港鐵九龍灣站 B 出口, 步行約9分鐘
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
食家推介
【Pizza Hut 外賣🍕🤤】呢排真係好鍾意食煎炸嘢 唔知點解覺得好耐冇食Pizza就叫咗個Pizza Hut*自食組盒：夏威夷風光迷你必勝批🍕$79呢個組合好抵食 適合一人食 唔會覺得太少又唔會覺得太飽 有一個迷你Pizza再加小食🍗同嘢飲🥤-夏威夷風光迷你批（鬆厚批)🍕真係夠鬆厚（我叫咗鬆厚批 大家可以根據自己需求揀唔同嘅批底）咬落煙煙韌韌 又好有飽腹感 同埋有我好鍾意食嘅菠蘿🍍火腿同芝士 🧀-美式烧烤醬雞翼🍗 3件 呢個好食 陪埋美式燒烤醬 酸酸甜甜 好似喺外國食嘅雞翼咁🇺🇸-百事（罐裝）百事可樂係甜啲比較起可口 但係真係好飲（如果送Pizza嘅話）*辣味雞翼 🍗 $85/8隻呢個好食啊 不過有啲肥膩送到黎嘅時候 有啲油都出晒嚟 可能時間耐左唔夠熱 可以自己叮熱返 但咬落嘅時候真係好好食 其實唔係好辣 個人感覺算係微辣（適合想食辣又怕太辣嘅朋友）相信如果熱d嘅話會仲好食
繼續閱讀
平日下午找個地方食野經濟又舒服，朋友提議Pizza Hut 因為經濟又多選擇，另外店員服務態度好好👍🏻值得讚許👍🏻講到下午茶選擇真係好多，雖然食物不是什麼特別但一定啱晒每個人口味！經濟嘅選擇😉 叫咗兩個迷你批+包小食+包一碗忌廉湯 📍夏威夷迷你批+迷你腸+薯格🍕$69 叫左厚批係好煙韌，幾有口感 好有咬口🤣個Pizza真係有啲邪惡，烤到邊位好脆口仲有滿滿嘅芝士🧀仲有我最鍾意嘅菠蘿🍍一定要趁熱食咗先，凍左冇咁好食啦呢個價錢真係超平，不過係下午茶餐先有小食就普普通通，另外有個忌廉湯好濃郁 另外 至尊迷你批套餐 $55🍕迷你Pizza一個人食的話，份量都算多～呢個價錢都算抵食，整體唔錯，可以再食🤩
繼續閱讀
因有pizza hut points 準備到期俾機會食下 久遺的pizza hut la用左 120分 換左個 「意式風情 厚批 （普通size=6pcs)」睇落正正常常 無乜異常咁 食落 都幾 麵包下 眼見 料好少 好孤寒下架菠蘿得幾舊 俾多個近鏡大家睇下 用左80分換左個 葡汁雞皇局飯好快就凍 汁好岩岩好 飯就 痴埋一舊舊 當年 重係 Amy&Tommy既廣告時最好味必定係 白汁雞皇 焗飯無左好耐lu必叫 一定係佢 食先 個口臭足2日既 蒜蓉包啲蒜蓉只搽左一半少少hea~一如既往 依個包 不及我自己用氣炸好食而家重要 $43條諗返都覺得自己蠢左買嘉頓個條 再加樽醬 都唔洗咁貴 我地重要買2條 呀 好蠢豬呀 唔買又唔可以換分喎搞笑算啦都食左 落埋隔啦總括來說 都是 好一般啦
繼續閱讀
今日突然好想食pizza，特別係pizza hut嘅芝心批，一於就叫嚟食，叫咗至尊批。嚟到好足料上面有好多菠蘿同肉粒，上面有滿滿番茄醬，同我最愛嘅芝心，一如既往咁熱辣辣，可以拉絲，估唔到屋邨商場呢間pizza hut質素都咁好，外賣送到嚟都保持好暖同埋pizza都唔會話有移位嘅情況，睇嚟我可以食多幾次lu。
繼續閱讀
之前睇報道話Pizza Hut推出經典沙律吧，為期40日，只有指定分店先至有。今晚經過淘大花園，屬於指定分店其中一間，於是就唔理咁多立即去懷舊一下。除咗沙律吧之外，我哋仲叫咗白松露野菌烤雞迷你pizza ，吞拿魚配肉腸長通粉 ，仲有用積分換左一客雞翼。可惜沙律吧嘅配料冇以前咁多選擇，呢方便係有少少失望。餐湯方面，我每次都會叫蘑菇湯，呢個湯好多蘑菇，我好鍾意。呢四隻就係用積分換嘅雞翼，今次就好似細隻咗少少。白松露野菌烤雞迷你pizza，裡面用料唔多，同食麵包冇分別，都係有啲失望。吞拿魚配肉腸長通粉總算OK，另外叫咗兩杯凍檸茶，就完咗今晚嘅晚餐。
繼續閱讀