181
41
5
電話號碼
94497310
開飯介紹
裝修以灰色為主的咖啡店，設計時尚，提供各樣特色咖啡和飲品，賣相精緻。
繼續閱讀
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
食家推介
我今日去開錦田，行多7-8 分鐘慕名而來cohee fanling，諗住支持吓小店。但今日好大雨。（擔遮都濕晒）我到咗見到cohee 有兩邊buliding, 有人示意我入咗去右邊，放低把遮推門入去order cafe mocha +oat, 一個sourdough, 之後order matcha roll cake, staff 話冇，跟住我就算啦，照俾錢，單都攞埋。諗住搵位坐, 嗰度有個吧枱再加一張大D嘅枱喺較入位置，但係staff 就叫我要擔返遮行返過去對面（即左邊）坐，雖然得幾步路程，但又要喺咁大雨再開遮再閂遮又或者冒雨行幾步都會濕晒。我唔係太明白點解要過嗰邊坐不過算啦。點知一坐低有個女嘅Staff就話。頭先你嗌咗杯Mocha，我哋同事應該冇同你講個價錢其實唔係呢一個，因為我哋轉咗隻朱古力個價錢其實係貴啲㗎，你而家一係俾返補返錢俾我地，一係你轉過其他飲品。我回應： 但係個Menu係冇提及呢個價錢，你哋嘅Staff order 時又冇講過任何嘢已經收晒我錢了。個女嘅話我哋其實側邊有個牌仔寫咗喺度，但係個Staff冇講。（普通客人喺Cafe order係咪睇Menu落order 而會唔會睇晒任何嘅牌呢？而且都唔知佢寫咗落邊個牌度。）咁我話但係你哋個Menu冇寫，staff 落order 時又冇同我講，而家你叫我過去比返多啲錢先可以飲？（其實唔係要比多幾多錢嘅問題，係個銷售手法）佢回應佢哋冇時間轉Menu，唔好意思。其實一間Cafe冇時間轉Menu，係order嘅時候同客人講係冇問題，佢係交易晒先佢同返我講要收返我多啲錢？？）但係佢就好似我錯咁。我成個感覺係一開頭落大雨，佢已經唔考慮右邊都有位坐，要我咁大雨擔遮再去對面，跟住仲要遇到咁嘅情況。跟住我就話不如你退返錢俾我離開（心諗乜嘢Mood都冇晒啦），佢又真係退返錢俾我，仲有講唔好意思嘅，不過我嬲到呢本身想鬧佢㗎啦，但係我唯有我想唔出聲忍住就走咗。其實就算佢啲咖啡可能幾好都好，咁嘅銷售手法令到人哋點樣樣可以享受佢嘅咖啡呢？我有張單同埋當日落咁大雨嘅相片啊，如實報道。希望佢哋管理層睇到真係留意吓佢哋行政上面。
繼續閱讀
咁啱去完Glamping，一搵就見附近有呢間 CAFÉ，望落都幾CHILL舒服又多好評，就揀左呢間。雖然當日星期一閒日，但都幾多人，差唔多滿座。🍵Green Tea Latte $38★★★★☆有綠茶味道但唔算超級濃郁，飲落都幾順滑，加埋拉花都幾靚，唔錯嘅選擇。☕️Latte, Long Black, Dirty $48/$38★★★☆☆咁多杯入面Dirty係最出色，其他個2杯都麻麻地,個咖啡唔夠香同濃。🍰Japanese Mochi Matcha Roll Cake $48★★★☆☆呢個不過不失，抹茶味可以再加強，麻糬都OK加埋紅豆餡。如果入面個抹茶CREAM再多啲會更好再濕潤啲！🍰Homemade Basque Burnt Cheesecake $58★★☆☆☆呢個蛋糕好失望，芝士唔濃郁，一切已散開，食落口感亦好散，表面焦香感唔夠，奶香同芝士味都唔夠，入面仲好似有啲芝士未攪均勻咁，失望。🌟總括：普普通通，有啲失望，飲品還好，甜品唔好食。
繼續閱讀
星期六、日經過，一般也是座無虛席，日常行山客行完山，也會選擇在這裏坐下來休息。十分推薦大家在平日的時間探訪COHEE STUDIO，人流較少，相對地寧靜。 店面感覺上也是以文青風為主，有一種寧靜舒適的氛圍。適合喜歡打卡的朋友，也合適想停下來休憩放鬆心情的朋友，店員亦不會太打擾顧客。今天點了All day breakfast及最喜歡的Green tea latte 配有果仁。Green tea latter☕️（$38）顏色是漂亮的，但對於我來說味道淡了點，可以再濃厚一些。All day breakfast（$135）無可置疑擺盤十分美！有牛油果🥑、酸種麵包🥯、雞肉腸、巴馬火腿等等～
繼續閱讀
今日放假日子，走咗去錦田嘅Cafe度打躉，首先嗰度環境舒適，冇乜高樓大廈，有一種恬靜，慢活，世外桃源嘅感覺。入到去一陣濃濃嘅咖啡味，而且佢仲有好多唔同種類嘅咖啡沖法。新手人士表示學到好多嘢。而且嗰度嘅食物都唔錯。有時間可以喺嗰度消閑一下。
繼續閱讀
今早到訪，沒有太多人，原來一邊店有吧座，可下單，對面的店有舒服雅座。店子的裝修簡約素雅，很文青的感覺。煙鴨胸、牛油果、柚子醬Duck breast, avocado, yuzu sauce這煙鴨胸份量十足，而且鴨胸肉質柔嫩又juicy, 加上柚子醬的清新氣息，沒有太heavy 的感覺，滋味又好吃！牛油果十分軟滑，配上煙靱酸種麵包，十分滿足！煙三文魚，牛油果，忌廉芝士Smoke salmon , avocado, cream cheese這煙三文魚色澤鮮明，有光澤，不是平日cheap cheap 的貨色，加上忌廉芝士和牛油果，是不錯的配撘。Flat white 配上燕麥奶的奶白咖啡十分香滑，泡沫細密，加埋杏仁，突出咖啡nutty 的風味，不錯！怪不得常常有人排隊。
繼續閱讀