87
22
5
電話號碼
23880798
營業時間
今日營業
08:00 - 22:00
星期一至日
08:00 - 22:00
公眾假期
08:00 - 22:00
公眾假期前夕
08:00 - 22:00
以上資料只供參考, 請與餐廳確認詳情
有關餐廳
食家推介
上茶樓嘆 #一盅兩件，可唯 #小秘書 一個童年回憶😙 仲記得小時候，老竇每次帶我同哥哥去到茶樓，都會叫一籠 #蝦餃 加一籠 #燒賣 比我哋做 #茶點 … 久而久之 #食點心 同 #嘆茶 已經變成我哋嘅習慣😉 不過現今嘅社會，的確未必人人可以負擔得到「慢慢嘆」呢種生活節奏💗 生意人就可能睇中呢點，#點心店 應運而生！呢日行完 #慈山寺，順路走到嚟「老馮茶居 」大埔分店朝聖 🤩 原址喺元朗嘅「老馮」裝飾得幾特別，加上試過佢哋 #點心師傅 嘅手勢，簡直可以媲美大酒樓嘅水準🙏🏻 連早餐同晏晝都未食嘅我，一氣呵成點咗好幾個點心，點知隔籬嗰個仲話要加籠 #流沙芋麻包 先至夠完美🤩 先上枱嘅係 #蔥花蝦米腸，#腸粉 好滑身，入口感到粒粒蝦米肉，好惹味🤤 唯獨美中不足嘅係食物溫度唔夠熱，有些少扣分😅 再嚟嘅仲有 #咖喱魷魚、#薑蔥牛柏葉、#鮮竹卷、#蝦餃、#糯米雞 … 樣樣都係即叫即蒸，熱辣辣好好味🤤 不得不提仲有佢哋嘅 #流心芋泥包 🤤 芋蓉咬落去好香好軟滑，非常有驚喜🤤 唯一我覺得麻麻哋嘅係佢哋嘅 #鵪鶉蛋燒賣，用嚟包燒賣嘅豬肉好大浸雪味😓 而且我哋個座位比較接近大水煲嘅位置，周不時都會聞到一陣怪怪嘅味道… 有啲煞風景囉😅😅 📍 老馮茶居 (大埔) 安慈路1號海寶花園地下14號舖
繼續閱讀
終於試到呢一間成日排隊嘅小店，啲點心好好食唔怪得知長期都要排隊啦，叫咗八個點心全部都唔錯。鯪魚球冇聲未難得難得。鵪鶉蛋燒賣最勁係粒鵪鶉蛋冇噏味，雖然出面唔係好多地方食到鵪鶉蛋燒賣，但係印象中食親都係有浸噏味嘅。牛肉球冇乜肥肉又係好難得。潮州粉果一籠有三件呢個真係好食，出面啲潮州粉果塊皮成日都係一pat pat，呢度就唔會，同埋呢度潮州粉果入面啲餡好新鮮好好食，沙葛同花生都正。炸芋角反而就一般，可能唔夠熱。鮮蝦腐皮卷發腐皮炸得好脆，腐皮卷入面嘅餡料亦都好新鮮。香滑米黃腸其實真係齋腸，好好食，好滑。叉燒包啲餡好靚，有叉燒肉而唔係叉燒醬。
繼續閱讀
近來有朋友帶我到大埔 嘅老馮茶居、一試那個美食已經愛上佢 鮮蝦米皇卷 咬落去脆仆仆、配上特別醬汁、非常深刻、好味!!Recently, a friend took me to Tai Po. Lao Feng Chaju. I fell in love with the delicious food. Fresh shrimp rice imperial roll. I bite off the crispy servant, with special sauce, very deep and delicious!!
繼續閱讀
同家人去開大埔，網上見到老馮茶居裝修好特別😆所以知道要等位，都照去食，有心理準備之下等⋯好彩都唔算等太耐⋯🙈店舖裝修行懷舊風，有好多小時候見到嘅屋邨景同兒時小玩意，同行有小朋友，又可以講解下係咩玩意嚟😂✧老馮鮮蝦餃✧ $𝟹𝟹蝦餃皮薄，蝦好爽口，好食😋✧魷香肉餅飯✧土魷味好香，唔錯😊✧沙嗲豬大腸✧第一次見😆豬大腸索晒啲汁，好好味😆✧古法千層糕✧ $𝟸𝟼一層係鹹蛋黃一層係椰絲，好特別👍🏻✧蝦醬蒸腩仔飯✧ $𝟺𝟸蝦醬味好香! 同腩肉好夾，送飯一流😍✧蜆介鯪魚球✧ $𝟸8熱辣辣夠彈牙!👍🏻✧薑汁桂圓紅棗糕✧ $𝟸𝟸好香紅棗味，薑味十足😍我鍾意😆✧流沙芋泥包✧爆醬芋泥包，濃濃嘅芋頭味! 家中老人家好欣賞😍下次再去其他分店試下其他👍🏻
繼續閱讀
實在很久沒去過大埔了，這一天中午來到，碰巧看見這間在元朗薄有名氣的「老馮茶居」分店，店內滿是茶客，外面也有不少人在等位，心想這裡的點心應該不錯吧！但剛已吃過午餐的我也不以為意，便隨即離開。到了下午接近黃昏時段，我又再次經過這點心店，這時正是下午茶與晚餐之間的時分，店內人潮已散，只得三兩檯客人正在用餐，既然不用等位，我與太太又已經有點肚餓，便入內吃過早吃的晚餐。店舖環境是頗有gimmick的，兩面牆上都佈置成傳統的香港舊式舖頭模樣，令人感覺到有點回到昔日老香港的時候，讓人可以懷舊一番。「古法千層糕」（$26）是最讚的。這道老馮招牌懷舊點心，店家說是限量供應的，不過這天我差不多黃昏才來幫襯，就仍然有得吃。這以冰肉、鹹蛋黃、糖冬瓜等食材層層堆砌而成，面層再下了椰絲，手工繁複的老派甜點，味道複雜有層次，甜中帶鹹，口感鬆軟可喜，我實在很久很久沒吃過了，這天再嚐，份外回味。「蟲草花燉雞湯」（$42）還不錯，湯味都算清甜。已經愈來愈少見到的鴨腳紥下了柚皮和鮑汁變成的「鮑汁柚皮鴨腳紥」（$30）輕易地取代了我一向喜歡的雞紥，成為這天繼「古法千層糕」後我另一道點選的懷舊點心。可惜這鴨腳紥的好吃度未如我的預期，柚皮腍得來有點過鹹，鴨腳也不算多肉，水準只是普通。一籠三粒的「鵪鶉蛋燒賣皇」（$30）說是燒賣皇實在太名不副實，充其量只是一般而已，談不上出色。太太喜歡吃香口的煎炸類點心，懷舊點心之一的「五柳炸雲吞」（$30）是她喜嚐之物。這兒既有，當然要點來試試。炸得都幾脆的炸雲吞，在這天的點心當中，已算是較為好吃的一款，夠香口，五柳甜酸汁也頗開胃。另一道煎炸類點心就點了「金牌炸芋角」（$18）。這道價錢經濟的點心水準一般，芋頭味是濃的，但較實，而且也不太夠熱。同樣價錢相宜，但一籠只得兩個的「金牌叉燒包」（$18）本是她的最愛，但她的評價卻是甚低，而且只是吃了一個便沒有再吃，還說我倆久不久便會幫襯，在油麻地、旺角、佐敦等地區都有分店的另一間點心店的叉燒包好吃得多。這叉燒包我雖然沒有吃，但聽她的評價，我想都應該水準欠佳了吧！在這天我吃過的點心裡面，最差的就要數「香滑牛肉腸」（$25），腸粉皮厚得嚇人，牛肉死死實實的，而且欠缺肉味，在我吃過的腸粉之中，這牛肉腸都可算是數一數二不濟的出品。「高湯菜心」（$18）灼得還好，總算正正常常。其實這天我點的很多都是店舖推介的點心，結果卻有一半強差人意，有些甚至極差，基本上只有「古法千層糕」最好吃，這天，我可是中伏了！
繼續閱讀