13
18
4
營業時間
星期一至日
11:00 - 23:00
公眾假期
全日休息
公眾假期前夕
11:00 - 23:00
以上資料只供參考, 請與餐廳確認詳情
食家推介
食羊肉餃 呢一區一向多野食 餃子專門店最特別係用羊肉做餃子一向少食羊估唔到可以用黎做餃子 水餃好飽滿 皮薄餡足夠，上菜已經有一陣茴香香草味 入面既肉餡鮮甜多肉茴香味道係口中入面慢慢散出黎,有種回甘既味道 食完好暖胃另外可以配湯麵或炒麵 ,炒麵係豉油皇炒麵,大大碟又炒得夠香夠獲氣另外仲有小食可以選係滷豬腳筋 食佢脆同爽既口感,浸得夠入味仲好香酒味整體上唔錯九龍城獅子石道11地下評分7/10平均消費$80
繼續閱讀
之前見到有素友介紹過呢一間九龍城嘅話華園餃子店，於是去開九龍城，特登去試吓。而且都搵咗一陣先見到。去到冇乜人，考慮咗一陣，都係入咗去坐低。佢餐牌上面都有幾款素食，但由於我唔係好肚餓，所以就只係叫咗佢個素餃麵食。碗麵嚟到，首先個湯好唔掂，餃子餡料偏少，而且好一般，冇乜特色。麵裡面嘅菜又硬⋯⋯真係好勉強先食完。服務態度都OK嘅，不過叫餃子店，起碼個餃子要掂吖。真係未必會再去了。早知去泰國素食個度食⋯⋯😔
繼續閱讀
帶小朋友去買外賣，本來想去地戊館買外賣,但門口太多人都唔太想入去。所以就帶小朋友去行前幾間舖去我至愛嘅餃子店買外賣。服務態度一流之外，食物水準極佳！ 小朋友都食到舔舔脷，千叮萬囑叫我一定要寫食評同埋比五粒星喎！😅😅😅蕃茄鮮肉餃，炸豬扒飯 ，麻醬撈麵全都好好味😋⋯⋯佢哋嘅服務態度每一次都係好好，所以幫襯都幫襯得開心啲！不過佢哋可能要印過貼門口啲相，有點退色，睇唔出嘢食嘅好味道，未必吸引到好多新客幫襯。
繼續閱讀
吾經過依條街，都吾會發現有一間餃子🥟店見到門口餐牌好多餃子，入左去試下店舖服務員好主動，落單親切有禮貌依間小以餃子同麵為主，餃子款式多到吾知簡邊款好🤣簡左推介既慈禧餃子慈禧餃子上枱有驚喜，餃子多汁食落帶點咸香😋而茴香餃子，食落吾錯、另一風味另一推薦黃金煎糕，入口煙韌有口感，小食必試至於擔擔麵無乜特別，除左擔擔麵小店仲有其它麵，包括公仔麵等依間小店小食、餃子款式多，進店餃子、小食必試🥢🥟留意係無套餐，以餐牌單點散叫為主
繼續閱讀
九龍城向來都多好西食，但呢排少左幾間出名舖頭揀🙁，所以今日就介紹返一間小店比大家頂住先！呢間既餃子真係好特別✨！除左普通既白菜、韮菜餃外，仲有羊肉餃同十三么餃。我就怕羊肉羶味，就試左茴香鮮肉餃！水餃雖然比一般細隻少少，大細可以接受，食落口味真好特別！先要讚佢，皮薄餡足夠，未食已經有一陣茴香既香草味！裡面既豬肉變成一粒肉丸咁，鮮甜又多肉汁！一咬落去，茴香既味道係嘴入面慢慢散開，好似係一種回甘既香草味咁，好似為豬肉增添左香濃味道！一兩啖一粒，配埋熱湯，食完個人暖哂！呢度既水餃可以揀10件水餃🥟或5件配湯麵。不過我建議大家可以揀10件水餃，因為麵為上海麵，唔太吸引，而湯底都比較淡，叫全部水餃似抵D!呢度既水餃味道真夠特別😋，食落味道都唔錯！ 另外，呢度仲有好多特色自創野食，有好多出面少見既味道，大家嚟九龍城不妨嚟試試！
繼續閱讀