火車頭越南餐室 (浣紗街)

營業中

休息中

Nestled in the serene neighborhood of Tai Hang, Cafe Locomotive Contemporary Vietnamese Cuisine invites diners on a captivating journey through Vietnamese culinary traditions. The restaurant's French-Vietnamese style design and nostalgic ambiance set it apart as a hidden gem, offering a unique dining experience that resonates with both authenticity and elegance.Rare Beef Rice Noodle SoupThe Vietnamese Pho is always one of my comfort food, with its rich broth, tender beef, and complex flavors.One

本人是泰國華裔，得知維園有花展，前來參觀，參觀後和朋友步行到大坑浣沙街，就帶朋友去食我間中光顧既火車頭越南餐室，我們點了一客菠蘿炒飯，一碗火車頭及一客通菜，結果大失所望，食物質素已經不復當年，最不愉快的就是我朋友感覺你們餐廳冷氣非常凍，所以就叫服務員調溫度去溫一點，服務員也很樂意幫忙，之後感覺冷氣正常，沒有那麼凍的時候，因為我們坐得比較近你們open kitchen位置，突然你們餐的廚房女大姐對住我們大罵服務員，還用一些粗言穢語大罵他們，內容不說（粗言穢語）大概都是罵關於餐廳冷氣，之後我去完廁所回來經過，那位廚房大姐還用一些不友善眼神不停望我，之後冷氣又調回非常凍，我又再問你們服務員是怎樣，但今次服務員面色徬徨，我也不再為難他們，決定結帳離開。原本我朋友都說不要來，因為見最近你們餐廳劣評如潮，是那位粗言穢語的大姐所為，今天一見，真的大開眼界，趕客的眼神，不快的粗言穢語，我們決定也不再光顧

今日成日未食过嘢，直至到下午五点钟先食饭，按道理食乜嘢都会觉得好食，特登开车上嚟排队等入表，去一下食火车头，就直接点了个火车头…………劲难食，以前的生熟牛肉，而家变咗红当当嘅牛腩，仲有两嚿超肥嘅唔知乜嘢物体，汤非常唔够热，超鹹，我真係想立即行出门口睇一睇呢间係咪火车头

如題一樣，剛剛工作完作國內回來光顧你們火車頭，誰知我用餐一小時，聽了45分鐘粗口，那位講粗言穢語的廚房阿嬸全程爆粗言穢語：面向我們坐的地方大罵，真的很影響客人用餐食慾及心情，而我亦向你們餐廳經理投訴，希望可以安心吃晚膳，最後那位經理上前說了兩句，自己轉身離開現場，回來後（應該有15分鐘），再向每枱客人致歉（餐廳唯一可取之處），我亦都不多問，只希望我點的粉包快上，因為快頂不下，難怪你們食物出品那麼久，原來只會說粗口，眼望望我們客人，35分鐘等一份粉包，食完我也埋單，離開時店員上下都向我致歉，但我說：係都應該爆粗果位廚房阿嬸講啦，我就離開！睇番之前食評，你們餐廳都有同上事情發生，本人亦是在國內做飲食業生意，忠告一句：令枉勿縱，殺一警百！我相信暫時我在店舖門口再見到那位粗言穢語的阿姐，我都不會入來進餐。

呢日入到泥大坑行下，見到有唔少cafe同餐廳，但我突然好想食越南河，見浣紗街就有呢間『火車頭越南餐室』，就入去試吓。坐低之後就先叫左『生熟牛肉湯河』，另外仲叫埋『香茅牛肉撈檬』、『牛油雞中翼』同埋『沙嗲雞肉串』。先講吓個『生熟牛河』。湯底味道濃郁，牛肉浸熟少少再食，食落都夠牛味，肉質都夠稔。一次過將湯、粉、牛放入口，真係好味🤤個撈檬都唔錯，香茅牛肉幾香口，撈埋啲青瓜絲，蘿蔔絲同汁泥食，酸酸甜甜好開胃。至於啲小食，雞翼炸到外脆內軟，加埋炸蒜趁熱食好味。個雞肉串正常發揮，雞肉唔柴，沙嗲味道都唔錯！

今次係網上外賣平台叫外買，非常高興又可以blacklist 一間，大坑呢間火車頭開咗咁多年，接手個位越做越冇，無心做就唔該你改名🙇‍♀️🙇‍♀️越南河個湯底甜嘅，咩事呀，知世人好苦呢。。咁唔該你做飲食，珍惜吓依家仲留港消費，同唔係幫襯this this this嘅人啦，果包咁嘅香葉同青檸，入袋都見到爛啦，照出，果3串牛串燒，乸到霉晒，兩個人一共食咗"兩啖",即刻扔落垃圾桶啦，剩係得個牛油雞翼正常。

今晚放工同同事食大坑，呢間真係歷史悠久，不過係新裝修，所以坐得舒服！喇沙湯粉絲比預期辣，料好豐富，有好多菜：冬菇、豆腐卜、蕃茄、矮瓜，仲有好大隻嘅海鮮：蝦、青口😋😋真係惹味又鮮味！越式蒸粉包拼扎肉個粉皮非常薄，內裏嘅餡料好惹味，雖然係前菜，但係對我來講可以做正餐。牛油果素菜朋友是素食者，所以點了這一菜式。牛油果好Creamy好大件，整體較清淡！只是米皮比較厚，我個人不太喜歡。鮮腐竹豆漿浸菜真係有好多不同嘅蔬菜，合晒我口味，湯底係濃郁嘅豆味。

前兩日天氣開始轉涼, 同朋友係天后行行下就入左大坑見到有間越式餐廳個門口幾有格調, 一於入去試試佢間餐廳個名叫火車頭,, 無理由唔試下佢個火車頭湯河個湯河上到黎, 大大碗, 有生牛肉, 牛腩片, 牛筋, 牛丸同埋牛百葉, 份量十足, 而香葉呀, 辣椒果D就另上, 可以夾返每個人O既口味生牛肉浸到O岩O岩熟, 口感一流, 牛腩片入味得黎又唔會韌, 湯頭就夠哂濃郁, 河粉又夠滑, 是正的嗌左個蕃茄牛腩麵牛腩份量都唔少, 亦係好入味好淋.個麵類似粗麵咁, 彈彈地, 配埋個湯一齊食, 是幾特別的個軟殼蟹米紙卷賣相就是正, 食落脆脆地, 生菜都好新鮮燒法國鵪鶉就真係第一次見, 第一次食賣相就幾靚仔, 大細就同乳鴿差唔多大, 鍾意食乳鴿O既朋友都可以試試

餐廳嘅裝修好靚，氣氛亦唔錯。首先揀咗小食：蒜香牛油雞中翼，啱啱炸好嘅雞翼，外脆內嫩，有蒜香牛油味。春卷撈檬，脆口嘅春卷配上清新嘅檸檬汁，酸酸地令人食慾大增。撈檬再加上魚露食，更好味😋生牛肉湯河加牛柏葉，鮮嫩嘅生牛肉同滑溜嘅河粉結合，再加上爽口嘅牛柏葉，一碗熱辣辣嘅湯河，呢個天氣食幾正！飲品叫咗椰青。仲有越南滴漏咖啡，滴漏咖啡濃郁香醇。火車頭越南菜嘅美食豐富多樣，價錢唔貴。每一道菜都有其獨特嘅風味，絕對能夠滿足你對越南美食的渴望。

大坑雖然小, 美食俱全~今次同同事黎開大坑做野, 特選呢間火車頭! 首先叫左一碗生熟牛肉湯河, 牛肉份量比預期多, 肉質都比較鮮嫩。 河粉份量都唔細, 大大碗, 而且夠晒滑, 最緊要係個湯底好夠味, 甜甜的。夠晒2個女仔食!咖哩雞 –份量真係比出面的大份, 有雞脾, 又有雞翼, 好似有成大半隻雞喺入面, 啖啖肉, 味道又夠晒濃郁! 有少許薯仔做配菜, 好豐富, 抵食! 因為經常咖哩配飯食到厭, 所以今天點了法包, 法包爐熱了, 裡面鬆軟外面脆口, 沾上少少咖哩汁已經好好食!牛油雞翼 –一上台就覺得賣相好吸引, 共有4隻大大隻的雞翼, 面層鋪了厚厚的牛油炸蒜, 就咁食炸蒜都覺得好香口。雞翼口感適中, 夠晒入味, 鐘意牛油的朋友可以試試!草莓奶昔- 濃郁的士多啤梨混合純厚的鮮奶, 味道唔錯, 大大杯好抵飲。整間鋪頭環境舒服, 而且裝飾很有特色, 同朋友傾計一流!

到目前為止，成世人只係得呢間餐廳可以成為第一間成功逼我入到間餐廳坐低都要起身走人嘅餐廳。入到間餐廳之後2個人行去一個空嘅二人位， 嗰個阿叔經理就直接用好鬼差嘅態度直接串你 客人淨係可以坐佢指定嘅枱 講真呢個餐廳就算有幾咁好食都唔會幫襯，俾錢幫襯你哋仲要受你氣？ 何況嗰時我咁啱經過見好耐無食過Vietnam 野，行入過或者食開大坑既朋友都會知道其實大坑就大把餐廳揀，淨係同一條街後面都有間岀名肉骨茶餐廳，真係唔會再揀呢間

餐廳有提供室溫水，另外叫waiter 給一杯冰水。waiter 並未有講明要收錢。 最後埋單收咗$10, 向餐廳查詢menu 有否列明冰水價錢，waiter 表示沒有列明。咁即係餐廳可以隨意收費，又唔需要預先同客人講收費。向waiter 理論，佢冇比任何反應， 咁即係下次佢收$100 都可以？雖然只係$10，但餐廳處理手法十分不恰當。已經不是第一次在呢間餐廳受到waiter 不禮貌對待，食物質素好好，但服務態度真係好差，真係以後都唔會再嚟。

因為為了去大坑睇舞火龍，5:30到達大坑時，已經開始封路，隨便見到這間越南餐廳，馬上入去試，等咗一陣有一張2人枱感覺員工好想馬上返枱，坐低慢慢睇清楚都唔得咁我們兩個各自隨便叫一個主食，諗住之後可以出返去銅鑼灣再食點知，食物水準真係麻麻，真係失望我叫左個特式火車頭，先試一啖湯底，因為這個係越南餐廳的實力，點知 ….. 麻麻，啲牛肉有雪味，其他餸都好濕碎，唉，明白為什麼油麻地的越 X 為什麼晚晚都有人龍我朋友點左個豬扒撈，塊豬扒冇乜味，完全冇juice 感覺，只得個賣相

火車頭越南餐室，裝修環境好像乘座一架列車🚂入面吃飯🍽️一樣！環境好特別～別具特色越南餐廳💕小食拼盤趁南炸春卷，沙嗲雞肉串，蒸粉包，扎肉，青木瓜乾牛肉沙律🥗，非常豐富又抵食～擺盤好靚精美。💕蒜香牛油雞中翼蒜香味濃厚，好炸蒜佈滿在雞中翼上面，好吸引🤩💕馬拉盞炒通菜辣得好香口，又爽口！份量好大碟！💕原個菠蘿炒飯打卡確係不錯👍🏻有蝦，菠蘿肉，提子乾，腰果等等配料。飯🍚粒粒金黃色。🥑牛油果奶昔🫘龍眼冰🍋檸檬柚子蜜

火車頭越南餐室是一家以越南料理為主打的餐廳，我今晚品嚐了他們的招牌菜之一咖喱軟殼蟹，以及他們的原個菠蘿炒飯。首先，咖喱軟殼蟹絕對是這家餐廳的一大亮點。蟹肉鮮嫩多汁，並且完美融合了越南咖喱的香辣風味。咖喱醬料濃郁而不過分油膩，蟹殼炸得酥脆，讓人一口接一口停不下來。這道菜的味道相當美妙，絕對是咖喱和蟹愛好者必試的一道佳餚。其次，原個菠蘿炒飯也給我留下了深刻的印象。菠蘿炒飯本身就是一道充滿獨特風味的菜肴，而這家餐廳的表現更是令人滿意。菠蘿的甜味與米飯、蔬菜和肉類的鮮味相互融合，讓每一口都散發出一種令人愉悅的口感。此外，菠蘿炒飯還擁有豐富的營養價值，使其成為一道既美味又健康的選擇。總括來說，火車頭越南餐室以其美味的咖喱軟殼蟹和原個菠蘿炒飯贏得了我的讚賞。無論是追求獨特風味還是享受美食的人，這裡都是一個絕佳的選擇。我強烈推薦去這家餐廳品嚐這些精緻而美味的越南料理！