9
4
5
港鐵兆康站 B2 出口, 步行約11分鐘
繼續閱讀
營業時間
星期一至日
07:00 - 22:00
以上資料只供參考, 請與餐廳確認詳情
平時一直都幫襯開，飲茶晚飯都滿意，不過估唔到上得山多終遇虎，平時食開晚餐都係6隻，今次得四隻，唔緊要小有小食，賣相又差，有一隻重要剪開左一半，諗住問下經理，佢竟然答我係咁，一桶有多有少，咁你地採購都幾有問題，咁如果下一桶得兩隻又拎出黎？158蚊得4隻真心有啲過份
繼續閱讀
今朝同老公飲茶 見門面ok突登行遠d黎呢間飲去到我地自己主動量完體溫 行去reception想拎位個收銀示意叫我地行入去 咁我地就自己搵位啦點知入到去開埋茶 就話我地唔拎籌🤷🏻♀️本身都算啦無野諗住算個經理仲要態度西到係度單單打打係我地前面講 做左影響人嘅野就要講唔好意思架啦咁樣你自己酒樓安排得唔好 仲要係度西態度仲要野食又唔好食又貴叫個咸水角 入面d陷少到完全係通隆個皮又硬又厚棉花雞個樣就頹到咁幾個點心 兩個人食左百五蚊價錢都唔係問題 態度真係好西酒樓多人要搭枱無問題 但正常都係重鋪第二張枱布set野先坐落黎 俾個心理準備人無啦啦食到一半有個呀婆坐埋黎我真係黑人問號 咩事呀依加 白撞呀？d態度同服務真係好唔得 野食仲要唔係好事 一無事處 以後都唔會再幫襯 出屯門食都好過食呢d垃圾
繼續閱讀
餐廳限聚令，想飲下茶，唯有買返屋企食啦。雖然係屋村酒樓，但食物質素中上。蝦餃有大蝦，味道唔錯。皮就差少少，會夾爛的，而且冇荀絲。燒賣最值得讚，料足，包得好實，唔係比肥豬肉嗰d。呢個價錢係高性價比山竹牛肉夠大粒，但冇乜牛味腸粉冇蒸到散，樣靚仔的。味道合格，原隻蝦每條有2-3。腸粉係厚的，中意食薄/晶瑩剔透的就唔係咁啱呢間屋村酒樓比好多連鎖酒樓都做得好，當然頂級就算唔上了。疫情下質素都冇話退步，呢點令我想打篇野支持下佢酒樓的老員工，服務就係屋村質素。
繼續閱讀
下午同朋友去飲茶，揀左呢間酒樓。佢午市有張藍色紙，係平d既，叫做「平點」，咁我地就緊係叫晒「平點」黎食啦，都係有質素架！首先講下個五式點心拼盤，21蚊，但有齊燒賣、蝦餃、菜蝦餃、雞仔包同埋黑糖糕，真係好抵食！而燒賣同牛肉球都好大粒，都係十幾蚊一籠，又好食，所以價錢黎講真係唔錯！至於個XO醬蘿蔔糕，一個字：好食！不過奶皇包就爭小小啦，因為佢唔夠流心，有少少「結」既狀態。而我就最中意佢個燒腩仔同貴妃雞雙餅飯。燒腩仔外脆內軟，加埋個醬真係不得了；仲有個排骨鳳爪飯，都係好食，同埋大兜！整體黎講，呢間酒樓係唔錯，值得去！
繼續閱讀
因為有親戚住附近，所以過黎呢頭食野，老人家想飲茶，附近只有呢間選擇。都唔係第一次食，不過有時真係忍唔住要寫一寫食評。佢d櫈勁污糟，所以我都忍唔住要換左佢。食物選擇唔多，見有麻蓉包都幾特別，但原來勁甜，炒米粉好油，煎薄餅勁咸、咸到入唔到口，牛肉球食到好多肥肉，腸粉好一般，蒸銀絲卷仲有趣，同蒸饅頭係完全無分別架，唔似正常個d中間係應該帶一絲絲的！即係無競爭就無進步，希望呢頭可以引入多點食肆，使呢間酒樓可以改善一下。
繼續閱讀