-
豚肉
-
牛小排
-
牛肩胛
-
和風海鮮雞煲
-
日本直送極上A4黑毛和牛+9
321
7
9
營業時間
今日營業
18:45 - 00:00
星期一至日
18:45 - 00:00
以上資料只供參考, 請與餐廳確認詳情
食家推介
相關文章
介紹返💁🏻♀️。。🇭🇰 雞煲火鍋放題 在尖沙咀 🇭🇰。熊本牛鍋。永勝商業中心2樓A號舖。和風海鮮雞煲火鍋放題皇牌和牛套餐 - 頂級牛小排。牛肩胛。HKD268 + 10% @ 成人。HKD218 + 10% @ 小童/長者澳洲和牛套餐 - 澳洲和牛。牛白肉。頂級牛小排。牛肩胛。HKD298 + 10% @ 成人。HKD258 + 10% @ 小童/長者日本直送A4和牛套餐 -牛白肉。日本A4和牛。澳洲和牛。牛小排。牛板腱。封門柳。牛肩胛。五花腩。HKD388 + 10% @ 大小同價🤫 尋晚同飯腳仔撐枱腳..撐佢最鍾意嘅邊爐枱腳..冇錯～我家肥仔鍾意打邊爐嘅程度係同女朋友拍拖都要二人邊爐🤷🏻♀️🤫 咁哩餐係肥仔自己喺OpenRice搵到嘅..仲好叻咁話間火鍋店Offer打卡送蒸海鮮好似好抵咁喎🤭🤫 哩間雞煲邊爐叫熊本牛鍋..位於尖沙咀都好多嘢食嘅山林道入邊嘅商廈樓上舖..不過商廈入口就有些少難搵..上到去地方唔大..裝修簡單企理..蔬菜同火鍋配料都放喺一邊嘅冷凍保鮮櫃🤫 咁話哂都係第一次嚟幫襯..我哋都係保守咁叫咗最平嘅皇牌和牛Set試試佢～講低要邊個Set俾埋個社交平台Like..侍應姐姐就去拎個雞煲嚟🤫 雞煲份量適中..雞件無碎骨而且肉質都幾滑溜..然後雞煲嘅醬汁微辣惹味..啱我口味～🤫 雞煲食到七七八八..我哋就趁住未放湯仲係杰身嘅時候出去夾咗啲水魷陳皮魚蛋牛柏葉過嚟濃郁咁灼一灼佢(提議大家都可以試吓咁食..味道好唔錯👍🏻)再之後侍應姐姐就上海鮮蒸籠俾我哋🤫 海鮮蒸籠有一人一份嘅鮑魚仔貴妃蚌仔帶子生蠔蜆仔中蝦..各種海鮮都屬於中Size啦..以生蠔最肥美..中蝦最鮮甜..而其實海鮮蒸好嗰陣侍應姐姐就會將個蒸籠放落嚟..同一時間邊爐亦隨時可以開始🤩🤫 哎～差啲唔記得咗同大家講吓呢間邊爐最大最吸引嘅賣點係乜嘢📣就係～呢度係無限時放題..飯腳仔就最鍾意嗰啲無限時嘅放題㗎啦..佢話無限時嘅話就可以輕輕鬆鬆咁樣食..唔使屎淋尿瀨喎🤣咁講開佢嗰度嘅火鍋配料放題..除咗海鮮係淨係可以食一轉之外其他都可以翻兜..我哋嘅平平和牛套餐係包咗牛小排牛肩胛同埋豚肉片嘅..肉類就係要同侍應姐姐落Order..其他基本上都係出去自己夾..個人就覺得牛小排好味過肩胛..但係同樣都有牛味嘅..同埋佢哋一邊叫一邊喺廚房切片咁樣..而且啲牛都幾厚切..絕對唔會薄演演浸咗落湯之後唔見咗😅🤫 另外火鍋配料都可算係應有盡有..比較特別嘅係餃子類都有五種..我哋最欣賞係冬菇雞肉餃魚皮餃同埋廣東雲吞..質素相當唔錯..然後Encore得最多嘅除咗係飯腳仔最愛嘅陳皮魚蛋就一定數佢哋個墨魚滑..呢個墨魚滑確實係幾好味嘅🤫 有一個Point要特登講吓嘅..唔好睇熊本牛鍋地方細細..啲食物盤都細細咁樣..其實侍應姐姐都非常之勤於加餸..好似我家肥仔食咗人哋陳皮魚蛋廿零三十粒走唔甩..侍應姐姐都起碼Refill咗五六次🤫 然後打邊爐唔少得嘅丸類..貢丸龍蝦丸牛筋丸魚腐蟹粉丸呢啲基本嘢唔使講..個人非常之推介呢度嘅海苔流沙丸..真心之前未食過喎～海苔魚丸入邊係爆漿嘅鹹蛋黃..好新奇好好味..我哋食咗半打🤩🤫 另外有啲比較特別啲嘅配料好似係黃喉鴨血豬皮鵝腸..蔬菜種類亦都算多..就連羽衣甘藍冰菜靈芝菇萵筍同秋葵都有..都係嗰句啦..唔限時可以慢吞吞夾兩粒烚兩吓..食完又再揀又再烚..沒完沒了阿門🤣🤫 最後甜品方面..選擇雖然唔算多..不過就有我最鍾意嘅百福細細盒豆腐花..然後飯腳就試咗個好神奇嘅紅豆龜苓膏..而飲品呢..應有嘅都有..個人留意到佢哋啤酒嘅種類相對地多..唔限時吹水飲啤酒打邊爐..仲唔係麻甩佬嘅天堂😌聽尋晚隔籬枱講話乜鬼嘢生日有優惠唔使錢又盛咁..睇怕呢度都係Target嗰啲公司聚餐定係生日慶祝一大班人嘅客㗎啦～翻兜指數：🙆🏻♀️️🙆🏻♀️ （5個🙆🏻♀️為翻兜爆燈）。。
繼續閱讀
#尖沙咀地膽 今次去熊本牛鍋，同朋友任食火鍋，雞煲放題！我地揀咗澳洲和牛套餐，自助區有蔬菜、丸類等；社交平台留言仲免費送蒸氣海鮮！性價比好高！🍲 澳洲和牛套餐$298 坐底就送上雞煲，醬汁唔算太辣，雞肉肉質滑嫩，新鮮美味！配料有番薯及薯仔等，沾滿醬汁好入味！食完雞煲店員會加上豬骨湯底，跟住開始打邊爐啦！🦞蒸氣海鮮豬⻣湯滾左後，店員會送上免費嘅蒸海鮮包括海蝦、沙白、帆立貝及帶子等；全部都新鮮，配上香蒜十分惹味！🥩澳洲和牛肉味香濃，呈雪花紋理，油脂香盈；頂級牛小排脂肉均勻、肉質細膩！牛肩胛肉質帶嚼勁！三款都好味！🍖豬梅肉色澤亮麗，厚薄適中，淥一淥就熟；軟嫩有口感，唔錯！🥟火鍋配料我揀左餃子及鮮蝦雲吞，自家製的味道！🍜廣東幼及粗麵 ：吃了比較少見廣式粗麵，真係大滿足！熊本牛鍋 📍尖沙咀山林道21號永勝商業中心2樓A號舖
繼續閱讀
《抵食雞煲海鮮火鍋🔥》———————————————#熊本牛鍋 🇯🇵-呢間任食火鍋夠哂抵食，咩都有得食，先有雞煲，之後打卡就即送大大份蒸海鮮，毫不吝嗇🤭 最後再打埋邊爐，超級滿足😌 所有飲品包括啤酒都係任飲，啱哂聚會啤啤佢🍻-雞煲夠哂香濃惹味，有成隻雞之外，配料夠晒豐富～雞肉嫩滑多汁，份量十足，配埋濃厚醬汁，夠晒惹味得來唔會太鹹😝-打卡送免費蒸海鮮，只要like, share加comment就可領取蒸海鮮，每日數量有限，大家一定唔可以miss❤️扇貝好大隻，爽甜新鮮，配搭滿滿嘅蒜茸，夠哂重口味🤗-套餐包咗牛小排、牛肩胛同豚肉，都叫大盤，口質都唔錯，牛肩胛比較肥美，而豚肉爽口彈牙，配上嗰豬骨濃湯鍋底就更能突出豬肉香味☺️唔夠嘅話再可以任添，一定夠飽😇-我朋友咁啱生日，我哋WhatsApp預早預訂4人或以上同行壽星就可以免費💰-⭐價錢參考：（另收加一）王牌和牛套餐： $268🍌抵deal 指數：7/10💰 人均消費：$200
繼續閱讀
想食蒸海鮮又想打邊爐又想食雞煲？位於尖沙咀嘅熊本牛鍋✨就滿足到我啦😆咁啱今個月有生日嘅朋友同行🎂只需要WhatsApp提早預訂同說明該優惠，4人或以上同行，壽星即可享用免費$268皇牌套餐/$298澳洲和牛套餐🆓即場讚好專業like and share以及留言更可領取免費蒸海鮮🦞每日數量有限送完即止，記得提早預約將會獲優先安排㗎‼️仲有好多會員獎賞計劃，有興趣嘅可以參考返熊本牛鍋社交平台☺️今晚揀咗和風海鮮雞煲，套餐冇限時，可以慢慢食同朋友慢慢傾👍🏻海鮮雞煲夠哂香濃惹味，除咗有原隻雞之外，仲有大蝦、豆卜、芋頭等，配料夠晒豐富～雞肉嫩滑多汁，份量十足，配埋濃厚醬汁，夠晒惹味得來唔會太鹹❤️話明叫和風海鮮雞煲，食完雞煲之後就有大大個蒸籠蒸熟一大碟海鮮😋有齊扇貝、蜆、大蝦，每樣都好新鮮完全冇雪味，而且每款都好大件同埋好新鮮，肉質飽滿得來又清潔得好乾淨，唔會有沙🙌🏻食完雞煲之後仲會有打邊爐任食🥢包咗頂級牛小排同埋牛肩胛任食，我個人就比較推介頂級牛小排，佢嘅肉質同脂肪比例同埋分布比較均勻，識落肉質軟諗而且夠晒肉香🥩另外仲有好多配料，例如餃子、蔬菜、魷魚🦑等，而最重要係大家唔好錯過佢嘅任飲啤酒🍻臨走記得食埋雪糕，飽飽超滿足😌熊本牛鍋✨📍尖沙咀山林道21號永勝商業中心2樓A號舖
繼續閱讀
約朋友食飯最憎限時限刻，傾唔夠一陣又要走終於搵到間價錢抵食，仲無限時的任食打邊爐打邊爐放題有3種價錢，依家仲有好多優惠做緊，好有驚喜雖然佢寫180分鐘， 但工作人員話因為每晚只做一轉，所以基本上都係食到尾，無特別限時。第一轉，來個和風海鮮雞煲醬汁有別於平時嘅辣雞煲，係甜甜地。雞煲除左雞件，仲有大蝦同豆卜仔。d豆卜仔索哂d 汁，非常惹味。食完雞件就落湯底打邊爐？ 蒸個海鮮盤啦餐廳做緊promotion, 送呢個超正嘅海鮮拼盤食雖然係送，但海鮮質素是超正，款款都大大隻。飽滿又無沙。淨係呢個海鮮盤都值回票價。第2個驚喜就係可以加138蚊換購3隻大閘蟹啦惠顧328蚊的套餐仲唔快加錢添又雞煲，又海鮮，又大閘蟹， 食到呢度已經非常超值啦。 但其實，我仲未開始打邊爐架打邊爐嘅任食牛肉/豚肉質素都好靚仔， 雖然任叫，但都大大碟， 大大片， 唔係碎濕濕。除左肉類， 呢度嘅菜，丸，配料都係任食任拎力推呢度嘅餃子，雲吞，都係新鮮自家製，非常好食。一定要試👍🏻 飲品櫃都幾豐富， 有齊啤酒汽水，仲有泰象啤添。呢度絕對是約朋友相聚嘅好地方唔單止價錢抵食， 質素又ok, 仲重要係無限時， 唔單止可以食飽，仲可以傾餐飽
繼續閱讀