95
1
6
開飯介紹
Mina House日文帶有「我們」的意思，務求滿足大家所需，為大家帶來無與倫比的餐饗體驗。餐廳除了提供全天用餐服務，奉上琳瑯滿目的甜點及質優味美的鹹點，還可盡情飽覽香港的璀璨景色，讓賓客一邊欣賞悅目的絕佳美景，一邊享受頂級全天候料理。
繼續閱讀
營業時間
星期六至日
11:30 - 16:00
18:00 - 22:00
以上資料只供參考, 請與餐廳確認詳情
食家推介
相關文章
大年初二上嚟山頂行大運，行完嚟前Cafe Deco位置間Mina House食lunch。一入門口，帶位小姐話1小時15分鐘要交枱。疫情下每張枱坐得2個人，都可以理解。叫咗一個fettuccine，一個fish and chips，一個Parma ham pizza。Fish and chip d薯條好脆，但個魚d batter好霉。fish and chip食完成15分鐘，fettuccine 同pizza都未到，隔離兩張枱遲我哋好多到，但同樣叫同一個pizza都分別到咗，我哋都唔知等乜，心又急又怕俾人趕走，三催四請之後先嚟，食乜都冇味，感覺好差！以後都唔會再嚟！
繼續閱讀
放假無咩特別野做, 最好就係帶埋D 小朋友出去戶外行下, 曬下太陽, 呼吸下新鮮空氣.上山頂就最方便, 條路又唔難行, D 風景又靚, 小朋友都行到上到山頂.周圍望緊果陣..唔小心比同行小朋友望到個MENU,,,,,唯有同一齊入去試下, 反正未試過係山頂食自助餐入面環境當然是靚, 望出去就是維港美景, 淨係坐係到抖下都抵左自助餐梗係要揀野食..,有海鮮,有沙律之類O既大路野超過30種環球饌餚..影唔哂最神奇是有小龍蝦..係香港食小龍蝦勁貴哩到竟然可以任食,,,即刻食返夠本先有水果茶同蘋果汁..個人覺得白桃茶好飲過蘋果汁#即切烤牛肉 Carving Station望到舊肉, 不得了!!第一次見自助餐O既燒牛肉入面唔係燒到乾哂, 而係粉粉地, 直頭見到D 肉汁會流出黎咁聽個廚師介紹, 個牛肉係SLOW COOK, 然後燒香個表面.佢切完, 可加鹽/ 燒汁/ 黑椒汁另外有燒鴨胸,,都是SLOW COOK 的D 肉勁淋勁好食!!!!!如果小朋友唔鍾意太生, 仲可以要求個廚師用火槍燒到全熟/ 七成出面食個SLOW COOK 牛, 仲要好食O既..一定唔止咁O既價錢估唔到同行小朋友都鍾意食D 慢煮牛..同時佢揀左好多炸野..例如炸蕃薯條,洋蔥圈, 炸雞之類...果然係小朋友#原個意大利巴馬臣芝士輪即煮意粉哩舊大芝士煮通粉...同行小朋友第一次見, 嘩左出聲通粉吸哂D 芝士味, 另外仲有松露醬, 一齊兜同行老人家話松露味好正喎...佢ENCORE左兩碟..真西利是日餐湯是有機粟米湯...原本以為冇咩特別,,點知飲落有驚喜!有一絲絲蟹肉係入面, 栗米打溶哂, 夠CREAMY是正的最後我都係瘋狂食個牛.,,,個牛真係好好好好食!!!!#小朋友至愛入面有棉花糖機, 小朋友睇得開心, 又食得開心果然是小朋友至愛餐飲竟然可以嗌有哂拉花O既咖啡,,,,誠意十足!會員專享優惠折扣..埋單果陣發現,,折左真是好抵淨係入面黎舊牛都抵仲要係山頂入面O既自助餐仲要有靚景O岩哂一家人行完山頂,同小朋友放完電係到慢慢食
繼續閱讀
今日一行3大2細嚟到山頂試新嘢，我地大概12點半嚟到，先講環境，有落地玻璃採光幾好，枱與枱之間間隔寬躺，仲有一個戶外位專for狗狗，待應帶我地入座嘅時候，bb櫈已經準備好。以呢個價錢食lunch buffet, 我唔會太高期望，雖然選擇唔算多，但係每一樣都係非常新鮮，特別係個沙律bar 同海鮮冷盤，我俾好高分！另外值得一提，就係個湯，好足料食完呢幾樣野其實我已經飽咗總括嚟講，非常適合一家大細同埋狗狗嚟聚餐
繼續閱讀
咁辛苦一早散步上山頂，當然要好好慰勞一下自己。山頂廣場開咗好多新嘅餐廳，見到其中一間lunch buffet覺得好驚喜，好似暫時得呢間餐廳係山頂可以任飲任食。喺門口見到啲單張話呢一個係假日buffet，號稱超過三十種環球美食做會員又可以即時有折，所以就決定對自己好啲，試吓呢間。餐廳有幾面大玻璃，好透光坐得好舒服，最重要係基本上你坐邊一張枱都係可以望到山頂嘅風景佢有好幾枱都係有小朋友嘅一家大細，不過地方夠闊落，所以都唔會覺得混亂。食物方面，佢嘅冷盤選擇相當多。鍾意食沙律嘅我都拎左幾round唔同配搭嘅沙律。冷凍海鮮有四款，青口，翡翠螺，蝦同小龍蝦。lunch尼講，都算係咁。值得一讚係青口同蝦都幾新鮮，好鮮甜不過可能因為佢refill速度太快，有時有啲蝦未退得切冰食完冷盤，當然要食返啲熱嘅嘢。個餐湯好香，隔離切牛扒嘅廚師話係有機粟米湯，粟米係我嘅至愛，湯係比較深黃色，一飲係超濃嘅粟米味，仲竟然有蟹肉，成個湯變得超高質熱食比較特別嘅仲有即切烤牛肉，廚師仲會喺上碟之前搵火槍燒一燒，牛肉肉質juicy嫩滑，不過略嫌佢個黑椒汁比較咸。另外即煮意粉係原個巴馬臣芝士輪加黑松露通心粉，呢個比較少見，黑松露好足料，但我覺得通心粉嘅調味可以重手啲臨食甜品前，俾我發現有得DIY棉花糖，除左係小朋友至愛，大朋友見到都相當興奮最後終於食甜品，甜品嘅選擇就真係唔算好多，雖然呢一刻已經好飽，不過甜品係另外一個胃㗎嘛，如果佢遲下可以加多啲甜品嘅種類就Perfect，因為我知道呢間餐廳其實甜品本身都好出名總括嚟講，佢呢個自助餐係以親子為主，所以佢有啲食物都會針對返小朋友嘅口味，例如炸雞，薯餅，炸甜薯條等等。另外餐廳都擺咗啲故事書可以俾小朋友睇，一家人慢慢邊食邊玩邊hea，喺山頂來講都算係一個唔錯嘅選擇
繼續閱讀
趁今日放假一早就去咗山頂行山，去到中午嘅時候喺山頂商場入面搵到一間自助餐，由於實在太肚餓同埋成個山頂應該得呢度有得任食，於是入去試吓。間餐廳可以望到好遠嘅海景，環境好舒服。全場仲有超過30種嘅食物，啲款式一啲都唔少。呢度仲有好多啱小朋友食嘅食物，例如棉花糖啊，啫喱呢啲，全部都係小朋友嘅至愛。我嘅至愛其一就梗係海鮮啦，有好多新鮮嘅海鮮可以食。另外唔可以唔提嘅係呢個即切既烤牛肉，可以搵師傅幫手用火燒到啱我食既熟度。此外呢個芝士盤係用嚟煮通粉嘅，非常特別同埋入味。煮完之後就係咁嘅樣。最後叫咗杯咖啡，個拉花好靚🤗🤗🤗總括嚟講係好適合一家大細嚟一齊食嘅自助餐。
繼續閱讀