76
38
12
| 餐廳: | 金城茶餐廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
港鐵大圍站 A 出口, 步行約2分鐘
繼續閱讀
電話號碼
26026351
26941323
營業時間
今日營業
06:30 - 19:00
星期一至日
06:30 - 19:00
以上資料只供參考, 請與餐廳確認詳情
招牌菜
食家推介
相關文章
食評 (176)
大圍積福街地道美食個人認為多年來均由四大家族群雄各據、有坤嫂、華哥、漢哥、最後呢間 為城哥「金城茶餐廳」 堂食餐牌價錢不過$75，良心收費、誠意出品、入到去貼滿佛偈、獨L 靜心之地入到去「男人的浪漫」孖寶：椒鹽豬扒飯炒底 X 煎肉餅一件。 椒鹽不是坊間純粹放一些胡椒及鹽就是椒鹽，而是走過油爆香、配自家醃製豬扒，鬆軟無比、加上鑊氣香噴噴抄飯底，天上人間的美味、吃得辣的朋友強烈建議加上自家製辣菜脯，脆卜卜、鹹甜適中、新鮮炒製、不含防腐劑添加成份、放雪櫃能保存一個月、堂食加上帶走一樽回家享受是必須的、煎肉餅淨食乃是名物、去到金城不吃煎肉餅等於去到北京「不到長城非好漢」我又食又拎，一盒辣菜脯一份生肉餅$300不到， 我就覺得好正啦、 你呢？ 😄😄😄
繼續閱讀
「大圍名物」🩷馳名「生煎肉餅飯 」自從搬咗去沙田區之後，每個月都總會有一次，嚟食返個生煎肉餅飯😋我係一個超級愛食肉餅嘅人🙈真係唔係度度都有生煎肉餅🐖嗰塊肉餅質感厚實，肥瘦適中，熱辣辣咁樣煎出嚟，肉餅最出嗰層仲脆脆地，食落去好香口！最重要嘅係要配佢嘅自家製辣菜脯👍🏻 冇得輸！一定要加埋！除咗咗肉餅飯之外另外一個招牌菜就係椒鹽豬扒飯😍每次入到去啲人多數都係食呢兩樣嘢🤣📍金城茶餐廳📍地址: 大圍積福街84號地舖
繼續閱讀
已經幫襯金城六年多了，當初被佢嘅椒鹽豬扒飯驚艷到，就係咁種下了情意結。🉐椒鹽豬扒飯識叫一定係叫炒底，再配上店舖自家製嘅菜脯，簡直一流！呢度嘅椒鹽豬扒係有少少濕，又有蔥油，所以食開乾身嘅可能會覺得太油。🉐雪菜火鴨絲湯米粉之前嚟都係食飯，見到好多人都叫呢個米粉，今次就試吓！一上碟就覺得好足料，超大碗，最欣賞係火鴨絲皮係脆的，如果火鴨絲份量可以再多啲更加好！見到有不少人留言投訴店員的態度惡劣，個人經驗覺得夥計態度不過不失，唔係太好，又未至於冇禮貌，只能說係一般茶餐廳服務吧（催你落單，見你食完就嗱嗱臨收碟嗰隻）🫢
繼續閱讀
熱奶茶冇茶香，只有苦澀味，用銀色小朋友杯裝住，女侍應送嚟時話多奶，但仍然係深褐色。飲咗好苦難飲，同帶鄉音白臉中年婦講話想要多啲奶帶鄉音白臉中年婦唔答掘咗我一眼，再加嫌棄表情，叫水吧員工俾罐用緊嘅淡奶，燶口燶面叫我自己加到夠，眼睛睇住我加幾多帶鄉音白臉中年婦態度霸氣，呼呼喝喝，講起煙包冇人買，拖緊地7、80幾歲嘅阿婆員工，加嘴搭訕，話佢你又唔係姓董嘅．．．坐喺度嘅70歲嘅嬸嬸都無出聲，結果阿婆腼腆尷尬繼續拖地干炒牛河好油好油，幼河粉，茶餐雞翼只有兩隻無味只有燶，西多得半件都係無味，熱奶茶苦澀味重無茶香筒上兩把餐刀都有幾處手指油印顧客俾機會多次光臨，過往嘅水準有時可接受，未算差到好似今次，食物奶茶水準差，白臉婦人為咗顧客想要多啲奶，就要霸氣chur住掘人一眼，劣👎牆上貼著店東嘅一代二代嘅收錄智慧金句，散發正能量，亦是我光顧的原因，然而卻與中年婦散發出的負能量大相逕庭
繼續閱讀
叫咗呢度兩個好出名嘅碟頭飯🥢生煎肉餅飯🥢椒鹽豬扒飯要知道本身呢兩碟飯嘅餸製作方法都比較油膩但係我冇諗過食兩啖已經食唔到落去油膩到連啲飯都好油好油😢可能而家自己都食唔到咁重口味所以兩碟飯都係食咗一半就食唔到而味道就好普通未去到話一定要嚟食另外都想講吓個環境餐廳嘅環境比較舊式坐嘅空間比較狹窄特別係我哋坐二人枱張枱就會更加迫所以依間餐廳試一次已經好夠
繼續閱讀