45
23
9
| 餐廳: | 仙跡岩 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
特色
飲o野傾計
營業時間
今日營業
11:00 - 21:00
星期一至六
11:00 - 21:00
星期日
全日休息
公眾假期
11:00 - 21:00
公眾假期前夕
11:00 - 21:00
以上資料只供參考, 請與餐廳確認詳情
招牌菜
食家推介
今日嚟到佐敦一間小編細個成日會去食嘅餐廳。當然我以前就唔係嚟佐敦咁遠，記得以前元朗有個商場叫新元朗中心入面都有一間仙跡岩，久唔久就會同屋企人去食個多士飲杯珍珠奶茶。嗰時候嘅台式手搖飲品仲未好盛行，珍珠奶茶對我哋嚟講係一個甜品級嘅存在。➡️豬頸肉滷肉飯$55 必須講第一眼睇落去佢係幾大碗，份量都充足，覺得係幾抵食嘅。不過佢嘅外觀就唔算好吸引，有啲似小編以前中學會食嘅學生餐…🤣滷肉嘅味道偏甜，冇乜滷水嘅香料味，而且佢嘅滷肉偏乾瘦。豬頸肉調味都係差唔多，不過好奇怪嘅係豬頸肉非常之淋，冇乜爽口彈性嘅感覺，非常奇怪，最後都講一講飯底偏濕同爛，小編唔多喜歡。味道🐽🐽➡️大塊雞（半份）（+$19）佢都係用台式嘅炸法，食落都幾脆口，不過中間嘅雞肉就比較薄，而且佢嘅調味粉唔夠均勻，有時有一大炸，有時有完全冇味。😟味道🐽🐽🐽➡️雙拼吐司 $24望落去佢係比以前細份左（定個人大份咗？😅），而且有一個幾嚴重嘅問題，就係我哋叫咗兩份，第一份明顯烘得唔夠，可能係焗爐未預熱好嘅關係，所以第一份唔似多士，只係一個厚方包，第二份烘嘅程度就明顯好好多！☹️至於味道，我哋試咗花生、椰香、蜜糖同草莓醬。花生蜜糖同草莓味道都正正常常。唯獨是小編一直好掛住嘅椰香，好似同我記憶中已經有啲唔同、佢而家係有種椰子糖嘅味道，定係我口味唔同咗？😅味道🐽🐽🐽➡️台式飲品半價加配➡️苿香珍珠 呢杯飲品算係成餐，最符合我記憶嘅一個。佢嘅茉香奶茶完全就係經典嘅味道，茉莉花香配上奶精，冇乜茶味，同細個嘅時候一樣！🥹至於珍珠比較軟腍，我都接受得到嘅。
繼續閱讀
記得有youtuber拍過啲回憶系列嘅影片，其中一間就係仙跡岩👣。⠀以前細個都中意去仙跡岩食嘢，滷肉飯🍛、麵線🍜、珍珠奶茶🧋，為咗一探究竟仲係咪以前嗰陣味，我就嗌咗豬頸肉闊條拉麵$42(轉麵線+$4)同凍茉香珍珠奶茶(原價$30，點粉麵飯可半價$15)。湯底偏淡、不過都食到有啲蒜味，豬頸肉唔錯唔會好鹹，配麵線味道適中，另外有幾片椰菜點綴🥬。⠀碗麵嘅份量算少，如果唔嗌飲品應該女士們未必夠飽😅，不過都唔太追求味道嘅質素啦，話晒都係香港嘅台灣料理鼻祖🤣，食個回憶咁啦🤣。
繼續閱讀
童年回憶既仙跡岩，全港得返四間分店🤣對上一次食應該係接近10年前。今次返去食返個回憶先。佐敦呢間分店都幾多卡位坐，幾啱朋友仔上嚟傾偈聚會🙌🏻和風吉列豬扒湯烏冬🍲大大嚿豬扒，炸到吉列皮好脆，豬扒都鬆軟，好不錯！呢隻烏冬食落都彈牙，配埋甜甜地豬骨湯，幾滿意的。花枝招展(炸花枝丸，蕃茄魚鮮濃湯拉麵)🍜花枝丸切開一半有兩粒🤣即係加埋得一粒。雖然食落幾香口幾好食，但得一粒有啲失望。而個拉麵本身以為係港式拉麵嗰種，點知似係好腍身嘅上海麵。個麵同湯都偏向淡味，不推介。小食-脆豆腐另外嗌左四件脆豆腐，外皮太厚，雖然豆腐嫩滑，但係都係冇咩味🤣飲品-夢幻雪香，香芋珍珠🧋兩杯嘢飲都OK ，吾會過甜或者過淡，珍珠都煮得啱啱好👍🏻
繼續閱讀
跳入仙跡岩這個「時光機」，就算日頭差點晒化，都仲留住當年嘅美味。先說小兵哥牛肉麵，牛肉片香濃有嚼勁，好得意，湯底過癮，每一啖都帶點鄉愁味道；面線吸晒湯汁，入口即化，讓人罌粟。叫埋場台風大塊雞，咬落去，肉質嫩滑，那種「脆皮軟心」，真係正啊！再點返杯芋頭珍珠奶茶，一啖珍珠嘢已經嘆為觀止，淡淡芋香，甜到剛剛好。諗起三牛麵嗰份酸甜滋味，配上啖啖牛肉嘅滿足，真系揾番童年記憶。飯桌對面嘅司機朋友話，佢個豬軟骨滷肉飯都係滿分表現，佢話滷得滑口唔油膩，個人特別推薦。脆豆腐外脆內軟，完美示範咩叫「外剛內柔」；隔離枱嘅嘉賓正享受佢哋啲花枝丸，香脆唔膩口，驚喜萬分啊👏🏼。不得不講，杯裝胚芽珍珠，增加咗啲獨家特色。彷彿一秒鐘，又返到曾經嘅好時光；每一次啖啖食，心頭都暖笠笠。這裡，唔單止係食客間嘅「味蕾對談」，更係一場時光嘅盛宴。仙跡岩，你話老土？唔，呢度就係記憶中嗰碟味道。🍜🥤🌟
繼續閱讀
話說呢間餐廳送餐嘅速度就真係非常之慢，係可以推咗佢三次都叫我等吓，重點就係遲過我入座嘅客人都已經有嘢食啦，身為一個趕住返學校嘅學生，真心差啲俾佢搞到遲到到佢俾嘢食我嘅時候已經差15分鐘就夠鐘上堂，等咗成半個鐘，仲要用鯨吞嘅技術先可以快速將食物食完，順利趕回學校，我頂。我同我嘅朋友應該以後都唔會再幫襯呢間餐廳喇
繼續閱讀