299
6
5
港鐵宋皇臺站B3出口, 步行約3分鐘
繼續閱讀
電話號碼
26236693
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
食家推介
平時行過獅子石道路口位都留意到有間居酒屋，今日收工嚟食晚飯～ 全部都係吧枱位，可以一邊食嘢一邊睇住師傅製作壽司～ 秋刀魚刺身 $298估唔到秋刀魚除咗熱食仲可以做刺身，師傅好細心咁起晒骨，擺碟擺到好似葉咁好靚～ 火灸壽司盛盒 $138- 有七款壽司：三文魚、左口魚、油甘魚、帶子、赤蝦、鰻魚、原條星鰻，呢個價錢性價比幾高- 上碟嘅時候仲聞到火炙嘅香味，仲出緊煙- 三文魚同左口魚油脂豐富，食落去滿口魚油香- 帶子超厚身，肉質細嫩鮮甜- 赤蝦上面加咗蝦膏好香濃，蝦肉晶瑩剔透，爽口彈牙- 原條星鰻好長，加咗鰻魚汁燒得好香三色海膽丼 $238- 魚生丼鋪到滿滿，下面壽司飯都好多- 海膽海水味濃郁，冇腥味，好鮮甜creamy- 鮮蟹肉鮮甜，帶子厚肉鮮甜- 三文魚件件都厚身肥美，夠晒新鮮- 三文魚子卜卜脆，鹹香鮮味自家製鰻魚丼 $78鰻魚幾厚身，燒到好香， 肉質唔會好淋好肥，結實有咬口，配埋玉子燒最夾～辣味蔥吞拿魚腩卷 $78呢款比較特別，裏面包住香滑的吞拿魚腩蓉，配埋辣味沙律醬，少少辣好開胃～
繼續閱讀
因為易睇車，成日都會揸車落九龍城搵好野食，渡邊屋係其中一間我成日去、性價比極高嘅日式小店。 小店雖然位置唔多，大家都係坐壽司吧，但係我反而鍾意人少少，可以親密啲。朋友唔係太食得魚腥，揀咗火炙壽司盛盒，晚餐$138有7件新鮮壽司，肉質肥厚，味道鮮甜，真係贏晒！我就叫咗$168渡邊屋壽司盛盒，呢個食材質素向銅鑼灣絕對可以賣$388啦！食完唔夠喉，再加點三文魚海膽手卷、拖羅手卷同芝士鰻魚卷，拖羅肥美，入口即溶，今晚真係勁滿足！
繼續閱讀
今日就同朋友去咗渡邊屋呢間隱世嘅居酒屋, 餐廳雖然麻雀雖小, 但價錢親民, 仲選用左當季當造既海鮮北海道活北寄貝刺身肉質肥美厚實, 將青檸汁放喺刺身上,令北寄貝更加鮮甜爽脆數之子壽司 金黃色嘅外表, 原來係鯡魚魚卵, 係日本人過年時必食食物, 一啖食到滿滿嘅魚卵, 咬落爽口特上壽司盛盒超級豐富, 可以一次過食到9款唔同嘅壽司連卷物總共有12件, 所有壽司都係師傅即場係面前握, 即叫即整每款刺身都切得好厚身, 完美覆蓋壽司飯壽司飯握得啱啱好, 剛好配襯刺身嘅鮮味三文魚口感柔滑, 魚脂香濃; 油甘魚甘甜鮮味, 令口腔充斥魚油香氣海膽呈金黃色, 鮮甜幼滑黑松露甜蝦卷配搭創新, 甜蝦鮮甜, 再加少少黑松露, 令味道昇華, 卷物內配料亦好清新
繼續閱讀
小店只有少量座位供堂食, 可以叫外賣或預早訂位～ 食材由日本空運到港✈, 枱上亦有一塊牌寫上當日供應嘅時令刺身, 食物質素高, 夠晒新鮮！坐喺吧枱前用餐, 可以近距離睇住師傅製作壽司🍣, 感覺唔錯！🥢原條梭子魚刺身油分含量高, 外皮燒一燒逼出魚油, 肥美爽滑, 帶少少海水味, 可以沾上酸汁提升鮮味🍚霜燒魚生丼 魚生表面輕輕炙燒過, 入口有滿滿魚油香, 相當滋味😋！最愛火灸左口魚邊, 油脂豐富, 經過火炙之後, 魚油慢慢滲出, 重點係入口即溶！三文魚口感細緻, 好肥美; 帶子鮮味十足！🥢日本海膽魷魚刺身用魷魚卷住海膽, 紋甲魷魚爽口彈牙🦑, 海膽味道甘甜, 口感細膩, 成個組合創新又好夾！🍣數之子壽司、原條海鰻壽司壽司即叫即握, 數之子壽司就係用無加工嘅飛魚子配醋飯, 上面再加上木魚絲; 海鰻壽司就係使用星鰻, 係餐廳嘅招牌壽司之一！🍣北海道帶子沙律卷沙律卷上有好多蟹籽, 裏面係北海道帶子同沙律, 味道層次豐富！
繼續閱讀
渡邊屋是一家小型日式料理店，位於九龍城。店內裝潢簡樸，只有5個座位，繁忙時間都要等得比較耐，不過食物勝在有質素，又抵食。鯛魚白子：由於季節限定，唔係成日有供應，所以點都要試下。口感滑嫩，好creamy, 味道鮮美，沒有腥味刺身盛盒：包括三文魚、吞拿魚、劍魚、鯛魚等，新鮮美味，大大件刺身，肥美厚肉。本鮪赤身蔥吞拿魚腩丼：鮪魚赤身肥瘦相間，入口即化；蔥花魚腩油脂豐富，香氣四溢。再配埋半熟日本蛋，蛋汁超澎湃！黑松露甜蝦卷：甜蝦鮮甜，配上黑松露，味道更加濃郁。
繼續閱讀