8
6
3
以上資料只供參考, 請與餐廳確認詳情
一個係雞扒唔知咩米線~唔多辣ge，都幾多料，又有我愛ge菇，唔錯呀另外一個係咖哩牛腩飯，個咖哩都係唔辣，偏甜，我覺得好好食，哈哈不過可能有人會覺得太甜服務冇咩特別, 幾好呀叫人會應，冇黑面就夠價錢好似係$40倒，幾好ar幾抵
繼續閱讀
同鐘意四圍食既友人食野, 就緊係食唔同既野。 今次就去左大埔既紅辣椒食下泰國野, 我揀左泰式炒金邊粉黎食, 幾好呀 酸酸地甜甜地 仲有d糖同細既花生粒係一邊 料又足又夠份量! 扺食!! 不過個日間店既店員唔知咩事 好冇禮貌 單都未落完就走左 我地再講未落完另類佢都仲黑囗黑面咁走左去
繼續閱讀
經過門口，有店員招徠話係新開既！我就覺得奇怪，呢間好似已經開左好耐喇喎，不過詳細我無再問既，因為本身我地都係諗住食呢間，話之你前開定舊有啦。同朋友二人食完餐飯後，都感覺同其他泰國菜有點分別，諗來諗去，原來分別在於它的港式！首先，一踏入餐廳就聽到店員用泰文溝通已經覺得自己係飛左去泰國啦，但最得意係店員一行埋黎識轉Channel同你講番廣東話先最窩心！而跟住要介紹既係點解話佢港式呢！因為是夜我地每人嗌左碟碟頭飯！有別於其他泰式餐館通常只有嗌餸食飯！每碟飯都只係四十幾蚊連野飲！咸蛋雞粒炒飯咸蛋碎份量足夠帶出香味，炒飯好夠味，食完一啖想即刻食第二啖！無骨豬手飯好大舊豬手，味道唔錯但未達到入口即溶既效果，適合鍾意啖啖肉同可以補充骨膠原(豬皮)既朋友。不過我下次就會留肚食第啲喇。。另外因為我地太肚餓而且太耐無食泰國菜兼忽然好想食咖哩既關係。。。青咖哩 配 牛由於黃咖哩周圍有得食而紅咖哩又偏辣！朋友對辣接受程度麻麻地所以我地揀左青咖哩！一夾舊牛肉入口，好有口感連埋啲汁好好味！我地即刻搶汁大戰！撈飯食簡直一流！正如上文所言，我所講留肚食第啲絕對係下次就咁嗌碗白飯撈汁或者套餐揀咖哩乜乜飯好過！小食拼盤泰國菜要食小食拼盤是常識吧？春卷好脆！豬頸肉厚肉大塊又多汁！蝦餅肉厚皮脆！雞翼肉嫩不過略嫌個皮厚左些少兼炒過左小小火，但Overall仍然係好值得俾Like!!兩個人食到最後真係飽到反轉！再嘆埋杯華田沙冰 & 芒果沙冰。完全無冰粒要咬，好處係味道唔會俾冰粒沖淡，壞處係。。無！非常完美既句號！我飽喇！下次再黎開餐！價廉物美既泰國菜！
繼續閱讀
朋友仔又遲到，我放工返到大埔七點幾已好肚餓喇 ﹗唯有又叫啲小食頂住肚先啦 ﹗剛發現有廚師推介既新派泰菜囉，好想試試。生蝦刺生，都係用淡水草蝦啦。第一次係度食生蝦，唉 ﹗勁失望。比我發現係雪櫃攞出黎，一早劏好晒。依家雪到溫度過低，影響味道同質感。肉質都爽口但乾爭爭，無水份，配上泰式酸辣汁濕濕地免強可以瞞騙過去。如果新鮮即劏即冰鎮，味道會又鮮又甜，口感黏口又滑溜又勁 juicy，依碟真係差得遠。評價係唔難食，新鮮度不足，麻麻地，好多酒吧做得好過佢。雖然做左兩食，蝦頭攞去炸，但都完全安慰唔到我囉 ﹗糯米釀雞全翼，雞全翼？大多只用雞中翼，好野，讚 ﹗雞翼外皮香脆，好正噃 ﹗咬落鬆化。試吓成舊啪入口先，糯米最中心位置有點凍，翻熱得唔夠喇。味道同口感都好好，不過糯米飯味道好單調，要花點心思加點配料先可以滿足到我。海鮮冬陰功湯，朋友仔至愛，味道真係好濃郁，都好飲。不過我想佢再辣啲，依家味道較為酸，海鮮味又唔夠突出呢。依度有個海南雞冬陰功，我好想試試架，但朋友仔不感興趣。泰式明爐烏頭，早次食過一次麻麻地，今晚比多次機會您啦 ﹗成個爐上枱，但係個火只有一點呢 ﹗一點突破咩？受熱非常不平均，搞到條魚有熱有凍，傳說中既冰火明爐烏頭？﹗好掛住潮式熱騰騰明爐烏頭添 ﹗唉，熱都唔熱下，照食啦。好腥喎，算喇，我放棄。今次唔夠新鮮喎，未試過腥味咁重。質地同味道當然唔可以跟元朗黃油烏頭相比啦，但腥味重而鮮味欠奉，而且魚鱗又刮得唔乾淨，有咬落個肚時，滿口都係，感覺好污糟核突啊 ﹗肉碎冬陰功湯底味道偏酸，好醒胃。但奈何個爐火力唔平均，湯又少，連魚既一半都未到，搞到一邊熱一邊凍，點食呀？師父今次真係失晒水準囉。胡椒炒軟殼蟹，想試好耐喇 ﹗又膽粗粗試新野，但係同我想像中差天共地，好油呀 ﹗仲好咸添 ﹗其實蟹肉味道好鮮味，但個汁又濃又咸得緊要。我原本想像應該會係先炸好蟹件，再用鮮胡椒炒香，會非常乾身、惹味、香脆架麻，誤會晒囉。馬拉盞炒通菜，到底今晚師父發生什麼事呢？每樣送都比平時差一半，真係唔多掂喎。通菜炒到又老又靭又黑炆炆，馬拉盞份量少，淨係得油，唔合格 ﹗好難食 ﹗
繼續閱讀
今日一行3人諗唔到食咩就行到邊就食到邊 最後呢到呢間RED CHILI等位果陣,我地三個都睇好哂自己食咩,跟住我就睇下有無寫加一,搵唔到入到去,我地諗好哂.叫人落單,有個呀姐呢到問我地食咩, A朋友就講左佢個餐,跟住個呀姐突然同後面張台講:凍0茶未到,搞緊嫁啦我都諗住等佢跟進埋先講我食咩,廢是亂哂大龍點知個呀姐一望番過呢, 就好唔耐煩咁講: 叫左我過呢落單又唔講食咩!哇!!咩道理,我等你做埋D野先落單,你話番我轉頭???但無計,唯有忍住繼續落單D野食水平都OK.. 叫左個咖哩牛喃反$42 咖哩什仈$42 同一個豬手反 $42野食唯一不好是份量少好啦,食完就埋單走人,,見到張單加一,根住我再睇清楚份餐牌,無顯示,都算啦.. $139 埋單我地比$140 , 個收錢呀姐係落單果個,佢去到部收銀機呆左係到,我地等左5分鐘佢都仲係企左係到吹水大佬呀!你服務態度好D呀,何況一蚊呀,多都算啦, 你咁的服務態度要拎我貼士?太過份啦!呢間野,無下次,貼錢受氣,個呀姐,希望你可以改善下你的態度,唔好再得罪客人啦
繼續閱讀