，壽司，甜品可選擇，裏面係餐廳堂食，還有上層 添， 裝修日系風，簡約，光線充足，係居酒屋日本餐廳，適合拍拖，傾偈，聚會，放工時間很快就爆滿了，如果想食就早啲過嚟攞位海膽丼 $168這間店出名海膽，當然要試下他的海膽丼，海膽丼真係好多海膽，一啲都唔孤寒，仲要係好鮮甜 😍，可以配紫菜或者飯一起吃，有唔同嘅口感， 海膽放入口內即溶化，回味無窮三文魚大蝦帶子丼 $98另外嗌咗三色丼，三文魚厚切，肉質均勻，肥美，大蝦大大隻，好QQ彈，帶子兩大粒， 好鮮甜，成個丼份量都好多，還跟沙律和麵豉湯 😚活赤貝 $45另外嗌了一個赤貝刺身，師傅有用紫菜包住部分赤貝配合青瓜絲，有唔同嘅口感，就咁食赤貝刺身好爽和清甜 ☺️三文魚腩手捲 $22軟殼蟹手捲 $28火炙鵝肝手捲 $38另外作為手捲控嘅我必定會嗌手捲的，今次選了三文魚腩，軟殼蟹和火炙鵝肝， 三文魚腩肥美鮮甜，軟殼蟹外脆內軟還有肉汁，鵝肝好軟熟，燒得好香，手捲全部都係即叫即做，上枱嘅時候還是脆的，即刻開動了 😆明太子雞翼 $32小食在嗌了一個明太子雞翼，明太子讓入雞翼中間好豐滿，肥嘟嘟，明太子有少少辣帶出鮮味，雞翼外脆內軟和明太子一起吃很有口感 😉
繼續閱讀
三訪海膽仔 佢依然係我食丼飯Top1小店海膽丼飯 刺身鍋物天婦羅生蠔乜都有🤭當佢係放題咁樣食價錢都可能差不多嗌左兩個丼飯加小食同天婦羅埋單先500蚊丼飯仲會包沙律🥗同埋麵豉湯店員服務好好 大力推呢間CP值好高既小店⭐️📍海膽三色丼 HKD138每次都會嗌 必食招牌item✨有一板海膽 吞拿魚蓉 三文魚籽同紫菜吞拿魚蓉入口即溶 撈埋京蔥芝麻碎帶出油香😙將紫菜放上醋飯 吞拿魚蓉 三文魚籽同海膽一啖放落口!!!!!!! 成個口腔充滿鮮甜味道海膽好creamy沒有腥味 甜得黎帶點甘香🩷📍三文魚鵝肝帶子丼 HKD138三片厚切三文魚配搭兩塊鵝肝 兩粒帶子平時普通餐廳就咁叫煎鵝肝都要一舊水三文魚魚油香味好濃💦 口感非常好鵝肝煎到好脆 鵝肝油脂齒頰留香🤤帶子大大粒清甜 食完成碗飯都唔會覺得好油膩📍倍化帶子吞海膽 HKD98呢個組合打卡又靚 味道仲好豐富✨成個一啖放落口100分💯第一啖食到紫菜味道接住係炙燒帶子既鮮甜慢慢再食到海膽甘香既味道三個味道好夾沒有違和感🥰📍大蝦天婦羅🍤 HKD88上碟熱辣辣炸粉好薄而且金黃酥脆大蝦一共有五隻 份量都足秤🤏🏻食到大蝦本身爽彈口感點埋天婦羅汁帶出蝦鮮甜味道
繼續閱讀
同好朋友補祝朋友生日，一定要揀一間有質素，有信心嘅餐廳。所以第一時間就諗到呢間，位於新蒲崗嘅「海膽仔」。餐廳環境整潔舒服，食物方面主打各式時令飛機直送海膽、魚生、生蠔等等。更提供月替定食以供選擇。個人喜好首推生蠔，各款生蠔有買五送一優惠，認真抵食，而且選擇頗多。至愛《令和の怪物》（$68/隻），肉質爽口鮮甜美味爆燈。只需加適量檸檬汁，就可以品嚐到蠔的鮮甜原味。嚟到「海膽仔」冇理由唔食佢嘅招牌海膽。如果吾想咁獨孤一味，呢個《海膽三色丼》（$148）就啱曬啦，嘅有海膽，再配上三文魚子及香蔥拖羅蓉，一次過滿足晒三個原望。各式丼飯更均配送沙律及麵豉湯，性價比十分高。「倍化帶子吞海膽」（$98），呢個又係要推薦大家一試。紫菜再加厚厚帶子，然後再包住海膽，入口海膽即溶，夾雜著帶子嘅鮮，整個口腔充斥着濃濃的鮮甜味，久久不退，回味無窮。熱食方面亦有拉麵，朋友揀咗「汁燒雞扒拉麵」（$68），都很抵食。雞扒肉嫩、濃郁湯底，配上原隻流心蛋、紫菜、粟米、木耳絲及芝麻葱花，足料好味。
繼續閱讀
1. 海膽三色丼 $148海膽份量好多，有大約半5-6片，海膽口感入口即溶，味道好鮮甜，感覺好新鮮，仲可以用紫菜包埋海膽食；三文魚籽每一粒都好飽滿；拖羅蓉份量有好多，口感好綿密；將三文魚籽同拖羅蓉撈飯口感同味道更加豐富，估唔到三文魚籽同拖羅蓉原來咁夾。🌟 評分: 9/102. 火炙三文魚腩丼 $108火炙三文魚腩鋪滿晒成個飯既表面，同埋加入咗少少燒汁，火炙三文魚腩經過火炙之後油份已經迫出嚟，而飯就吸收晒魚腩既油份；火炙三文魚腩燒得啱啱好，咁只表面係微熟，口感入口即溶，油脂滿溢。🌟 評分: 8.5/103. 麵豉湯定食會跟麵豉湯同沙律菜，麵豉湯好足料，入面有好多豆卜，味道亦好濃郁。🌟評分：7.5/104. 安格斯肉眼扒 $168肉眼扒熟量大約係5成熟左右，油脂分泌正常，味道好重牛味，有燒過嘅焦香同埋少少黑椒味，有肉汁，加埋炸蒜頭會更加香牛味，同埋可以點佢既黑椒燒汁會更加惹味，口感好腍。🌟 評分: 8/105. 芝士年糕 (2件) $32芝士年糕表面唔會好多偏乾身，年糕好煙韌，入面係滿滿嘅芝士，食既時候會流芝士，芝士味好濃郁。🌟 評分: 8/10🎖️整體評分🎖️❤️ 味道: 8.5/10🧡 環境: 8/10💛 服務: 10/10💙 性價比: 9/10 📍 海膽仔 (新蒲崗)新蒲崗衍慶街2-32號新蒲崗大廈地下Q號舖#hkoverfood_新蒲崗
繼續閱讀
您可能會有興趣的...