138
30
23
電話號碼
26531313
附加資料
200個露天座位
營業時間
星期一至日
11:30 - 21:45
公眾假期
11:30 - 21:45
公眾假期前夕
11:30 - 21:45
以上資料只供參考, 請與餐廳確認詳情
食評 (228)
Lunch set 可以選其一個前菜 分別叫左兩個set 我叫左 白汁忌廉周打蜆湯 同 炸春卷 湯有驚喜，濃濃既湯充滿牛奶和忌廉的香味。法式焗田螺已經唔係好多地方有得食，就算有都係啲肉勁細粒，食完都唔覺自己食左咁既，但呢到個法式焗田螺俾到回憶我啊，係以前食到既味道同口感，大粒有口感，田螺肉入口鮮甜不失爽嫩，底部的薯蓉🥔更是無得彈 跟住就食 蟹肉醬配蒜蓉包 試食野個醬好，點啖蒜蓉包外脆內軟陣陣蒜蓉焦香，濃稠惹味， 香氣十足而芝士三重薄餅 #芝士控必食 個餅底係用薄餅底脆卜卜 牛扒5成岩岩熟夠嫩口
繼續閱讀
2年前曾經試過晩餐，個個都係食肉獸，今次我哋叫一份34oz牛肉眼扒，另一份堡雲蘇羊架，再加一份德國咸豬手，等咗成半個鐘第一份咸豬手上枱，第一眼見到己經心知不妙，豬手軟身，還有種怪味，完全同以前的不一樣，再隔15分鐘第二份羊架上枱，一切落羊架，全部熟晒，味道偏咸，配菜又差，連最基本嘅（燒汁）淡而冇味，跟住最後以為牛肉眼扒會好一點啦，點知又係失望，後來先知原來廚房煥咗師傅，怪不得食物出品時間和質素每況越下，感覺上被人受騙，本以為價錢貴，食物質素會相對同等，一定不會再來！
繼續閱讀
坐室內 午飯 午飯散叫 大概叫了300 一位。食物方面：牛扒唔及花園餐廳既80蚊餐 有筋無味份量少，靠個白飯維持住，唔係既話餓住出門口。 前菜份量都少 哈密瓜火腿得幾片 賣相都唔雅觀。甜品以為係tiramisu 點知到係薄荷唔知咩。 酥皮湯個湯稀既 得個酥皮好食d。成餐飯兩個字 難食。環境：應該係村屋改裝成既 外面睇都ok 入面好普通。服務：ok啦 正正常常建議：首先食物方面拜託做好少少 一係就價錢落翻少少，我覺得外面市區100蚊埋單既茶餐廳都好食過呢餐 又平過呢餐，好少忍唔住踩到咁盡 不過同女朋友山長水遠開車入黎 太失望
繼續閱讀
男朋友同我補祝生日，因為之前聽同事話呢間好食，見餐廳有得泊車，就book左位試試佢。可能因為聽人講好食，期待太高，所以真係有落差🥲。先講環境，餐廳有戶外位坐，有好多花花草草，有啲位仲係有間屋仔，好似包廂咁。而我地去個時係夜晚，其實周圍都好暗，加上而家咁熱都唔會考慮坐出面🥵。而且係我地食飯途中，都有兩隻好大既蚊飛左入黎，門口既電蚊機電唔死佢地。佢地就係咁嬲住我地，好似完全唔怕人咁。最後我地係食食下飯都要拍蚊😐，唔敢想像坐戶外位既係未要餵蚊。而餐廳入面都係好暗😂，比較怪既係明明食物係西餐，但整個裝修都係中式，有掛住啲細紅燈籠，啲檯櫈都係木既😂。我地嗌左個二人餐，飽足感黎講係食得飽既，但食物質素就唔太對得住$980（未加一）呢個價錢啦🥲。📍海蝦鮮果沙律基本上有八成係水果黎，值得開心既係真係新鮮水果。蝦呢其實得兩隻，一開二，然後加左草莓醬同沙律醬。都comment唔到好唔好食，因為主要都係沙律醬既味。（其實自己係屋企都整到⋯🥲）📍酥皮龍蝦湯+野菌湯我諗全晚最好食已經係呢兩碗湯，男朋友話野菌湯好飲，都有好多菇碎。而龍蝦湯就不過不失，有少少龍蝦肉碎，上菜個時仲係熱辣辣。📍燒焗日本黃金凡立貝我諗我最不解就係呢一道，本身見佢個樣岩岩燒出黎好似幾靚仔，應該都幾鮮。食落原來佢加左大量沙律醬，基本上除左沙律醬就無其他味，陣味濃到食完要飲多幾啖水中和下。牛同豬都係正正常常咁，唔係好食都唔係難食。職員上碟個時會問洗唔洗幫你切埋，呢樣係幾貼心既。而佢地切完個豬之後發現入面唔太熟，話幫我地拎去再煎多陣🥸。感覺即刻再扣分，出得餐都要確保豬肉係熟曬啦？豬唔可以生食架喎🥲？📍椰汁紅豆糕最後係甜品，menu上都只係寫住「甜品」。本身仲諗住係未有火焰雪山仔又或者心太軟食呢，點知係紅豆糕😂。唔止裝修同食物係中西合璧，連一個set入面都中西合璧。二人餐既價錢係$980，加一之後$1078。比成千蚊食咁既質素既話，真係唔推薦，亦都無下次🥲。
繼續閱讀
已經係第五次去呢間餐廳，因為可以坐户外，可以帶同小狗去用餐。12:00去到，可能係大廚未返工，由小廚出餐。叫咗焗肉醬意粉，一向食開。上餐的賣想是🍝(一模一樣）：白烚意粉（冇味）+白烚豬肉（冇味）+唔太熱的蕃茄醬（焗完都係凍）+一個豉油碟般大少的芝士粉放在中間+放入焗爐焗了5分鐘。真係無辦法唔問下侍應點解會咁差🥲［問：點解難食咗咁多？］［侍應話：廚師比較環保，煮法比較清淡]比快餐店還要差，但價錢係$98，真係好難食呀☹️
繼續閱讀