食住上 (已結業)

午餐在九龍灣商業區越來越難搵食, 即使是往日人跡旱至的九龍灣展貿中心, 現在都變成食肆多多, 人也自然多多.食街前段的店到1點時間都是人滿之患, 我們只好一直走入去, 終找到”食住上”,位置不多, 但尚算是舒適, 因為位置較後, 冷氣不足, 他們還是加多把風扇先可以頂得住.N 要的是“港川雞絲酸辣粉”, 點的是小辣, 所以左上角的辣醬只有那麼一丁點, 原來這醬真的辣, 不要小看.  而敗筆之處是雞絲, 真的很”鞋” 很乾, 改成雞柳可能會好吃很多.HK$45 配上豆漿及前菜, 在九龍灣區內算是不錯的選擇.

第一次試食住上， lunch time時間見到都好多人食所以一於試下啦， 叫咗一個醉蛋肥牛拉麵 & 港川雞絲酸辣粉， 再配兩杯凍豆漿 ( 跟餐 )首先講醉蛋肥牛拉麵， 隻蛋就普普通通冇乜特別，牛肉比較硬身， 湯底亦都冇乜味， 唯獨是拉麵做得都ok！ 至於港川雞絲酸辣粉就真係麻麻地啦， 佢個酸辣湯底基本上係佢碗麵上面嗰一pat辣醬， 所以其實應該係辣醬湯底， 雞絲 真係好硬同埋鞋口， 成個餐最好嘅都係兩杯凍豆漿， 味道唔錯亦飲得出冇溝水。

午市時候，四圍都咁多人，今日行遠小小，唔去茶餐廳，轉下新口味。係九展都好多選擇，行個圈決定好就搵位，可能係星期一都算易揾位。今日暖翻，食麻醬涼麵已好夾，再跟小辣紅油抄手，又有小吃，又有豆漿，好豐富。而同事叫了蒜泥白肉跟白飯，佢話都幾好。

九龍灣展覽貿易中心一字樓的Very Food 食街最近多開了幾間食店，前幾天中午巡視了一遍，選了這間港川味道的小店“食住上“。店子是半自助形式，選好了吃什麼，便到近門口的收銀處訂餐和付費。然後，便拿著收據找個座位坐下，將收據放在枱上等店員把餐送來。午餐的選擇不少，有不同的飯餐和麵餐，可辣可不辣，照顧了吃不了辣的顧客。店子有不設堂食的“特價外賣午餐“$35一個，價錢較招牌午餐便宜很大，相當吸引。店員送來了我點的食住上口水雞飯餐（小辣），跟餐有一杯凍豆漿。這口水雞的樣子跟我吃過的有點不一樣，一般口水雞的醬汁都紅紅的，不會只見橙色的辣油，可能港川味道是這樣混的吧。口水雞的風味應具有麻辣、鮮香、嫩爽的特點。可惜，全都沒有！只是一碟帶點辣的冷盤雞！定價$64元，真不值！