6
3
1
以上資料只供參考, 請與餐廳確認詳情
新蒲崗的千秋居食屋推出了$84的團購餐，連加一只需$96,便有前菜、刺身及火鍋，當中的豬、牛、雞肉可無限任加，似乎十分優惠，不過..... 前菜的三文魚沙律用了中華汁攪拌，有點格格不入；刺身中的三文魚太腍，甜蝦的頭較腥，立魚亦不見得爽口，還是希靈魚較正常；那火鍋的配菜算足夠， 但加料要逐一計，豬肉算結實，雞肉亦很滑，牛肉最不錯，但追加牛肉的脂肪卻越求越多，Shirley還說牛肉有羶味，雞肉有雪味.... 我卻吃不出，是我味覺遲鈍還是她過敏呢? 但肉食始終吃得多會膩，其他火鍋配料又要額外收費，不太盡興，一小時多便離開了。價錢不算貴，但不去最實際。 總分數53。
繼續閱讀
今日同肥妹仔口痕痕想食下日本菜啦,點知就去左呢間野度食, 其實都坐得幾舒服!!但食物水準真係麻麻過麻麻......我地叫左個二人餐...有呢個前菜沙律...個沙律唔知點解可以唔凍, 食落好淡呢!!壽司塊魚生又係唔凍, 但下面D飯暖暖地...可能咁樣令到D魚生唔凍, 感覺唔多良好!!個芝士攀還可以, 但個薯餅...我同肥妹仔食到一半就無再食...十分油膩, 而且個涵唔鹹唔甜咁!!下次唔會再食呢...呢條魚係成個餐最劣食之處!!成條魚好焦好苦, 可能燒得太過燶,黑都唔緊要, 但係食一啖個口苦晒...真係唔夠膽再食呢!!呢兩碗拉麵係成晚最穩陣的!!總算係可以食得最開懷既一個,豬飲骨幾好味, 好淋好入味, 認真唔錯,而塊叉燒就有少少韌, 但都算OK既!!但係最攪笑係佢個餐牌, 不得不提!!本身個餐寫住價錢17X幾, 之後加1服務費,佢話係要收返2XX原價既10%!!咁都可以, 有少少取考囉...!!
繼續閱讀
星期六的晚上, 難得假期可以很悠閒的渡過但是, 為什麼在新浦崗就那麼難找到有情調或有特色的食嗣呢?除了MIKIKI以外就沒有其他比較好的餐館了嗎?正在傷腦筋的時候, 我們一行五個人,經過一家頗新的日式食嗣可能還算早, 所以我們不需要等就能夠有位子!只是因為大部分的座位都是”卡位”, 塞不下我們五個食客所以被安排坐在全餐館裡最後面, 也是最角落的位置當然也是一個我一定不會選的座位 因為這座位非常靠近廚房通道所幸 投射燈的光線彌補了座位的缺憾我們也就開始研究要吃些甚麼當然 來到日式餐館 不可少的有魚生, 烏東, 鰻魚 和 天婦羅啦!來看看我們都點了些甚麼?因為想吃海鮮類的餐 所以我點了一份海鮮烏冬味道還真不錯, 辣的程度起到刺激的作用但是並不會令我難堪因為通常吃得太辣, 會流汗, 只是這碗麵辣的好到位另外就是對於這麵的湯, 一點也不鹹, 不會有事後狂喝水的狀況出現所以我還蠻滿意的我的朋友們 分別點了:鰻魚蛋包飯分量很足夠! 男士們吃這個一定飽味噌豬軟骨拉麵拉麵有嚼勁, 豬軟骨真的有煮到軟化, 這碗麵會是我的第二首選鰻魚飯我本身不吃鰻魚 因為鰻魚本身是無鱗的海中生物 對於滑滑的魚類 我通常都不太喜歡吃這鰻魚飯應該會是我的最後選擇三文魚魚子伴飯這伴飯配上新鮮的三文魚和魚子,浇上少許的日本醬油其賣相除了令人垂言三尺之外還完完全全滿足了喜愛輕食的食客店家使用最新鮮的深海鮭魚搭配米飯稻香呈現給食客使得食客在品用後不會感到有油膩感非常適合一些喜愛飽足之後身體不想感到有負擔的食客們炸魷魚鬚這道酥脆的魷魚鬚 還不錯吃我們靈機一動 另外嘗試灑上少許五味粉 提升其味道搭配起來可算平凡中帶點火花 只是裹粉可以再薄一點 大蝦天婦羅因為是SIDE DISH的關係 所以分量頗少 但是炸到好處的大蝦 正正彌補了分量少的遺憾天婦羅果敢是日本菜裡必點的一道是次餐飲 因為是大夥吃飯 所以多點了 SIDE DISH 合算之後 每個人 $80 元不過 撇除 SIDE DISH的話 個人基本消費會更便宜一點 $65 塊能夠有一小份沙拉和一杯飲品附送這對於新浦崗的食客們來說 也許會貴了一點但是這絕對是一個可以選擇用來逗留小聚的日本食飼
繼續閱讀
上個星期陪完我細佬去圖書館，帶左佢黎千秋食tea，我自己之前其實幫襯過幾次lunch，覺得唔錯既，d食物質素令人滿意，係略嫌有d位迫左d 。今次tea time唔算多人，我地坐左卡位，睇下menu我覺得d款式吸引過lunch menu呢，點左以下食物。角切魚生冷麵配香辣雞膇:呢個令我好意外，估唔到d魚生切得咁大粒又多款，賣相亦相當不俗，讚！雞膇就無咩特別，有d似m記果d咁啦。芝士焗咖喱豬扒飯:即焗熱辣辣上枱，好香。略嫌汁少左d，份量作tea剛好，豬扒就唔係我想象中既吉烈豬扒。鹽燒雞翼串:又係即燒熱辣辣，一點也不油，雞皮燒到脆卜卜，好吃！但師父好似忘記了落鹽燒哈！炸餃子:又係香口野，普通日式餃子味啦，炸到咁脆加埋沙津醬，點會唔好食。我幾滿意佢d食物質素，所以我不時都會幫襯架。
繼續閱讀
諗住假日好多人,所以預早BOOK了6:30PM幫朋友慶祝生日,點知去到少人到爆.....麻醬海鮮冷拉麵沙律: 我其實諗住當前菜食下,估唔到佢大碟到可以當正餐食,結果我地飽到唔太食到其他野食....我覺得呢個幾好食~蒲燒饅魚蛋包飯: 看之前的食評話呢個好食,所以叫左,點知很一般.除左面頭,佢入面都仲有饅魚粒,不過好少,所以本人覺得有D 齋.泡菜釀雞翼: 呢個正~!!我好少食呢類東西,尤其我唔特別鐘意食泡菜.開頭睇個名覺得好怪,唔方好食,但壽星女拍板,我緊就佢.但佢送來,個樣好似好濃下.點知食落又無事,仲估唔到泡菜同雞翼D味咁夾,仲好好食~蜜桃沙冰: 新蒲崗有好幾間日本店,我選這間就是因為有草莓誘惑.我之前起另一間日本店飲過,正到爆炸,可惜佢摺左.所以我為了佢特登過來,點知佢話無供應.....=_=(那刻心碎了...) 最後叫了這個,好彩也不差.牛油雜菇芝士帶子燒: 朋友很愛吃帶子,所以叫左.估唔到最後有3碟都有帶子,粒粒都大,吃到有點嫌.雜錦串燒盛合: 因為之前果幾碟吃到已經很飽,係飽到想嘔果隻.咁樣的狀態下,再好食的美食當前我都想嘔的,所以我唔識評呢碟菜式.員工的態度是OK的.但我的朋友埋怨為什麼菜式起咁短時間內咁快上晒....正面咁睇就是上菜速度快,負面咁睇,就係客人未K.O.呢碟,果碟就凍晒...唔計冷麵,其他一半食物都變左凍食...但餐廳已經不是特別凍的了.為免凍晒,我地吃得有點趕.....=_=所以我會提議大家,唔使咁心急一次過叫咁多.本來想食三文魚,但係飽到無能為力了...sosad...坐我地後面果pair人叫了火鍋,我覺得唔錯~如果我有機會再食呢間,我會叫呢個.
繼續閱讀