營業時間
今日營業
11:00 - 20:00
星期一至日
11:00 - 20:00
以上資料只供參考, 請與餐廳確認詳情
食家推介
{西京燒比目魚食 - $68}又介紹多次呢間隱藏喺超級市場裏面嘅美食，雖然環境冇坐喺日本餐廳咁舒服，但係真係值得一去再去！實在係又平又正又好味！呢個西京燒比目魚定食，燒到脆脆嘅外皮，入面滑滑嘅魚肉，仲要啖啖都係魚油嘅香味！而且加10蚊仲可以約白飯升級做蟹膏飯！真心係令人覺得好味到停唔到口！成件事80蚊唔洗就走到，真心唔易搵！所以令我一去再去！美味程度：😋😋😋😋環境指數：🎇🎇🎇番食機會：🦍🦍🦍🦍🦍📍 #魚屋 (將軍澳)將軍澳重華路8號東港城2樓222及228號舖一田超市內
繼續閱讀
估唔到一田入邊竟然有魚生飯餐廳！將軍澳呢間一田入邊就有魚生飯，咪價錢都好經濟同埋大碗，佢又未算係超級新鮮同超級好食，但係真係抵食，平平哋有大大分魚生飯，可以考慮同埋有好多款式可以配搭唔驚有啲唔啱食嘅嘢
繼續閱讀
依間野好吾起眼，行過一田無數次真係好難落手坐低，但東港城食下食下都7788，膽粗粗入去試試，叫左丼飯加「煎鱈魚魚鮫」丼飯都係戈啲野，好食大份抵食，但丼飯成街都係，用丼飯作為切入點我未必會寫得落手。「都係戈啲嘍，好食既，完」但戈塊好吾起眼既鱈魚就不得了正題，煎得金黃色外脆內軟，魚鮫位同魚扒吾同，魚鮫有好多軟骨，骨與骨之間既魚肉好甜，好有咬口，而且texture 真係比一塊魚扒好食好多。魚肉既咸度落鹽既輕重度師傅拿獵得好準，剛剛好帶出魚肉既甜，所以只需輕輕落些少青寧就ok。一條甘既爛鬼雪藏魚竟然可以煮成甘，真係好勁！！！所以我每次必試，阿廚真係好用心去做，我係好滿意，每次都吃。感恩有你同埋要親熱食，食左魚先食飯，一份魚兩人食就夠。
繼續閱讀
介紹返💁🏻♀️。。🇯🇵 海鮮丼 在將軍澳 🇯🇵。魚屋のデリカ 。東港城2樓222號一田超市。拖羅蓉帆立貝丼Minced Toro。Scallop。HKD118追加配料蟹膏 Crab Paste。HKD28油甘魚 Yellow Tail。HKD38 @ 3pcs海膽 Sea Urchin 。HKD48🤫 都一段時間冇自己一個晏晝喺屋企WFH啦..為咗令自己開心啲我決定去幫襯一田入邊嘅海鮮丼專門店..魚屋のデリカ🤫 平時幫襯我都會揀三色丼..今次搞搞新意思..揀咗拖羅蓉帆立貝丼再追加蟹膏油甘魚同埋海膽🤫 拖羅蓉照舊大大份完全冇慳住..而帆立貝份量亦都非常之多..有成十厚件可以圍住晒隻碗..而且帆立貝新鮮爽甜..🤫 向來鍾意多餸小飯嘅我最鍾意就係呢度有得加少少錢又可以加多幾種刺身..每次必加蟹膏..調味都調得好好..上面仲加咗啲蟹子同蔥花..齋食唔送飯都唔會死咸..依家仲有隻靚靚船仔裝住🤫 然後HKD38又會有三片油甘魚..魚味濃郁而且鮮甜架都..細版海膽都先至係HKD48咋..不過老實講海膽夠唔夠甜就好睇彩數嘅..幫襯幾次都有試過一次相對冇咁新鮮🤫 最後嗰碗三文魚蘿蔔湯都Keep到一向嘅水準..香濃好味..飲埋就功德圓滿啦🤫 今次都唔例外..好欣賞佢哋將所有嘅嘢食都包得企企理理..而且每一個刺身到放得靚靚囝囝..絕對係我嘅Lunch Time Encore之選🤫 今篇美食日記應該係近呢一個月以來最短嘅一篇..無他嘅..呢間魚生丼嘅嘢食抵食夾大件..簡單就是美。。翻兜指數：🙆🏻♀🙆🏻♀️️🙆🏻♀️（5個🙆🏻♀️為翻兜爆燈）💮已翻兜次數：5次💮。。
繼續閱讀
地點非常方便，係一田超市裏邊，價錢非常合理。裏便嘅壽司都非常之大件同埋新鮮，仲有麵豉湯都非常之大碗，非常足料。每一個飯都會跟一個麵豉湯，仲可以嗌二人餐或者三人餐都有唔同嘅配搭。
繼續閱讀