10
13
9
以上資料只供參考, 請與餐廳確認詳情
招牌菜
今晚一行三人出黎土瓜灣食宵夜，見網上有人推薦呢間，於是就試一試。我們各人點左杯野飲，朋友飲的是自家涼茶，但飲唔到係咩涼茶，味怪；甘桔檸檬汁正常，我係飲洛神汁，飲落係暖既，味淡。後悔，反而如果飲氣水都應該仲好d。我地食左燒蟶子（五隻），蒜蓉燒蠔（三隻），煎餃（三隻），韭菜（兩份）,， 辣酒煮花螺 ，牛舌，牛柳粒，燒魷魚各一。蟶子略咸，太多蒜蓉，燒蠔煎餃正正常常，韭菜好普通，牛舌好食，花螺都唔錯，燒魷魚唔好食。埋單367店內見到有人在吸煙，所以好大煙味。 總括而言，沒有令我再幫襯既意欲。
繼續閱讀
前幾日做完野OT到好夜...收工仲未食野就同兩個同事去左office附近既「燒閒站」食晚餐+宵夜~話到明叫「燒閒站」，呢度就一定係食串燒架啦~雖然宵夜時段好旺場好多人，但我地得3個人，去到咁岩仲有位俾我地坐，唔洗等店面裝修其實同普通茶記係無乜分別~入到去係拎紙仔自己tick野食的~首先黎到既野食係豉椒炒蜆~ (但無影到相haha)啲蜆幾鮮，味道唔錯之後就有其他野食上黎了~呢個椒鹽豆腐熱辣辣，外脆內軟，係全晚最好食既野!! (居然唔係串燒haha)加埋沙律醬，正!食串燒，無論去到邊都例牌要嗌返條燒茄子!茄子燒完唔乾，調味適中~燒韮菜餃都幾好食! 入面好juicy~個皮好脆!另外仲有呢堆串燒~出面既串燒好少見到會有汁係面~ 都幾好食全部都唔會燒到好乾咁另外我地都嗌左兩jar既洛神花汁~出面好少見到架! 都好好飲~全餐飯都幾滿意...除左....埋單個時發現佢地原來有收加一....其實佢地只有茶記既service，又唔係坐得特別舒服唔太明白點解要收加一
繼續閱讀
夜晚打完波…都成十一點…搵啲野食下呢間燒閒站開到凌晨三點…啱晒宵夜鬼舖頭除左串燒… 我仲有其它小菜…雞煲食今次咁夜所以淨係試咗串燒串燒 選擇都多有肉有菜仲有新鮮海鮮鹽燒娃娃菜(少辣)… 燒完唔會太dry…甜甜地好味分別係(左起)鹽燒豆腐燒硬豬皮燒安格斯牛柳粒同埋金菇肥牛卷(左起)台式黑椒腸…鹽燒牛舌…鹽燒五花腩特別推薦黑椒腸同埋牛舌牛舌以10零蚊呢個價錢黎講爽得嚟又有牛味…正評本身想食司華力腸不過賣曬老闆娘就推薦咗黑椒腸都一樣咁好食…juicy土瓜灣區宵夜冇乜選擇之中嘅好選擇
繼續閱讀
今日照常收夜成10點幾先返到屋企附近，屋企樓下仲開緊既食店為數不多，之前都來過幾次，食物整體其實還好，難得腌尖男友都覺得ok 既。今日叫左：椒鹽豆腐～上次食過覺得好正，皮薄入面嫩滑，一啖一粒，唔係間間都做到，有d個炸皮會好厚，所以我同男友都鐘意食呢個😋燒蟶子+貴妃蚌（中辣）～兩樣都燒得剛好既，價錢實惠蟶子今日細隻左，不過次次唔同貴妃蚌今日就幾大隻，而且鮮甜的⋯燒韭菜+雞中翼（中辣）燒韭菜略嫌太多辣椒粉，不過無咩渣，👌🏻燒中翼就好香，雞肉嫩芥末牛柳粒～我食左一粒，老實講其實調味不錯，肉粒唔鞋，望落色水深以為芥辣味唔出，原來都幾有芥辣味，有攻鼻感，但芥辣味唔會太搶。但其實小妹不愛芥辣😅呢個餸其實係男友專屬，開頭以為唔攻鼻就試試，原來男友騙我😭平時我係一d芥辣都接受唔到。不過我都會好中立地介紹返味道其實ok,只是我唔鐘意咁攻鼻既野🙈如圖所見，係Ig cap返出黎，呢杯聽店員叫桔仔，係熱飲，酸甜順喉，估唔到幾好飲（當中有小插曲，話說點解我唔知杯野真名係咩，因為我本身係叫涼茶，飲左幾啖，個人感覺怪怪，我唔敢話真係杯野真係有問題，個下我問店員呢杯咩涼茶？佢話係五花茶，我隨即就話好似怪怪地🤔佢就即刻話唔緊要，我整返杯桔仔比你飲。其實佢地都幾忙，但都無話態度有咩問題，我個人係覺得接受既。不過估唔到我幾鐘意就真😳）
繼續閱讀
一開始去左隔離鋪，蒸邊爐，仲諗更點解無串燒揀，問姐姐，姐姐叫我去隔離先知入錯鋪，不過得意在，我等位時，遲到要等位的，都去番蒸邊爐到坐係門口已經放左一些，今日有的食的海鮮，都幾大隻，之後叫左d招牌菜，豆腐金磚炸的好鬆脆，而且俾埋沙律醬點不過要讚下個貴妃蚌，聖子同生蠔，雖然面頭有好多 蒜蓉，但都食的出海鮮的鮮甜味，而且價錢又唔錢，真心覺得低食其他肉串都好好食，不過安格斯牛粒，我又唔係好覺太大分別，整體可以再黎食，今次我兩人黎食，但唔知點解食左4人份量，食個時唔覺，俾錢俾番張單先知，如果可以多幾個人，我都想試埋佢d煲同其他野食
繼續閱讀