118
9
17
營業時間
星期一至日
12:00 - 00:00
公眾假期
12:00 - 23:45
公眾假期前夕
12:00 - 23:45
以上資料只供參考, 請與餐廳確認詳情
食家推介
今日突然想食蒸海鮮，所以就黎元朗試試蟹仙先！坐底無耐餐廳職員就送黎粥底既材料，有栗米、南瓜、排骨、珍珠米，睇黎個粥底會好甜我地就叫左個$398既套餐，深海龍躉片、翡翠九孔鮑魚、日本大元貝、泰國海中蝦、韓國慶南蠔呢個就係越南頂角膏蟹和澳洲青年龍蝦餐廳職員好好咁將海鮮放入蒸爐入面，佢地仲會幫手計時，確保海鮮既烹調時間無誤呢隻野生既琵琶龍蝦更加係我前所未見，肉質係非常鮮嫩彈牙，又多膏鮑魚就蒸到非常淋甜最後蒸哂所有野之後，個粥就有哂所有食材既精華啦
繼續閱讀
自從兩個月前係元朗食過間蒸氣海鮮，已經有很耐無再食，老婆在家亦都不會煮海鮮，所以只能外出幫襯。今次就揀了這間蟹仙，主要以海鮮蒸氣鍋為主，叫得蟹仙當然蟹才是主角。因為我們兩個都比較喜歡食硬身的蟹膏，所以就揀了越南頂角膏蟹，果然無揀錯，膏蟹裏面爆多蟹膏，入口啖啖蟹膏，有蛋王的甘香，而且很鮮。其他海鮮都是即叫即劏，十分新鮮，最好味的是蝦、元貝及龍躉，蝦肉結實彈牙；元貝蒸至剛熟，中間還帶點滑；而龍躉肉彈又鮮。最後品嚐南瓜排骨粥底，全部海鮮精華都流入了粥內，粥底又綿又鮮甜。店員還送上甜品椰汁燕窩，老婆至愛的養顏補品。
繼續閱讀
近年越嚟越興蒸氣粥底火鍋，今次嚟到元朗食一間蒸氣海鮮粥底火鍋！除咗元朗仲有其他分店。本身設定好晒有唔同嘅套餐俾我哋揀，唔同價錢可以揀嘅海鮮就唔同，當然價錢越高海鮮種類就越多啦！我同朋友揀咗個價錢中位嘅套餐就包左10款海鮮！店員會根據返季節時令，去介紹返當季最適合食嘅海鮮。一開始店員將啲米同埋湯擺喺個鍋底，再加埋排骨同埋南瓜做一個粥底，在喺上邊放個蒸架要來蒸海鮮！前菜炸魚皮🐟講起海鮮唔少得嘅當然係蟹啦蟹多數分為兩大類肉蟹同埋膏蟹！店員同我地推介左越南膏蟹，膏嘅份量果然唔少，無論係硬身嘅橙色高同埋啡色嘅軟膏都多到滯出嚟咁滯！蟹膏蟹肉都好鮮甜肉唔會太少！再嚟嘅係琵琶龍蝦店員話呢種龍蝦係比較少有平時介紹都好少會有得賣。每人有一隻切開左兩半啦，佢啲蝦肉好彈牙好爽口！另外仲有澳洲龍蝦、鮑魚、海蝦、聖子、蠔同埋龍躉片等等！全部都好新鮮肉質亦都好好，鮑魚唔會太韌！全程店員都會幫我地蒸，教好晒時間，坐喺度等食就可以！服務態度亦都好好有詳細同我地講解每種海鮮嘅食法！最後就到蔬菜拼盤，有生菜南瓜娃娃菜等等！然後店員就會為我地準備好個粥底，可以俾我哋選擇想食杰啲定係稀啲。海鮮嘅精華流晒落去個粥底度，亦都有啲蟹膏跌咗落去！成餐飯嘅重點就係個粥底，個粥底好鮮甜好香，令到人食完一碗再一碗！最後配埋一個凍冰冰嘅雪耳木瓜糖水，唔會太甜，好滋潤！下次想再嚟試吓其他套餐！
繼續閱讀
之前朋友介紹，昨晚終於有空同太太拍拖二人去試試，上openrice訂了位，服務員即場介紹每款套餐的分別非常清晰，最終選了現時優惠$999套餐，每樣海鮮都非常新鮮，由其是隻蟹，太太一向好喜歡食蟹，她食完也讚不絕口，蟹膏非常肥味好好味，龍蝦刺身同每人半份熟龍蝦蒸出來的時間剛剛好，肉汁還鎖在肉裡面一咬落去正到無法形容，鮑魚非常彈牙，蠔也好juicy外汁，最後還食埋鋪滿所有海鮮精華的粥底加埋蔥花菜甫，真是飽到反肚歸家，下次會再食
繼續閱讀
近來體重直線飆升，所以每日都去做瑜伽減肥，亦都開始減食，經過一番努力都略有成績，所以為了獎勵自己，去了元朗這間蒸氣海鮮店食餐好既。餐廳有幾款海鮮套餐，我們就揀了個中價的$398餐，有十款海鮮及蔬菜。店員先放入南瓜粟米排骨粥的材料，之後就開始蒸海鮮。越南頂角膏蟹上枱還動，整隻都充滿蟹膏，極鮮且甘香。龍蝦刺身味道鮮甜，肉質爽口。澳洲青年龍蝦肉質爽彈有咬口，但略欠鮮甜。翡翠九孔鮑魚比較一般，有點腥味。泰國海中蝦新鮮彈牙。越南貴妃蚌新鮮，時間蒸得剛好，所以脆口。韓國慶南蠔鮮甜有蠔肉咸味。深海龍躉片魚皮彈牙，魚肉雪白嫩滑。還有蔬菜籃，有粟米、南瓜及菜。粥底因為加了龍蝦頭一起煲，令其更鮮甜，絕對是整餐的精華所在。最後還送上椰汁官燕做甜品。
繼續閱讀