9
9
4
開飯介紹
創意火鍋湯底，刁鑽配料，頂級牛肉，打邊爐新選擇。
繼續閱讀
附加資料
少量素食菜式每天供應
營業時間
星期一至日
18:00 - 03:00
以上資料只供參考, 請與餐廳確認詳情
相關文章
上半場鹿鳴居牛四寶火鍋外賣全部掃晒無得留低，下半場繼續小肥牛火鍋喇！繼續用鹿鳴居牛四寶湯，另叫多個巨魚頭湯，來個鴛鴦吧。再次小肥牛火鍋外賣速遞，服務一流，次次都幾位職員尊程送黎酒吧，辛苦晒！ 酸蕎頭，兒時阿媽最喜歡的口精，雪櫃必有一樽看門口，少少酸少少辛，爽爽的開胃前菜。南乳花生，不喜歡食花生的我，當然不掂呢，如果烚花生就唔同喇。牛肉刺身，由細食到大都知道質素如何，薄切腍劈劈夾著生洋蔥浸浸果醋，酸酸甜甜有點辛辣，近乎沒有牛肉味，唔講唔知係食緊牛肉刺生。活鱆魟魚刺身，排得整整齊齊，厚薄一致，美觀靚真，當然加分不少，多謝師傅。淡口白身魚，瘦瘦甜味薄弱，勝在夠新鮮，魚質結實有趙頭，沾點芥辣豉油還是過得去的。酥炸鱆魟魚骨腩，炸得香噴噴，不過骨杉杉沒半點肉，多此一舉，勞民傷財，掉去餚湯底會更有營運效益。原條活象拔蚌刺身，大師級刀功，每片厚薄均稱，閃令令充滿光澤，排得井井有條冰鎮出場。深淺色同樣爽脆，海水咸味霸道，蓋過鮮甜味，溫度不夠凍，入口不夠透心涼。沾點芥辣豉油提味，整體滿意食得過的。甜蝦刺身，依款只不過外購即食，為何不夠凍又不夠甜架？微爽略滑，但味道低於水平非常失望。原條左口魚刺身，都是白肉魚，天生魚味淡及魚脂貧乏，幸好肉質結實非常有彈力，紅色的部份有少少魚油甜味，配上芥辣豉油是可口的。花竹蝦刺身，雖然是游水蝦即做，不過完全無味，質地極爽。帶子刺身，都好的骰喎，細細粒容易食，還要薄薄一開二，滑滑腍腍陣陣帶子天然甜味，合格無囉梳。醋鯖魚，酸酸硬硬霉霉的醋鯖魚，在鮮魚及咸魚之間，一向都不喜歡。熟鮑魚，韌韌的不彈不嫩，有點鮑魚味道。希靈魚，夾著爽爽魚春同吃，不喜歡的質感吸味道。八爪魚，淡如水的味道，沒有八爪魚味，沒有海水味道，不知道食緊咩。雷式混醬，有齊火鍋三寶夠晒滿足，生蒜、炸蒜、蔥花、指天椒。枝竹巨魚頭鍋，比以往稀稀淡淡水汪汪，不再是香濃白色魚湯咯。幸好大魚頭依舊啖啖肉，耐心靜候湯底滾開，讓魚頭吸收足夠的溫度，得左 ﹗立即燙熱辣出晒煙端出慢慢嘆，淋上辣椒油急不及待處理掉﹗先來結實鮮甜面珠登，再來嫩滑魚雲魚三角，最後將整個魚頭啜得乾乾淨淨碎屍萬段，一點魚汁都不漏，暢快高興。美國桶蠔，不知夠大夠巨形就好食，裙邊及帶子位韌到起渣，蠔肉淡口結實滴汁。魚翅裙邊，硬硬的散發微弱海味邊道，試一次便夠。桂花蚌，色澤鮮明閃令令，見得見到水潤新鮮，灼一灼、拖兩拖，微縮即掉入口中，熱辣辣爽脆鮮甜爆汁，美味到暈得一陣陣。珊瑚蚌，海參的內贜，脆卜卜的吸湯高手，散發輕輕鮮甜味，可口得宜。野生竹笙，天生無味的海綿體，無添加天然菌類有益健康身體好。湯是什麼味，她就是什麼味，爽爽脆脆吸盡濃郁湯汁，滾埋雷式金銀蒜辣椒豉油無得頂呀 ﹗手打四寶丸，墨丸全滿墨魚咸鮮，彈彈夠肉不粉，足料高質。魚丸，鯪魚微滑富彈性，少少醒沾上辣椒豉油蠻惹味。牛丸，結實少少彈，陣陣牛肉香，點點牛肉汁。豬丸，清淡的豬肉甜味，實而不華食得過。手打芝心牛丸，濃味牛肉丸一咬爆出咸香濃味流心芝士，燙死朕喇 ﹗甜咸交雜格外滋味。蟹子鮮墨魚滑，跟手打墨魚滑有異曲同功之效，彈彈質地，墨魚味清淡的，添加蟹子咸鮮味道。黒松露鮮蝦水餃，蝦仔非常爽彈，包得足料結實好好味，不過完全食唔到黑松露味道。皇帝菜，年青時完全食不到那種獨特辛辣香甜味，但自從麻辣鍋開到成行成巿，經常配上麻辣皇帝菜，漸漸接受到，還越食越喜歡咯，爽甜鮮嫩多汁，大注大注塞入口，滿意無限。油麥菜，鮮爽翠綠充滿菜甜味，索埋清香湯底梗係好味道啦。豬黃喉，經常真係以為即氣管，原來真身為心臟大動脈黎架﹗沒什麼味道的食材，只有爽脆的質感，味道全靠湯底及雷式混醬，過過口癮送送酒也許不錯。鱘龍魚，首次品嚐沒有特別感覺，似斑的結實帶膠質地，魚味就不及斑濃郁，清清淡淡，一試無妨。本地手切肥牛，招牌本地肥牛可遇不可求，經常沽清無晒貨。牛肉甜味特濃，兇湧的牛肉汁，甘香的油脂，嫩嫩的趙落極具彈性，掉到滾湯拖兩拖粉紅色即食，天下無敵。安格斯手切肥牛，本地肥牛才是極品。骨子大方得體地端上，粗粗的脂肪紋，深紅肉色有著熟成的影子，不知味道如何呢？軟綿綿的質地，淡淡然的牛肉味，有著鮮甜有著油香，比預料中好味。蒙古羊肉片，鬆軟羊脂豐富，羶香勃勃強烈，配清湯、魚湯我真的受不了，跟麻辣湯比較合襯。新鮮生腸，涮一涮即食，保持爽口嫩滑，少少豬甜味，浸過清湯蠻不錯。雞件，我真的無雞不歡，連打邊爐都要食幾啖雞肉才心息。魚湯滲入雞皮雞肉之中，使到肉甜味提升不少，皮薄肉滑滾埋辣椒豉油拍手叫好。蟹柳，真日本蟹柳，不是膠硬大紅大陸蟹柳。最喜歡烚的嫩滑吸盡湯汁，整條塞入口，湯汁噴射，可口無比。鹿鳴居牛四寶湯烏冬，手打烏冬索盡大量海鮮及肥牛精華，甜到入心入肺，彈滑嚥韌有米香，大叫好好食呀！
繼續閱讀
今日狗年最後一日食豪d....其實就唔關事既！係因為有網友俾左coupon 食$100送$100 ，網友俾左3張我！諗住4大2小夠食！點解差好遠😂😂😂我地叫左個潮或鹹菜豬肚豬手湯底！叫左個大既手切本地肥牛，一個冰鎮極上鮮牛！但老實講，兩樣都麻麻地😓😓仲有叫左個脆竹卷，蟹子墨魚滑，豬粉腸，魚皮餃，雲吞，脆肉脘魚片，椒鹽鮮魷，生面，西洋菜....我都唔明一間火爐店，我地叫左幾樣生野同一樣小菜，竟然得一樣野小菜係好食😣😣！個樣就係好難會唔好食既椒鹽鮮魷🤣🤣叫左一支加士伯，一支1664，話用coupon 就要原價叫！$2x 一支ok 呀！汽水就$12 一罐！扣3張$100 coupon 後埋單剩惠$1027！Sorry 講句冇下次😣😣
繼續閱讀
冬天成日心思思想打邊爐，今次來呢間食打邊邊因為要用優惠卷，我們都係逐碟正價來落單我地叫左麻辣＋莞茜皮蛋湯底，老實講味道一般，麻辣完全唔辣，另外一邊就無咩味好淡口，有Ｄ失望。本身佢的湯底選擇都唔多，唯有點多ｄ豉油調味吧我地叫左黑松露水餃，好咩足料另外鵝干墨丸，味道就好一般，寧願叫返普遍墨丸黃喉係必食，爽脆炸魚皮好大條重點係呢個本地手切肥牛，不過一ｄ都唔肥，仲好香肉味，有厚切，牛味香濃，強推！最後仲叫埋個刺身凡立貝，都新鮮好味
繼續閱讀
坐房間係有最低消費既，一於食豪d la,叫左幾款刺身食，但有點失望既............生蠔好薄呀，而且都無乜鮮味，都幾失望的。另外刺身都好切得好薄下，幾好味既算係有北寄貝啦 仲食左個帆立貝食既，佢都ok既質素叫左勉勉強強過得去啦，但睇埋個價錢就同自己過唔去啦.......太貴了其他野食都正常既，不過都係個句啦，貴，我地係打邊爐，都係叫下菜呀丸呀咁，最後埋單每位都要400蚊。值得一提既係佢既牛丸，鮮紅色，好味的
繼續閱讀
有食為了在晚飯時間坐耐一d同朋友吹吹水，打邊爐會係一個好的選擇，因為較小有時間的限制！今次約左同是大埔之友的朋友聚聚舊，選擇左小肥牛打邊爐啦！冇來一段長時間，原來小肥牛宜家都有火鍋放題！接近$300的價錢有埋海鮮拼盤咁就決定試下啦！打邊爐第一件事就要混醬！最喜歡就是炸蒜湯底叫左蕃茄薯仔清清地！主角出場啦！！竟然有龍蝦鮑魚同帶子等等！全部都好新鮮！讚以下便是任點系列，手打丸好彈牙，encore 左幾次！仲有蜂巢豆腐牛肉亦係好好味！唔老！有多種選擇！最後仲有邪惡的選擇！竟然有炸芋頭！十分之感動！我會再次光顧的！
繼續閱讀