60
11
1
港鐵上環站 E1 出口, 步行約8分鐘
繼續閱讀
開飯介紹
舒適的沙發卡座，開放式廚房、吧枱及餐廳中央的日式共膳餐桌；採用黑白雙色配以日式漫畫風格的手繪壁畫。特式時尚的格調配合一系列特色串燒，為保證對客人「食其鮮味」之承諾，串燒絕不加以醃製。主廚每季均會以時令之食材創作一系列和風料理，配以一系列日本清酒、手工啤酒及特色雞尾酒以滿足客人的要求。
繼續閱讀
營業時間
星期一至三
12:00 - 15:00
18:00 - 23:00
星期四至六
12:00 - 15:00
18:00 - 01:00
星期日
全日休息
公眾假期
12:00 - 15:00
18:00 - 23:00
以上資料只供參考, 請與餐廳確認詳情
食家推介
之前試過同朋友去同系既備長食lunch ，當時對佢評價已經好高。今次黎中環既另一條line ，水準令我更加意外地出色。佢主要多左更加酒款選擇呢個部份，當日介紹我飲既就係一個辣味為主題既cocktail ，辣味唔會太哽，主要以青檸同gin做base，咁所以唔會令杯酒變成一杯比較哽既酒款，比較男人味ｄ呢杯。人大左點都覺得要食番小小蔬菜打底先得，調味唔會太重，同佢地串燒既風格都差唔多，唔會話以醬汁搶過食材本身既味道，呢個係我鐘意既地方。入題先，先講牛脷。超級厚切，而且燒得依然好嫩。全晚串燒基本上我無食到一款會係特別乾身，除左炸雞皮要乾之外。咁講乾身啦，拎蔬菜類黎講就一定係最嚴謹，出黎結果當然係搵唔到位比我彈。問過佢地話用超過８００度既高溫黎燒，所以可以鎖住食材既水份，我後尾食果串鱔個皮脆到薯片咁之餘魚肉仲係爆汁，忍唔住問點燒先知呢d資訊，可惜既係話因為心機作唔一定日日上menu ，即係如果無靚鱔番就唔賣果d，串到...(但我鐘意)所以我無放相上黎lu，如果見到的話，必！點！所以粟米都係爆汁，呢款粟米勁甜！同樣地因為鎖住水份，芝士年糕唔會燒到乾哂身，仲拉到絲添如果如果你要我揀全晚最差，咁只好迫於無奈揀佢....咁煙肉好食極有限嘛，荔枝再甜平衡番煙肉既咸香味，呢個化學作用surprise有限，但荔枝爆汁呢點完全唔感到意外，以全晚水準黎計的話。呢串雞肉棒當時係備長食過，當時食過我已經覺得係必需翻食。呢邊都係用上一樣既材料，加入左雞軟骨落去混，所以食落好有口感。蝦蝦蝦蝦(((((((((爛GAG SOR~) 其實係雞皮包住隻虎蝦，略講雞皮先，燒得脆身而虎蝦唔會過分熟，蝦頭依然有蝦膏流出黎.，其實幾令我驚訝.]最後忍唔住ENCORE 一串雞皮作結，實在想像唔到點解可以燒得咁脆，我地用左起碼１５分鐘去等呢串野，因為食到尾先ENCORE所以有留意時間， Overall味道，因為都提過味道傾向輕輕調味，所以無辦法著筆太多，會食到偏向由鹽帶導既食材原味為主。要我比一個理由彈的話，晚市真係食串燒的話一分錢一分貨，係偏貴架啦，圍番每人都要$400呢餐，當然我唔係樣樣野post齊啦。所以只好間唔時豪一次，下次試呢邊lunch有咩唔同先得
繼續閱讀
飲酒嘅好伴侶當然唔少得串燒😛話說早排去咗上環呢間torimen食佢哋嘅日式串燒，一試真係驚為天人😛店內裝修比較年青化，一啲都唔似傳統嘅日式串燒店。真心講！我好耐冇食過咁有質素嘅串燒，無論佢哋嘅火候控制同食材嘅質素，我係話俾你聽絕對係高水準👍食串燒之前我哋點左一個沙律開開胃黑松露溫泉玉子沙律 HKD56新鮮嘅沙律菜，配上甜甜酸酸嘅沙律汁，另外在加上黑松露菌油同埋溫泉蛋增加佢嘅香味同濃郁度！食完真係令人胃口大開😚我重點左一杯佢哋特色嘅雞尾酒，佢用咗青辣椒+gin油做一個配搭，飲落比較辣，最後有少少嘅青檸嘅酸味，非常適合鍾意飲烈酒嘅朋友！Yuzu Dream-HKD98$食完前菜，梗係立即試吓佢哋嘅主打菜！串燒！當中最欣賞嘅有呢幾樣野！燒牛舌-HKD52$牛脷燒得好真係好難，外層燒得夠香，入面仍然保持多汁有水份，輕輕灑上鹽做調味，配上佢哋既芥末醬，兩個字！完美！荔枝豬肉卷併小蔥豚肉-HKD33$@1用慢火燒出五花肉嘅油脂，豬肉嘅香味滲透晒係入邊嘅細蔥同埋荔枝肉，一鹹一甜嘅配搭真係回味無窮👍🤦🏻♂️免治雞肉棒-HKD38$食串燒點可以少得免治雞肉棒，佢哋嘅雞肉棒全部都係自家製，入面仲有啲雞軟骨，增加口感。去相佢哋甜甜地嘅日式醬汁同蛋黃，食一串真係唔係好夠喉豚之大腸-HKD26$佢哋將啲豬大腸展開再串起來，然後用慢火燒到佢哋外層金黃色，再係佢哋上面掃上一層佢哋特製嘅醬油！呢個真係食完返唔到轉頭🤦🏻♂️外層已經燒到脆卜卜，但入邊仍然保留到大腸應有嘅口感，真心值得一試！燒白鱔-HKD68$聽講唔係成日都有，油脂分布超正，食落去啖啖肉，廚師亦都將所有魚骨去除，外習魚皮都燒得非常香脆，如果佢哋有貨一定要點來試吓！芝士年糕-HKD24$食完咁多嘅串燒同啤酒，最後食返個芝士年糕暖一暖胃，去一去酒氣，年糕外層輕微炭香，入邊有拉絲芝士😛夾埋紫菜一齊食，一流！
繼續閱讀
星期五放工，最岩就係約埋朋友飲下野！做得咁辛苦，當然要食好d！今次揀左中環呢間串燒店聚一聚！Yakult Dynamite呢杯由益力多整成嘅Cocktail岩哂我口味！益力多味都幾重，感覺健康！酒味不算太濃，岩哂女仔飲！黑松露溫泉玉子沙律食串燒前一定要點沙律食，會無咁油膩！不過最重要都係因為串燒製作需時，點個沙律食住先會開心啲！溫泉蛋撈埋菜食，蛋黃汁好香，菜又夠新鮮，連埋開胃伴汁，好食！明太子玉子燒玉子燒得好軟綿綿，中間有好多明太子，明太子嘅咸味令個玉子燒更加好食！ 牛舌厚切呢到嘅牛舌真係無得輸！燒到勁香口，咬落彈牙，中間就軟腍，口感一流！點埋旁邊嘅honey mustard 醬，又係另一番風味。紐西蘭羊扒 粉嫩多汁嘅羊扒，大大件，肉質嫩滑，值得一試！鵝肝多士外脆內軟，肥美嘅鵝肝令人愛不釋手，下次要每人點一件先得！燒鰻魚燒汁惹味，勁滑勁香，咬落啖啖肉勁juicy，鐘意食鰻魚嘅一定要點！芝士年糕年糕燒至煙un，一咬芝士就流出，芝士香十足！
繼續閱讀
打完風，又要繼續番工喇，不過好快又星期五喇，所以緊係要Happy下啦，所以就約埋朋友放工食野飲酒喇~呢間位於蘇豪嘅日西居酒屋，位置唔算太大，不過都坐得舒服嘅首先黎嘅緊係野飲啦，第一杯係Totally Passionate，而呢個雞尾酒仲有好強嘅表演欲添，係黃色嘅雞尾酒上面，漂浮住半個熱情果果皮，果皮上面仲插住咗一大串迷迭香，店員會用打火機燒著迷迭香，沾咗少少酒精嘅迷迭香可以燒好耐，而且仲有陣陣香草味，未飲已經先享受~ 而雞尾酒係用咗酸酸嘅熱情果汁，再加清酒同氊酒，飲落酒精味唔會太重，幾易飲口，有清新嘅熱情果，另伴隨淡淡迷迭香味另一杯係Yakult Dynamate，用大人細路都鍾意飲嘅益力多做底，再配上各款酒，其實加咗其他酒之後，就唔係覺有益力多味，味道偏甜，都係易入口嘅雞尾酒黎，而且仲用咗一枝益力多做裝飾，女士們一定幾鍾意呢個簡直係食日式串燒必嗌嘅菜式黎，餐廳自家新鮮製嘅免治雞肉棒，一啲都唔黏口，而且表面燒得焦焦嘅，可以食到火燒嘅炭香，隔離就配上生蛋黃同醬油，醬油偏鹹，可以叫餐廳落少啲醬油，但係免治雞肉同生蛋黃醬油係好食嘅第二同三個串燒係白鱔同厚切牛舌，鱔同鰻魚雖然係同一樣，但係不同在煮法，白鱔嘅魚皮燒得微脆，幾惹味，不過無咗鰻魚汁嘅幫助，味道有啲腥，而且白鱔無好似鰻魚咁將魚骨切碎，所以偶然有一兩條骨。另外厚切牛舌真係好正，雖然厚切，但係一啲都唔韌，仲帶點爽口，食落有濃郁嘅牛香同燒烤香第四道係廚師推介嘅海虎蝦雞皮卷，故名思義就係先將蝦殼剝開，再幫佢搵上另一件衫，就係薄薄嘅雞皮喇，雞皮燒香帶脆，雞油都滿佈蝦肉，蝦肉爽口彈牙，有雞油滋潤住，所以一啲都唔覺得乾，好惹味啊!!!第五道係芝士翠玉瓜，外型串得有啲似波板糖，表面被滿滿嘅芝士覆蓋住，咬落係微微爽口，中間嘅部份係軟身濕潤嘅，都可以清一清到味蕾最後係燒粟米，原條粟米一分為二，表面塗咗大量牛油，所以未食已經可以聞到濃郁嘅牛油香，食落真係重牛油香，而且仲食到粟米香，呢兩者配搭一齊係無可能唔好食嫁!!!
繼續閱讀
早前，同一班朋友黎到中環食飯，我地都係日食痴🇯🇵，所以就黎呢間居酒屋🥃，一入到去俾人感覺好Chill🌾，環境舒服，燈光幽暗，所以我適合一班人吹水傾計！💦以下兩碟都係廚師推介👨🏻🍳上圖: 明太子玉子燒🍳，我都會極力推介，可能我本是係玉子控，但廚師煮到啲蛋好嫩滑👍🏿加上中間夾雜住明太子，味道新鮮，想像不到原來咁夾！👍🏿下圖: 海虎蝦雞皮卷🍤，廚師將雞皮繞住海虎蝦一齊燒，幾特別👍🏿我本身對多春魚唔太喜好，但估唔到都幾易入口！以下呢碟，係我認為最好食😋將雞肉棒混上生蛋黃一齊食，簡直一流👍🏿荔枝豬肉卷，本人表示一般，感覺味道有啲格格不入。牛舌果然係厚切👅建議食一塊夠曬！但肉質嫩而不韌👍🏿梅酒易入口，較為香甜，適合女士們，配小食亦佳！呢個芝士年糕，一咬落去入面嘅芝士會滲曬入口中，好滿足👍🏿本人亦好推介呢款雞翼，廚師首先將明太子釀入雞翼入面先，之後再去燒，將兩種食材融為一體，味道有點辣，但可以接受！最後，呢碟炒飯比較普通，加上有點油膩。總結而言，呢間居酒屋都推介比大家可以同一班朋友或同事𣈱聚🍽🍴👍🏿
繼續閱讀