25
9
13
以上資料只供參考, 請與餐廳確認詳情
食評 (50)
泰式炒金邊粉金邊粉炒得比較濕身 蝦唔爽唔彈牙又細隻 對蝦嘅味道比較失望 同埋整體份量唔算大 男仔食應該會唔夠飽整體味道不過不失啦海鮮冬陰功湯個湯底飲落係幾惹味幾辣 不過啲蝦又係令我好失望 又細隻味道又唔好 希望可以改善下啲蝦嘅質素🥲同埋碗湯都幾細碗 同朋友2個人唔夠食🥲馬拉盞炒通菜食得出係即刻炒所以熱辣辣好有鑊氣👍🏻味道唔錯👍🏻椰汁冰不過不失冇乜特別整體嚟講就係不過不失泰國菜 午餐時間食應該會抵啲 但晚餐時間食就唔建議 嘢食中環區嚟講唔算特別貴 人均食咗180 但嘢食份量偏少味道又普通
繼續閱讀
#一個人的浪漫耐唔使都會嚟呢間Tuk Tuk Thai 食晏通常都係一個人嘅時候因為呢度中午提供多款lunch set 價錢由$70+套餐包泰式沙律/湯、主食、飲品、甜品唔知點解Openrice 最近咁多負評蕉媽就覺得食物中規中矩餐廳係泰國人主理、侍應廚師廚師都係泰國人我比較喜歡食呢度嘅湯粉例如冬陰功海鮮河今次食泰式手撕雞濃湯河味道都幾好，成碗俾我清晒甜品仲有椰汁黑糯米，蕉媽大愛Tuk Tuk Thai (中環)中環嘉咸街30號地下
繼續閱讀
途經中環,想起好耐冇食泰國嘢,就去附近呢一間試下。行入門口好有泰國嘅氣氛,重貼曬泰國旅遊嘅相片,諗起好耐冇去bangkok真係心癢癢。Lunch set menu好抵食喎,有沙律或湯,主菜同dessert,仲有飲品㖭。咁就嗌個辣肉碎飯加煎蛋,前菜揀左沙律,飲品就嗌咗杯熱龍眼水。好快上左杯熱飲,同沙律一樣,不過不失。可惜肉碎飯就等咗好耐先上……唔知係咪廚房要等埋幾個order 至一齊先炒?! 終於上菜啦……嘩! 食落即刻消消氣喎,因為食到d肉碎係啱啱炒起,熱辣辣嗰隻,好好味呀! 食埋個dessert先, 係一件泰式椰汁糕之類, ooops竟然要用"好硬"去形容,係咪魚膠粉重手咗呢?完全唔合格。以呢個價錢,係中環黎講,呢個lunch緊緊合格。
繼續閱讀
之前都有食過呢間, 店內裝修好泰國地道FEEL，因為會見到泰王張相LUNCH SET 覺得好抵食6,70蚊左右已經有前菜、主食、飲品(凍飲唔洗加錢，而且可以揀泰式奶茶) & 甜品今日再一次黎食，前菜揀青木瓜沙律，辣辣地酸酸地好開胃，主食要咗冬陰功湯粉，因為上次見到隔離枱湯底飲晒，決定一試，首先飲咗淡湯，湯底好香辣辣地好惹味，食左舊蝦，好霉呀淋晒,口慼爛溶溶好差，十分失望飲品泰式奶茶，正常泰奶偏甜，可接受最後甜品係南瓜糖水$70左右有晒4樣野，原本真心覺得抵食，而且食完濃味野都唔會口渴，但可惜食物出品質素唔穩定，大打折扣。
繼續閱讀
我之前有陣時都會嚟呢間餐廳食午餐但係今次呢餐就令到我覺得好失望 首先 佢一個午餐呢就會有前菜 主食 嘢飲同埋包咗個甜品嘅前菜我就揀咗泰式沙律 酸酸辣辣咁好開胃 主食我就揀咗冬陰公湯粉 加杯凍檸茶咁個冬陰功湯河其實個湯底都唔錯嘅 幾惹味但係呢 入面啲蝦一擺落口就爛曬，好霉嗰個質地好核突 唔知點解今次啲蝦會係咁，係咪解凍過程出現咗問題呢？至於杯凍檸茶就好淡 茶底唔夠濃 睇顏色已經見到好淺色個甜品就正正常常啦 我以為係芒果西米露食落去原來係南瓜糖水嚟嘅 個味道都ok嘅 其實之前都嚟過呢間餐廳食過幾次午餐 都覺得唔錯 72蚊呢一個價錢嚟講 包咗四樣嘢 性價比其實都幾高但係今次個冬陰功湯粉就真係有待改善
繼續閱讀