18
8
5
特色
適合駕駛人士
以上資料只供參考, 請與餐廳確認詳情
招牌菜
一家人晚飯, 總是離唔開中菜, 美心幾乎係必然之選, 難得今次轉轉場地於父親節試試新野@肇順名匯大至上都ok, 味道平均, 沒什驚喜, 唯是碟頭份量足夠
繼續閱讀
由於去旅行關係, 今年父親節提早兩星期食~找來了家鄉菜一試之前weekend 成日見到好多人排隊, 以為好好食咁啦~仲一早去book 檯tim~~~哈哈回味鯇魚 個湯好有胡椒味, 但係好淡好水。Even 係爐上面滾住條魚, 條魚都唔入味。肉質硬, 唔滑身.. 點"回味" 呢?!煎藕餅 好有鑊氣而且多油。蓮藕切得一粒粒, 入口爽脆炸枇杷豆腐 豆腐算嫩滑, 但個外面層粉過厚, 有點 "功高蓋主" 既成分!!金銀蛋莧菜 莧菜都ok 林身, 金銀蛋唔好食, 食淨晒係度.. 鮑汁雞腳 唔鹹既作品, 我幾鍾意。好難得有酒樓做呢個送係唔鹹唔 "lup" 口~~鴨胸肉生菜包 鴨胸肉好鹹, 不過配埋落生菜同d 餡料度都唔可以中和返.. 有d 誇張白飯 用瓦碗裝, 好得意, 以為會好食d, 都唔係既… 招牌流沙奶黃包 好味之作。雖然食到好飽但都一定要留位食佢!! 真係好流沙, 一整開就流晒出黎lu~ 奶黃做得好好, 好夠甜杞子桂花糕 清淡的, 有桂花香味, 唔太甜總的來說, 個level 有d 似美心.. 唔需要專登走去試Anyway, 祝父親節大快樂!!~~~ ^3^
繼續閱讀
今日我同老公都放假...諗住去食個下午茶....之前聽同事講話呢間的下午茶都OK....唔係太貴...D點心都OK..所以今日就特登去市中心試下..眼見都好多人幫親....心諗都OK啦....唔洗等位......入去坐左個2人位.....叫點心啦......叫左4樣野..好快....我地點的....炒米粉就黎左啦...我同老公都係度食啦......食食下...見到有隻XX係個米粉度喎......(死左的)................我地都立即停手......叫個啊姐黎啦....佢見到就立即攞走碟野.......仲話同我取消佢咁喎...我同老公見到咁...都無晒胃口啦......同啊姐講我地走啦..唔食啦..因為我地其他的點心都未黎..(第一樣就黎炒米粉).......個"X姐"仲同我地講....咁你比個茶錢啦....有無攪錯啊.......你比D有XX的野我食.....仲要我比錢....我有食你其他野.....我都會比.......我咩都無食.......入左黎15分鐘都無....我都明白......出街食野.....都未必會話好乾淨...但你唔好比我見到啊........真係咩心情都無...呢間....我唔會去第二次.......SORRY都無句....仲要收錢.......所以大家食野之前都要睇清楚入面有無其他生物.....P.S....我同老公走左之後先諗起......應該影張相.....做證據.....下次要醒目D..真係要上黎同大家講下............
繼續閱讀
兩個月沒有來肇順了,今早考慮去哪間酒樓吃早點,由於想飲香片所以再踏足此地.每次寫飲茶食評都漏寫茶水這味兒.其實我覺得肇順的茶最合我口味,起碼我每次例飲的香片,清.幽.淡.香,足以握緊我心靈...和胃部~今早輕輕鬆鬆入座,如果阿姐們很得閒就會追住問你飲什麼茶的了,相反就是有排等.今次幸好遇到前者狀況.我之前都提及過,肇順每隔一段日子就會轉換點心的款式,對茶客來說是好事呢~今趟又撞正換款,更是早幾天前的事,8月17日.入來前已諗好叫籠叉燒包加一籠兩粒蝦餃便OK,點知殺出個迷你拚盤$13.80喎.有菜苗餃,潮州粉果和叉燒包,問問阿姐每款是一粒嗎?阿姐笑說'當然得一粒喇,岩你食啦,一個人叫一籠就夠'.阿姐你太低估我食力了,哈哈.好啦既然有興趣就要一籠,始終上酒樓食蒸點是較健康的飲食法則,這一籠FIT哂.再加...例牌的蒸紅棗糕啦!不用十分鐘就有得食,見拚盤上每樣一件點心給我'好得意'的感覺.先食菜苗餃,哇...個皮又薄又晶瑩剔透,好似要爆餡!餃皮相當軟滑帶有適當黏度,豆苗量有成一半,另一半空間給兩粒蝦肉佔去了,雖然無蝦味但夠爽脆!係食到有微微腥味,不過都接受到.(自上次接受完利寶閤的蝦點心後...這腥味算係乜野?)而粉果的皮比菜苗餃更軟滑,有質感,入面勁多荀,食到爽爽聲,芹菜亦不少,非常香口,豬肉汁豐潤了它們,甜美可加.肇順的叉燒包的包和外面吃到的總覺得有點不同,是較滑身和軟綿的.而叉燒和醬是偏淺橙色,味較甜,所以自食開又是每次都忍不住要吃了.紅棗糕就不用多說啦,我真是食極不厭,次次都食咁濟.還周不時提身邊人士去試下添.當然雙皮奶亦不可錯過,說起黎我也好耐無食此味了.
繼續閱讀
難得係weekday既早上o係屯門..仲要大把時間唔趕返工..梗係搵呀媽飲下茶..傾下計啦~~剛開張時~黎過呢度食一次dinner~就冇再踏足喇…都算幾多特價點心喎~未食早餐~餓腸滾滾~一於黎個早午餐先(順便叫多d帶埋飯)~First round: 雪山叉燒包(兩個)$6.8, 上湯水餃$9.8, 蝦餃皇(兩隻)$8.8, 早晨雙寶$13.8(炒米粉+煎蘿蔔糕)焗既雪山叉燒包先到..熱辣辣~包面脆~而且食到有牛油香及甜味~而餡料除左有叉燒仲有洋蔥..濃味又帶甜..好味~不過好高脂高糖呢..上湯水餃有三隻..仲有兩條生菜呢~!! 水餃皮又薄又滑~入面隻蝦好彈牙~又多木耳絲同荀絲..好夠味..咬開有少少汁~~好食過好多地方~所以第二round再要多一客~留左兩粒黎帶飯^^煎蘿蔔糕好油~不過蘿蔔糕好多粗蘿蔔.有臘肉而冬菇粒唔多~食落唔粉幾清甜~試下都冇妨~炒米粉都係太油喇~食左大約3成就裝落飯盒留返帶飯lu. 蝦餃皇唔錯~入面有三隻爽口蝦仁~個皮又唔會黏住筷子整穿而流汁..good~Second round: 雪山叉燒包(兩個)$6.8, 上湯水餃$9.8, 牛肉腸$9.8, 蛋黃千層糕$11.8, 脆皮甜蜜蜜$3.8再order水餃同雪山叉燒包係for take away~ comment同上~脆皮甜蜜蜜都估到係蛋散架喇…有兩大件~唔夠鬆化~~不過幾抵食~牛肉腸都唔錯~腸粉皮幾晶瑩透餡..不過如果唔係牛肉腸咁抵有特價都唔會揀~因為知道酒樓既牛肉球係唔健康~而牛肉腸既牛肉都係一樣..最令我有驚喜既係蛋黃千層糕..因為估到估唔到佢係模仿舊式o個款千層糕..糕既質感鬆軟..比起傳統既又冇咁甜~入面都有鹹蛋黃同少少糖冬瓜~不過就欠缺有咬口既欖仁~雖然唔係完全正宗~但因為非我預期之內~所以更好味呢^^侍應服務都幾快手..會收食完既點心碟~一見到開左茶壺蓋又會加水..而且等候食物既時間都好合理~今次第一次黎~所以叫多d款式試下~順便帶埋飯~所以比正常貴左d~但早市確係抵~茶錢$4/位..而我最欣賞係佢既點心好多都係兩件或者係兩粒為一單位~岩晒我地成日都兩個人~但又想食多d款式既心態…會再黎因為點心好多選擇~不過如果星期六/日就較難搵位喇…
繼續閱讀