45
18
4
港鐵太子站 A 出口, 步行約1分鐘
繼續閱讀
電話號碼
36902600
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
爸爸見有人介紹了一間位於太子的京滬菜，頗受歡迎，星期五的晚上就特意來試一試。位於地鐵站隔離位置十分容易找到，餐廳面積一眼就看完，但餐廳基本上都是爆滿的，幸好不用等很久就可以入座了。餐廳的裝潢、木檯、木凳程家庭式，而食物選擇也不少，牆上也貼了不少推介菜式。每逢食上海菜我們必點上海小籠包(5隻)($35)，不過表現令人失望。小籠包的皮過厚，裡面都肉餡是juicy的但太肥膩，只是吃了一件都感覺飽膩，頗有進步空間。左邊的韮王鱔糊($128)大大的一碟，韮王和鱔糊的比例很份量都幾多，味道不錯，可是愈食愈肥膩，特別是食物開始冷卻時菜式裡面所添加的油份亦同時冷卻變成硬塊，而韮王也吸收了大量油份，整碟菜式調味及食油加的太重手。右邊的鎮江肴肉($62)正常發揮，肉碎和啫喱的比例做得分明，沾著不敗的鎮江醋是最好不過的拍檔，帶出這碟冷盤的肉味。家鄉燻魚($72)的味道過甜，底部亦有不少的醬汁浸著，過於依賴調味。作為一道素食，素鵝($45)的豆味是十分重要的，但是這裡除了沒有豆味之外，素鵝的質地鬆散不結實，質素不行。砂窩雲吞雞(半隻)($188)的價錢都是跟份量相對應的，大大的一煲足夠幾個人分享。湯底清甜得來帶有金華火腿的鹹香，若鹹香味更突出會更佳。裡面的菜肉雲吞都是皮厚、大大件的，有家庭製作的感覺。花雕醉雞($72)可以吃的肉不多，本身聞到的花雕味都是香的，可惜製作時間不足味道未能夠走進雞肉裡面，因此吃上去只有表面的花雕味。見有不少人推介豬扒擔擔麵($58)就點一碗來試試。擔擔麵的湯底濃郁，有一定的稠度又有突出的花生味，而跟一般吃到有點不同的就是這個湯底的餘韻有明顯的醋味，都可以減低擔擔麵的油膩感，不過份量加得略為重手，令餘韻的酸味過於強烈。
即炸的豬扒跟麵相隔了一會才上菜。炸粉有一定的厚度，炸得是香脆的亦不會感到太油，但比例上更顯得豬扒的薄，而最大問題是豬扒肉質過乾，吃上去比較乾硬，很有進步空間。雞煨麵($50)吃上去味道很容易入口、舒服，菜碎不會做得太淋保留了一些口感，麵質亦保留了一點口感，湯底有點雞味，因此整碗麵的感覺很舒服。整體來說這裡的食物都是可以、正路的，部份菜式仍頗有進步空間，價錢亦不算抵；若你想在交通方便的鬧市中找一間餐廳過過上海菜的癮，也可以來一試。
繼續閱讀
女友小熊話想食上海菜，首選太子滬小館，但滬小館食過幾次，想發掘吓其他好味上海菜，上網係太子掘到哩間醉江南，於是去掘吓睇吓掘到D咩出嚟.一推門，店舖環境不大，全院坐滿不過三十人，如果多過四個人嚟幫襯相信比較麻煩要等等位，枱櫈有點歷史，間店舖都有D歷史，牆身掛上一幅愛新覺羅題字就知，當然我唔知係咪真跡啦，只知道牆身鏡面都好污糟吓....環境一般但餸菜好味先最重要嘛.板上寫上18蚊沖油酥餅，應該係蔥油酥餅嘛，點再一客，另加酸辣湯，小籠包，餃子，豬扒擔擔麵走辣，蔥油海哲皮.優點:1, 我要求小籠包夠熱夠辣咀，咬開爆汁，皮無穿，餡料足, Size 唔會太細粒偷工減料，醉江南嘅小籠包達標.2, 擔擔麵湯底濃郁雖然花生味唔強但都食得出，麵身少少彈牙口感較冧，滿意.3, 最正蔥油海哲皮，爽脆又入味份量足，推介!缺點:1, 雖說食物最重要，但環境真係一般般囉.... 感覺店舖細細污污糟糟.....2, 擔擔麵嘅烤豬扒好奇怪，第一咬入口外脆內軟，但好快凍就變硬，豬扒份量少薄依依.3, 餃子好似唔係煎，係放落個炸爐油炸，口感肥膩.4, 沖油酥餅真係沖油，超強油益味!5, 酸辣湯味道唔得平均，辣味過重.6, 服務一般般，對面枱點小籠包先但係我地遲嚟先上岸，我地點酸辣湯又漏單.小熊食得唔滿意，話去滬小館好過，所以俾唔到高分.
繼續閱讀
花園街附近，近太子地鐵站。店舖面積細細間。店舖於玻璃上貼出很多美味的食物主要係上海菜式：中午12點至5:30有午市客飯套餐。但要留意星期六及日 假期需要加一服務費的。價錢雖然好平🤔但希望用心去製作😩酥炸豬扒菜飯：豬扒太多粉漿😅無味
繼續閱讀
是晚來到太子千揀萬揀一間上海店我地一男一女跟旁邊檯同步入座亦是一男一女大家同步點菜同樣有點上海排骨炒年糕，價值$70傳菜同步兩碟拎出黎先放一碟到隔離檯目測7至8件排骨而我哋放低那碟只有4件，仲要其中2件係骨原來同一時間嗌同一樣嘅嘢會有咁既分薄上碟都唔會去平均分配你食到多份量既就你好彩因為食得唔開心經驗 從此唔會再黎呢間上海店令我多年無寫食評既都要出山真心好嬲！但我唔會當面嘈做西客基本一碟食物出左廚房個位每個店鋪所有人應要留意上菜有無問題而唔係要去個客嘈/乞番黎先有的
繼續閱讀
街坊小店！終於搵到一間好食嘅擔擔面！湯底好香花生醬味！超級濃郁，少少微辣，我唔食得辣嘅，呢隻少少辣我接受到！覺得好好呀！上邊有少少肉碎，面身唔會好林有口感，夾埋一齊食好正！真係想成碗湯飲晒佢⋯午餐包一個餐湯，今日係蕃茄蛋花湯！有蕃茄有蛋花，清清地酸酸地好開胃～份量都好足，就咁食碗麵都好飽！午餐都係$45起包例湯，好抵食呀！仲有獅子頭、上海粗炒、口水雞～都好似好正，下次要試吓先！青椒牛柳絲都好多人叫，炒出嚟好香～
繼續閱讀