45
4
0
營業時間
今日營業
08:30 - 02:30
星期一至日
08:30 - 02:30
以上資料只供參考, 請與餐廳確認詳情
經過見呢間潮州粉麵都幾乾淨企理 價錢街坊價🍜又多選擇 就同媽咪入左去試下 味道唔錯招牌崩沙牛腩 拼 雲吞米粉牛腩炆得軟淋入味 肉質軟嫩 肥瘦參半 但又唔會太嚡太霉 牛味濃郁 原來係慢煮 唔怪之得係招牌😏推介雲吞入面有大大粒嘅蝦肉 彈牙鮮甜 皮薄餡靚淨水餃 拼 貢丸水餃比雲吞更大粒 一粒有兩三隻蝦 又唔會一咬就掉哂啲肉餡出嚟 包得好好👍貢丸好好味 非常彈牙多汁 豬肉味好濃😎鍾意食丸嘅朋友一定唔好錯過紫菜湯鹹鹹地 清清地又暖胃🍲好早已經開門 平日仲有早餐食 價錢更抵🫶🏻
繼續閱讀
去完yoho 行街之後，今次就黎到依間餐廳食晚飯，主要原因係因為見到佢哋嘅嘢食平靚正，好抵食，咁就入黎試下，套餐包埋飯同埋湯👍👍⭐️紫菜湯個餐附送一碗紫菜湯，湯非常之清甜，食飯前飲一飲，更加開胃⭐️通菜 + 生菜餐只要加$12就可以有一款時菜，菜非常之鮮甜，識落就知好新鮮⭐️五香牛筋飯牛筋非常爽口彈牙，而且好入味，而且佢嗰啲五香汁，撈埋飯嚟食更加一流，令到整體嘅層次更加提升⭐️東坡肉飯除咗味道之外，呢間舖頭最值得一讚嘅就係份量多，唔只飯，連餸都係，而東坡肉肉質夠淋，而且肥瘦適中👍⭐️特飲： 凍檸賓 & 椰子冰只要加$12 ，就可以有一杯特飲，令到成個餐更加豐富，食完好滿足📍富興潮州粉麵 (元朗)📍元朗又新街33號怡豐大廈地下9號舖
繼續閱讀
元朗食肆林立，又新街為其中一處旺地，今天再到甚受街坊歡迎的富興，食港式小菜。餐廳環境光猛整潔，食客多是附近街坊，跟伙計談笑甚歡，氣氛融洽。先來兩客抵食油菜，菜芯加腩汁，麵檔經典。腐乳通菜，爽脆鮮嫩，腐乳開胃。薑蔥油霸王雞份量超多，雞肉鮮嫩彈牙。配上大量薑蔥油，格外醒神。東坡肉套餐，白飯大大碟，男士恩物。東坡肉肥瘦適中，醬汁浸醃份外惹味，送飯一流。套餐更附紫菜湯，清新醒胃。港式飲品，冷熱檸茶，恆久的最愛。
繼續閱讀
今日大陸返元朗已經幾夜，所以簡單搵粉麵最快又新街附近都有一兩間，選擇哩間因為近大馬路，哈哈。以潮州粉麵鋪來講，—舖頭吾大，但算乾淨整齊。—禮貌一般—分量比較大。—味道過咸。本來叫崩沙腩話無，好失望。牛根腩粗麵($49)2分— 湯同腩根都好咸— 牛根過淋，無咬口—麵估計吾系生麵，無咬口—唯一分量系非常夠牛丸米($39)4分—牛丸合格，咬開有汁，彈口一般—米粉正常腐乳通菜($12)3分— 腐乳分量十足，帶小辣—菜太淋，以為吾系食緊其他菜—$12有咁分量，OK啦———
繼續閱讀
魚蛋湯河粉。以柔滑的河粉為基底，搭配豐富的魚蛋和清澈的湯汁。河粉煮得恰到好處，保持了彈牙的口感，讓人一口接一口。魚蛋則是彈性十足，散發出淡淡的海鮮風味，與湯汁相得益彰。湯汁清爽鮮美，以高湯熬煮而成，帶有微微的甜味和鮮味，讓整道菜更加添香。牛雜撈粗麵。這道菜以彈牙的粗麵為基底，搭配豐富的牛雜和香濃的醬汁。粗麵煮得有嚼勁，帶有微微的彈性，與牛雜完美融合。牛雜則是鮮嫩多汁，口感豐富，每一口都能感受到牛肉的鮮香。醬汁濃郁香濃，融合了各種調味料的風味，為整道菜增添了層次感。
繼續閱讀