79
3
3
港鐵香港站 C 出口, 步行約10分鐘
繼續閱讀
營業時間
星期一至日
12:00 - 01:00
以上資料只供參考, 請與餐廳確認詳情
食家推介
之前上網見人地整smoked brisket，睇落好𣺉好多汁，好似好正咁，上網搵吓邊度有得賣，咁見呢間有類似嘅野賣就諗住試吓，就嗌咗個set A。個set 有1/4磅嘅beef brisket、1/4磅嘅pulled pork、兩塊炸酸瓜、薯仔沙律、芝士通心粉。個薯仔沙律同埋芝士通心粉都尚可以，但係個beef brisket 同埋個pulled pork 我真唔識欣賞，食落唔𣺉都算，仲要乾嘅，有啲食湯渣裏面嘅肉但係乾嘅。$175嚟講真係唔抵食。餐廳嘅環境、服務、衛生我就冇乜點留意，畢竟我係外賣自取。
繼續閱讀
新年唔去得旅行，拜左兩日年食蘿蔔糕食到口寡寡。出左街行下就上左中環蘇豪。 何蘭正冇左就行上幾步望下，見到 ROUNDHOUSE 有位又有啤酒飲，就同X先生入去坐陣。望一望個MENU，原來係食美式燒烤，係肉呀~ X先生負責揀野食，我就去左吧頭試啤酒。唔問唔知佢地買嘅多數係香港手工啤(有部分係美國﹑澳洲入口) ，18個頭，樣樣你想試，個shop manager 都俾你試一啖，試到岩飲為止。重點係佢唔係吹水，佢話ROUNDHOUSE 同本地酒廠 CARBON BREWS 係同一個GROUP, 一邊做手工啤，一邊做酒吧賣。佢係澳洲返嚟，識好多釀酒既野，佢仲講左D CARBOB BREWS 發蹟同出名既啤酒 (當中有位黃師傅，釀酒好勁呢) 。 咁當然要飲返一兩杯啦。新年流流佢地有款帶紅色嘅啤酒幾靚又好飲- SOUR PUNCH (係酸啤酒) , 我揀左俾自己飲，幫X先生揀左杯FEELS GOOD MAN (麥啤) ，佢飲左啖話易飲口，REAL FEELS GOOD! 食物方面唔好睇少間酒吧餐廳，傳統正宗德州BBQ，出餐快，份量足，好夠肉香味，未食都已經流哂口水 叫左個COMBO，有招牌 BEEF BRISKET 1/4, PULLED PORK 1/4, 搭FRIED PICKLES, COLESLAW, POTATO SALAD。X先生仲要多份MAC & CHEESE 填肚。 兩個人慢慢食都幾飽，但我又想食雞翼，點多左個BAFFALO WINGS ，辣辣地送啤酒一流。兩個人食到咁上下，好希望快D可以同多D朋友上嚟飲飲食食呀!
繼續閱讀
平時肥雞都好少去中環蘇豪區食晚飯， 咁今次呢間就約咗朋友去呢一間roundhouse taproom 食飯同好耐冇見嘅朋友聚一聚舊。嗰日去到呢其實夜晚唔係好多人可能受到呢一個嘅疫情嘅影響啦所以肥仔食多幾安心咁肥雞都好鍾意食煙燻bbq醬豬肋骨見餐牌上面有梗係試下啦， 咁佢嘅煙燻豬肋骨呢火喉捉得啱啱好而且份量好大對肥仔嚟講係屬於一個非常之抵食嘅選擇咁肥雞作嗌多咗個芝士煙肉薯條 佢啲芝士係可以拉絲嘅又係啱肥雞呢啲鍾意食煎炸嘢嘅人再嗌多個牛肉burger反而牛肉burger呢就相對地冇咁出色 但係肉味都幾濃
繼續閱讀
由於前排新冠肺炎疫情肆虐好耐都冇約人聚會趁近日疫情稍為緩和就約左一位朋友相聚, 順道慶祝埋佢生日我地選擇左呢間位於中環蘇豪嘅Roundhouse Taproom位處蘇豪一條小斜路上門面唔算顯眼入到去, 客人亦唔算多但就正好可以喺一個較清靜嘅環境下,同友人把酒談天相對冇其他酒吧咁熱鬧, 咁嘈雜食物方面, 我地點左一個甩burger Pork in buns, 醬汁非常惹味, 肉質鬆化, 配上洋蔥,青瓜等配菜, 口感豐富又不油膩,格外清爽。另外, 我地仲叫左份honey garlic口味嘅雞翼同埋一客homemade sausage, 口感同味道都不錯, 雞翼沒有雪藏味, 值得一試。甜品方面, 我地選擇左apple crumble配雪糕再加上一人一杯手工黑啤, 喺愉快嘅氣氛下完成左呢一餐。
繼續閱讀
呢間酒吧係斜路上面，行上來有d吃力，不過遠離左大街個邊，所以比較靜，來飲嘢傾計比較舒服。呢度主打招牌手工啤，我地揀左Deschutes Pacific wonderland pale Lager，係美國製嘅手工啤，酒精含量唔算高，聞落好香，味道都算易入口，但我個人就偏向鍾意水果味多嘅啤酒好多酒吧嘅食物一般都比較普通，但呢間酒吧嘅食物款式算多，非常美式地道，令我地好有驚喜。Combo ABeef briskets 係特別用美式煙燻爐以120度焗製，肉質非常軟腍，亦都好juicy，而Roasted chicken 外皮烤得好香，內裡嘅肉都好嫩滑！兩款肉嘅味道十分正，仲有三款醬料可以配搭，包括BBQ，Hot以及Mustard！！兩個side dish Potato Salad 、Coleslaws 係冷盤，potato salad好好食，Coleslaw就有d苦，但兩款都幾fresh，中和返肉嘅油膩。Big Boy BurgerBurger夾住好厚嘅香煎牛肉漢堡及芝士煙肉，肉汁非常多，味道雖然較為濃同鹹，但因為係飲住啤酒一齊食，所以會平衡返肉嘅鹹味。
繼續閱讀