1
1
2
港鐵北角站 A1 出口, 步行約2分鐘
繼續閱讀
付款方式
以上資料只供參考, 請與餐廳確認詳情
#frostie北角之旅 ✅ #八番麵工房 📍美食探險👉 @frostiewithfood - 🔥北角平價日式拉麵🔥 呢間位於北角嘅餐廳主打日式拉麵，位於北角匯商場一田超市內，個日行街見到呢間餐廳好似無咩人😂食飯時間又唔想等位，就入咗呢間食⭐️餐廳環境偏細，但總算乾淨💪🏻不過以下既食評完全係試伏之旅......🍜《 #中華拉麵》$46 中華拉麵份量幾大🥳湯底比我想像中濃，但係麵體真係麻麻地😕好似公仔麵質感，一入口都係鹼水味，加上口感偏軟，整體味道普通💦至於配料不過不失，有半粒糖心蛋🥚、芽菜&筍，叉燒都有肉味，不過太薄同埋得一片，無口感可言，如同空氣🤷♀️如果厚啲會比較好🙋🏻♀️ 果然係一分錢一分貨，呢個價錢如果無咩期望既話都算係頹食之選既🤣 分數：2.2/5- 🏠 八番麵工房 - #foodie #foodiehk #hkfoodie #foodphotography #food #snacks #foodiegram #foodblogger #foodpics #foodoftheday #fotdhk #八番麵工房 #japan #northpoint #香港美食 #食評 #ramen #chineseramen #yummy #北角 #中華拉麵 #一田超市 #北角美食 #試伏之旅
繼續閱讀
兩個人假期行北角匯商場，食晏時間，幾間餐廳都有好多食客，於是我哋就落地庫間一田超市內嘅八番麵店食拉麵，座位少，不過見無咩人，我哋就揀咗呢間食啦，兩個人坐4人位，環境都算乾淨，細細間舖，所以店員亦只係得兩個人。我哋叫咗一個豬軟骨野菜拉麵$66，以及極黑野菜叉燒拉麵，亦都係$66，大約等5分鐘就有得食啦，估唔到都幾大份量，湯底又比我想像中濃，味道亦比我預期中好，負責煮拉麵嘅女店員，服務態度亦好好。總結：食客唔多，座位舒適乾淨，無加一服務費，價錢都算合理。
繼續閱讀
今日去到北角匯行街，位於一田超市內見到間「八番麵工房」諗住位於一田內的連鎖店應該有D保證，點知原來中晒伏首先比錢落order，之後可以入座。店內坐位唔多，坐下後，煮好麵自己再到吧枱取食物。廚房內一目了然，可見到煮麵過程。麵有4款可選擇，仲可以追加小食優惠。飲品亦有追加優惠。1. 極黑野菜叉燒拉麵($66)，麵一入口好多鹼水味，失敗！豬骨湯底無味，失敗！得一片叉燒，份量少(與相片不同)，失敗！2. 豬軟骨野菜拉麵($66)，麵同湯底同上面嗰碗一樣失敗，而豬軟骨算是全碗較可取的唯一食物。3. 日式餃子 6隻($25 追加價)，全餐比較好少少的食物，有好多蔥蒜，好惹味。我見到店內仲有外賣試食價返屋企自煮，中過伏都唔會再中。整體來說，拉麵有鹼水味，不能接受。浪費了個麵店名字，再無下次單一收據消費滿$70 可獲印花1個，但都未能吸引下次再幫襯。
繼續閱讀
全餐舖2個人，負責下單執枱煮食洗野，服務唔要求咁多。叫左個泡菜拉麵，叉燒沾麵，加埋130左右，平就平，但嘥左個肚。自問自己要求唔算高，拉麵有蜆水味，插入去係一個麵餅，唔係一條條，麵質好淋。沾麵個湯汁，我只可以評為"拉麵湯另上", 而唔係沾麵，其他野唔想評咁多啦。
繼續閱讀
之前在希慎廣場食過八番拉麵, 素質一般般, 今次去開北角匯, 女兒忽然想食八番拉麵, 於是叫了一個豬軟骨野菜拉麵$67給她吃, 自己叫了义燒飯食, 由於Foodcourt是開放碗式的, 可以見大媽姨姨做拉麵的過程, 見她在碗內放了很多蘿蔔絲,芽菜和椰菜, 及將一小袋小得可憐豬軟骨(不知是熱還是涼的?)放在麵上, 來到的時侯跟相片差得很遠, 吃落麵有一點點鹼味, 麵份量不多, 反而蘿蔔絲,芽菜和椰菜足足有一大碗, 因為女兒不吃蘿蔔絲,芽菜和椰菜, 從碗內夾出來, 足足有一大碗, 所謂的豬軟骨跟平時渴例漡的豬展肉冇分別, 冇味, 又韌又鞋口, 肉質吾夠腍, 跟平時食茶木的豬軟骨差很遠~還好意思說是廚師推介, 滄浪亭的豬軟骨麵比佢好食萬倍, 都只是$55元, 這裡郤是$67元, 一定沒有下次.
繼續閱讀