12
2
1
以上資料只供參考, 請與餐廳確認詳情
夜晚同女友行下尖沙咀，行到7點左右就搵野食，咁岩我就想食串燒，就拉女友慢慢行去佐敦度食去到睇餐紙，嗰時我就肚餓餓地，想加個烏冬或者飯，可惜佢地夜晚冇飯麵賣，如果有就好啦。大約叫左十幾串，都係叫返啲普通串燒。其中有2樣必叫既就係燒茄子同埋燒雞翼，另外女友鍾意食扇貝，就叫左個蒜蓉扇貝。唔知係我地粗心定佢地本身冇，燒既都係唔辣既，食物黎到就問佢地要啲辣粉，好處係唔食得辣既或只可食小小既咪自己加，唔好既咪覺得連辣一齊燒會惹味啲。燒原條茄子真係好食，蒜蓉幾多，皮又冇爛，成條清得好乾淨。雞翼味道ok，個人覺得幾ok。另外叫左2款牛，蒙古牛既味道一般，肉太瘦。極品一口牛就肥瘦適中，真係好食，不過價錢都貴過普通既蒙古牛一倍😅😅值唔值見人見智啦，反正我叫一串食就算。司華力腸夠大條，又熱又入味，大啖咬落去個滿足感真係正蒜蓉扇貝感覺有啲乾，我食一粒就夠，其他等女友清哂😝😝😝有款叫千層肉汁燒，其實係豬腩肉黎，呢串好多肥膏，燒出黎好濕潤，對我呢啲肥佬黎講，肥-並唔係問題，最緊要味道一流👍👍👍🤣🤣佢地係預左一個放左牛油紙既盤，啲野食到會放落個盤上面，同埋環境又大啲啲，個人感覺係乾淨啲。
繼續閱讀
佐敦油麻地實為小店美食天堂，好多店都好吸引好正今次夜晚黎食滿串，主打「自家製」，自家醃料、自家菜式、自家醬料，款式好多店內小店工業風，幾襯做小店，啤酒多選擇，1664 tower都有但南妹細枝裝平到抵抗不了第一碟上枱，用個大碟放幾寸一齊上好正雞泡魚干實在係我食串燒必食，雖然唔係度度有，但送酒同間住間住食最啱勞蘇食推介 —— 岩燒極品一口牛以為普通燒牛，一入口，肉汁爆炸，牛既油脂好夠好出一食就知靚牛，而且燒功一流，肉質滑，又香又好味，食到合埋眼秘製西班牙豬汁燒，食落有少少似雞肉，正正常常，冬菇反而個汁仲出爆漿海鮮丸真係好爆，唔使咬淨係拎支籤出嚟已經爆汁係沙律醬海鮮丸，好味，食埋燒魷魚鬚，份量好夠，相當香，食魷魚鬚唔會太膩第二輪黎lu自家製鮮墨魚棒棒，好似食燒既墨魚滑咁，彈牙而香濃，加埋醬汁食惹味煙肉蟹柳卷，特別既口感，外面燒香脆煙肉，入面腍腍既蟹柳，個人黎講幾中意千層肉汁燒，口感似豬頸肉，好食到自家醃製同自家醬汁既風味紐牛蒙古燒，基本上就係超多孜然粉既燒法，肉有少少乾，雞柳蒙古燒都係差唔多，但個人覺得雞肉夾啲自家製鮮蝦棒棒，比墨魚棒棒正，好似食「蝦柳」咁圓滿雞，賣相幾得意，比一般燒雞串更有啖啖肉既好味豬仔脾汁燒，用手揸住一咬，爆汁嫩滑，味道好好，食法風味一流勞蘇食再推介 —— 8吋海虎蝦汁燒未上枱已聞到好香，大大碟全隻蝦俾晒你，超正燒法必讚，可以食到蝦膏蝦頭，又香又濃8吋虎蝦童叟無欺，絶對唔係平時個啲一串過就話大虎蝦，蝦肉彈牙絶對新鮮，汁好味但唔搶鮮蝦味，太正喇最後食個菠板糖當甜品作結，好豐富滿足既一餐，完全食到自家風味而超讚燒法同配搭都有自己一套而好好味淨係隻蝦都見功架，有心機必然返食
繼續閱讀
食物煮理美味依然，之前侍應係位好cheerful同醒目嘅哥哥仔，而家竟然換左位唔帶口罩、同無表情嘅女士做侍應。好間接提左佢，佢嘅反應就係“冇反應”。仲記得上次去，舖頭壞左一部冷氣，哥哥仔都好落力為客人張羅，入去一定要寫紙仔或嘟安心出行(但女士侍應係乜嘢都不理)。我哋食到大汗疊細汗，依然會繼續幫襯。食物質素重要、店員店舖嘅衛生同態度，都極為重要。搞到我哋開始商量還會不會有下一次。真是無奈！好的食店要有好的食材、好的廚師、還有好的夥計。
繼續閱讀
深宵總是餓😙😙同屋企人都想食啲香口野，foodpanda 叫啲串燒食吓。之前都有叫過另一間串燒，不過漏單情況比較嚴重，所以今次第一次試吓呢一間。首先最重要冇錯漏👏🏻👏🏻而且包裝都唔錯，仲用錫紙保溫，比較細心，值得一讚。味道方面都唔錯，仲有三四個唔同嘅醬料配送。就算唔點醬料，都好香口好好食。唯一美中不足係冇得選擇辣或者唔辣。一口牛同雞翼都唔辣，鮮冬菇同翠玉瓜莫名其妙就變咗辣，小朋友食唔到☹️
繼續閱讀
中午咁岩經過，見到門口個menu好似幾吸引所以同朋友決定入去食。點左佢個岩鹽牛燒牛仔骨飯，啲飯好食，唔會太硬或者太痴，但係個牛仔骨就麻麻，其實調味幾好，但個牛太硬了，好難咬開
繼續閱讀