80
16
4
營業時間
今日營業
11:30 - 22:00
星期一
全日休息
星期二至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
食家推介
相關文章
Bookmark咗呢間好耐 終於都真系去食🤪早就聽聞過呢間嘅墨魚餃同餡餅好出色史努比滿心期待😚到最後…你估下有冇失望?😳.眼闊肚窄咁嗌咗好多嘢食樣樣都好吸引 嚟到就想即刻食好驚影相影耐咗會凍咗😂平時影相影得耐細佬👦🏻會發脾4(今日細佬唔喺度🤣)不過史努比今次好乖好快手咁影完就開餐😎👍🏿京蔥羊肉餡餅 $30即叫即整嘅關係 店家話要等15-20分鐘嚟到嘅時候熱辣辣😛爭啲焫親個嘴🤭餅皮外面煎到微微香脆 厚薄適中 帶少少麵包軟熟嘅質感羊肉超大件好足料😳食落有羊味但唔羶👍🏿抵讚配搭京蔥為呢個肉肉嘅包增添爽脆口感有助降低羊肉嘅油膩最impress到史努比嘅系佢超超超juicy🤤啲汁多到bit晒出嚟~如果你睇到現場爆汁個畫面就會明史努比講咩🤭唯一挑剔嘅系佢稍為偏油咗啲🫣雖然系咁 但overall都真系幾好食😂味道: 8.5/10性價比: 8/10水餃雙拼都唔使加錢🥰於是乎史努比就揀唔最人氣嘅墨魚餃同西洋菜👍🏿墨魚茡薺餃 $58聽人講話餃皮有墨魚汁嘅味道 但史努比又唔多覺🤔只系食到煙煙韌韌 口感唔錯🤭餡料幾足👍🏿食到粒粒墨魚 帶少少鮮甜味另外加咗馬蹄爽脆清甜呢個combination幾特別 估唔到都幾夾Btw仲有少少芫荽作為唔食芫荽嘅史努比接受到佢陣味 唔算太出😂整體味道系好食嘅 但可能期望太大食落就冇想像中驚喜🤔味道: 7.5/10性價比: 7/10👍🏿鮮肉西洋菜餃 $50餃皮食落其實同墨魚嗰款分別不大史努比幾鍾意佢呢度厚道煙煙韌韌有咬口得嚟唔算太厚🤪西洋菜冇任何苦澀味反而幾香🤣菜肉比例系2:1 食起上嚟幾清爽😆調味啱啱好 唔會太鹹又唔會太淡冇味老實講史努比稍為鍾意呢款餃多過墨魚餃😂但兩樣同分 都好食!🤣味道: 7.5/10性價比: 7.5/10👍🏿豬扒擔擔麵 $54史努比想講 大家嘅focus都去咗餃子同餡餅度忽略咗個擔擔麵😳但其實佢個擔擔麵好出色!麵條爽彈 帶煙韌口感 軟硬度啱啱好湯底帶微微辛辣 襯托出濃郁嘅花生香花生味稍為出啲 真系好濃稠😛同花生醬有得揮😂麵條掛湯程度亦啱啱好 抵讚~媽媽👩🏻好快就清晒啲麵🤭豬扒同湯麵分開上🥰非常大塊炸得好香脆 但略嫌油咗些少值得一讚嘅系肉質好鬆軟鬆軟得嚟唔系用梳打粉乸到冇晒味嗰種反而食到有豬肉嘅香😚可惜調味重手咗啲 略鹹🤏🏿成個麵比豬扒拉低咗少少分🥺不過如果就咁擔擔麵系值好高分嘅😆味道: 8/10性價比: 8/10👍🏿涼拌魚皮 $38媽媽👩🏻至愛嘅魚皮 所以史努比去到邊都好有就會嗌😂魚皮份量都唔少食落都幾爽脆🤪但食過咁多間有對比之下史努比略嫌佢唔夠爽🤣調味方面就啱啱好嘅~鹹味適中帶少少酸加上有大量青瓜同蘿蔔絲 清爽開胃😚味道: 7/10性價比: 8/10👍🏿麻辣菜脯 $0問店員要就有🤪呢個麻辣菜脯真心正!!菜脯超級脆 咬落去 “索索” 聲架😳食落麻香十足 唔系死辣嗰種而且唔會太鹹 就咁食都啱食🤭配餃子亦好正🤪不過你哋都知史努比唔系好食得辣架啦🤣但佢實在好好食 最後都忍唔住食多幾粒 搞到標晒眼水😂😂比媽媽👩🏻笑問要唔要幫史努比影相🙈如果影咗就變咗呢個post嘅彩蛋架啦😂味道: 8.5/10性價比: 10/10🤣🤣🔸豆漿 +$5🔸龍眼冬瓜茶 +$5飲品都系加$5咋 都幾抵🤪媽媽👩🏻話佢甜得嚟唔系死甜👍🏿*不設加一服務費*我哋兩個人食到飽一飽都系$190抵食又好食👍🏿店家亦好nice 即使唔收加一服務都唔錯~系間絕對值得支持嘅良心小店🤭但講到墨魚餃系世一史努比就唔太認同啦味道唔錯 系好食嘅 但未至於話好impressive🤣反而佢個餡餅更加驚喜🤭大力推!整體評分：味道: 8/10環境: 7.5/10服務: 7.7/10衛生: 7.5/10抵食: 8.3/10回頭率: 7/10
繼續閱讀
🙋🏻♂️餓底探員今日去咗大角咀調查呢間餃子店，一嚐佢嘅全港首創墨魚荸薺餃，除咗湯餃同煎餃，佢仲有多款湯麵同菜飯供應🥟墨魚荸薺餃 $43📸表示個墨魚餃烏卒卒咁好特別，一碗有7隻，放咗喺個鯊魚骨濃雞湯入面，個湯供應有限，送完即止🙋🏻♂️表示個墨魚餃外皮加咗墨魚汁，入面包住墨魚膠，豬肉同馬蹄粒，咬落去充滿墨魚汁鮮味，口感彈牙，加上爽脆嘅馬蹄粒，食落層次感豐富🐓手撕雞 $50📸表示個手撕雞份量多，全部去晒皮，好貼心，配上麻辣醬汁🙋🏻♂️表示個手撕雞食落啖啖肉，點埋個麻辣醬汁食落好惹味，如果啲雞肉可以撕得幼細啲就更加好🍜豬扒擔擔麵 $54📸表示個擔擔麵一上枱就香味撲鼻，面頭灑上花生粒同蔥花，配上厚厚嘅炸豬扒，睇見好吸引🙋🏻♂️表示個擔擔麵口感爽彈，湯底嘅花生醬味非常濃厚，每啖都好似食梗花生醬咁，豬扒炸得香口，食落好鬆軟，充滿肉汁，呢個豬扒擔擔麵真心推介👍🏻🍛紅燒牛肋肉菜飯 $50📸表示個菜飯啲菜嘅比例都多，牛肋肉份量好多，用個碗分開放，避免個汁淋晒上個菜飯度，方便食客自己落個汁🙋🏻♂️表示個飯吸收咗菜嘅味道食落清甜，牛肋肉口感軟腍，牛味香濃，加啲汁落個菜飯一齊食更加惹味📈吃貨指數😋好味度 8/10🔙返啅度 8/10
繼續閱讀
📍山東小城今日嚟到大角咀覓食，經過呢間舖頭嗰陣聞到啲好香嘅餃子味，即刻勾起咗我鋪餃子癮😋酸辣湯鮮肉粟米香菇餃🥟 $54酸辣湯夠濃稠唔會太水，餃子大隻爆餡😍兩樣嘢嘅味道都好天然同偏清淡，啱晒我呢啲食唔到重口味嘅人，如果嫌唔夠鹹，側邊都有啲醬料比你落。口水雞菜飯🥬 $52係雞髀肉嘅位置👅雞件好嫩滑，口水汁辣得過癮，最特別係竟然有得揀菜飯，成件事即刻好健康😹京蔥羊肉餡餅🐐 $30因為係即叫即整，所以要等一陣，裏面係超級爆餡！肉多過菜勁多，一咬仲識爆汁添，而且個皮又薄又脆，同朋友share啱啱好！
繼續閱讀
呢間小店係主打自家製餃子，主打正宗山東口味，調味較北方，我自己幾鐘意呢種簡易調味。平日收工時間７點打後就開始多人，唔想排隊記得早小小去。墨魚荸薺煎餃 (5隻) 💰$38呢個都可以講係佢地舖頭幾signature既一款餃子。餃子皮係加左新鮮墨魚汁，幾有噱頭。荸薺即係馬蹄，加左入餃子個口感係幾好，但我以為會有馬蹄既清甜點知唔係好出就有小小可惜。😟墨魚都彈牙既，但調味有小小單一。整體而言係好食既，但就唔係好大驚喜。京蔥羊肉煎餃 (5隻) 💰$34 呢個相反我就好鐘意。我本身都係一個好驚羶既人，又唔鐘意食蔥驚個草青味，點知呢兩樣結合左我會OK !🤩平時我都無食開羊，除左羊肉串加左好多香料外，其他基本上係煮既我都唔得。以前有試過回教果種羊肉餃子羶到呀媽都唔認得，之後我都幾抗拒羊肉餃子，因為好難做得好～但呢間真係要讚下，佢羊肉一Ｄ都唔羶，又好多汁好JUICE，蔥無草青味，覺得佢係點晴出羊肉既肉香。如果唔係抗拒食羊，純粹驚羶而唔食既人，真係推薦可以試下！～鮮肉韮菜餃 配湯 (7隻) 💰$46煮餃佢有2款，10隻果個係無湯既，因為北方食餃子係真係就咁清水煮餃，乾食。我叫呢款就7隻，係湯入面，可以飲埋個湯。個湯唔係好濃味果種，飲到淡淡類似鯊魚豬骨湯既味，唔算鮮甜但都唔差。反而個餃我就麻麻地，薑汁味太重，唔係好食到韮菜既香味。京蔥羊肉餡餅 (件) 💰$30呢個其實係京蔥羊肉煎餃既放大版。餐牌已經一早講明需時20分鐘，所以如果想試最好就一開始叫埋，唔係就有排等。平時食完餃子等多陣就上呢個餡餅，好貼心一上就對半切開左。雖然切開左，但食既時候都要小心Ｄ，因為佢真係爆汁！Ｄ汁多到好似食小籠包咁。外皮煎到好香脆～🤤個餡應該係同羊肉餃子一樣既，睇大家鐘意食餃子版定餡餅版。我覺得最大分別係個滿足度同口感，如果想試小小可以食左餃子先～雞絲粉皮 💰$50對於鐘意食雞絲粉皮既人，每個人心中都有自己鐘意既醬，我自己鐘意上海菜系既，有花生醬果種咸咸甜甜。之前所講，因為佢係北方口味，個醬就係用麻醬做，比較稀，食到芝麻香味。個雞都撕得幾大條，可以話係雞柳。我鐘意食個皮多過雞。麻辣魚皮 💰$38呢個係menu到唔見，但我見到有張貼紙係牆到，好似幾正又唔貴就試下。個魚皮好爽口同脆身，一Ｄ都唔腥。麻辣味就似出面買既麻辣辣椒油果種，小小麻辣味但唔算好辣。但就嫌Ｄ魚皮有Ｄ碎，小小難夾。
繼續閱讀
·͜· 鮮肉白菜餃 $36點了十隻的鮮肉白菜餃🥟人手包裹的水餃也能做到一致性的大小👏🏻肉餡的份量也是異常的多😳充滿溫暖的味道 難怪那麼多街坊光顧🥰Ordered a 10 pieces of meaty filling wrapped with pleasant thinner skin, Chinese Pork Dumplings with Cabbage were absolutely warm and tasty🤍評分: 7/10🌟·͜· 鮮肉韭菜餡餅 $28鮮肉韭菜餡餅絕對是全晚的重點😚香濃多汁的鮮肉韭菜餡料份量十足🔥煙韌的外皮為整體的層次更為分明🤎Pan-fried pork bun here was literally the highlight of the night✨ Loved the juicy and succulent pork and chives fillings inside, yet with chewy wrapper outside😋😋😋評分: 8.5/10🌟·͜· 黑糖黑醋排骨擔擔麵 $54黑糖黑醋排骨香甜軟淋🐷擔擔麵的湯底非常濃厚😻😻也帶香濃的花生香味🥜雖然拉麵的掛湯能力不賴 但麵質偏淋身較為可惜😟Braised Spare Ribs in Black Vinegar Sauce with Dan Dan Noddles was quite good🤣 Spare ribs were sweet and sour, and the broth was super duper rich😍 Noddles however were a bit disappointing as it’s quite soggy🥹評分: 6/10🌟·͜·上湯菜心 $20 / 自家製豆漿/山楂茶 $8上湯菜心份量十足 而且挺新鮮的🌱配上香甜的自家製豆漿和酸酸甜甜有助消化的山楂茶非常合適👍🏻Chinese flower cabbage in soup was fresh and healthy😽 Paired with sweet Soy milk and Hawthorn Tea which is good for digestion was great🤩 評分: 8/10🌟————————————————————————————山東小城 (埃華街) (大角咀)大角咀埃華街101號大衛樓地下A1號舖𓍼 #foodietiffhk 𓍼 #foodietiff大角咀#dumplings #hongkong #taikoktsui #hongkongtravel #hkcafe #hongkongcafe #hkfood #hongkongfood #hkfoodlover #foodaholichk #hkfoodie #cafehopping #山東小城 #地道美食 #美食攝影 #大角咀美食 #香港好去處 #다방 #홍콩 #홍콩맛집 #홍콩일상생활베지
繼續閱讀