145
3
0
港鐵上環站 A2 出口, 步行約5分鐘
繼續閱讀
電話號碼
57032870
營業時間
星期一至五
12:00 - 16:00
18:00 - 21:00
星期六
12:00 - 21:00
星期日
全日休息
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
招牌菜
食家推介
相關文章
短短一條歌賦街，其實收埋左好多美食。今次食既係Hunger Point。Hunger Point 係一間主打墨西哥傳統小食Taco既特色Fusion餐廳。餐廳門口比較窄，第一次去搵呢間餐廳嗰陣miss左個門口😅🙈，大家要抬高少少頭去望望門口上面既招牌就比較易搵。一入去，其實入面都唔細，鋪位門面窄d,但入面其實好深。但礙於空間，餐廳既坐位設置主要係兩邊兩排高椅，所以不適合d唔方便坐高椅既人士;排排坐咁亦不太適宜一大班人傾計。(不過礙於而家2人限聚令，暫時都無機會大班人一齊出去食飯架喇cry cry😢)餐廳裝修充滿玩味同型格，同佢行港式×墨西哥玩味Fusion食物既style好match。例如溶入港式味道既Taco,充滿玩味既雞蛋仔。睇過介紹，原來呢度老闆Jerry在開店之前曾經在中環置地文華東方酒店擔任了五年廚師，所以出品應該都有返咁上下質素，食物與用料亦相當講究。呢度既Taco餅皮，係用粟米粉加水搓成團狀，以人手於特製的器具中壓平，因為無用麵粉，所以每一塊也適合無麩質人士食用的!講返食物，1. 味噌三文魚rice bowl雖然碗飯唔大，但味道好豐富，配料好多元。除左三文魚，仲有牛油果醬(好味!)，蕃茄，菇，同溫泉蛋(正!)，加上特色既調味，每一啖都好豐富而又精彩和諧既味道。2. 十味豬腩肉tacoTaco可以揀soft or crispy.揀左crispy.果然又薄又脆!不過拍埋個rice bowl比較，taco既味道單調一點。而且略嫌要用手拎住食，又有少少呢hea。佢仲有weekend afternoon set提供，好似好吸引，下次來try try先!
繼續閱讀
一共345 for 2個人，有四個鹹點同五個甜點，因為依家係冬天本來有雪糕就變左雞仔。係鹹點方便佢地既煙三文魚三文治卷好好味，同蟹肉青瓜配薄荷啫喱都好特別最後喺雞蛋仔度我哋揀咗臘腸味，識落有啲鹹香又唔會覺得好唔啱，少少甜油有鹹香㗎嘛其實又幾特別得來又好食！
繼續閱讀
🐔Red bird taco rice bowl $78食材超級豐富 有墨西哥辣雞 生菜絲 牛油果醬 烤粟米蕃茄 芝士 酸忌廉 同埋玉米片 真係鋪滿咗成個碗飯上面加咗幾塊玉米片 不過因為飯嘅熱力令玉米片淋咗 而且上面唔知點解有啲好似油嘅物體 有啲扣分辣雞香料味好重帶啲辣 一開始覺得唔太辣但越食越辣好過癮上面嘅芝士估計係車打芝士混合巴瑪臣 用火槍燒到半溶好滋味 亦都拉到絲🤤🧀 旁邊嘅牛油果蓉同埋番茄莎莎好新鮮鮮甜飯量恰到好處 同朋友一人一個飯有飽足感又唔會太過🦐Hunger prawn taco rice bowl $88同樣係好多料 有辣蝦 烤粟米蕃茄 豆腐皮 豆芽 牛油果醬 同埋青瓜乳酪醬辣蝦比辣雞更惹味同埋辣🌶 蝦切到卷卷形好得意 而且爽口彈牙好好味我哋一致覺得呢個更出色
繼續閱讀
位於中環半山歌賦街嘅Hunger Point小英式嘅裝修、復古工廠嘅設計風配上少量藝術氣息濃厚嘅擺設懷舊嘅黑膠碟、巨型傳統衣夾…店舖地方唔大但係極具吸引力Afternoon tea 都係$348 兩位☕️分別有五款鹹點同五款甜點Savory-薯仔牛肉批-墨西哥蝦杯-煙三文魚三文治卷-15味豬肉脆酥-蟹肉青瓜配薄荷啫喱Sweets-英式鬆餅配奶油及果醬-迷你泡芙組合-馬卡龍-迷你檸檬林明頓-法式小糕點每位仲有一杯Drinks有唔同嘅花茶之外，都可以揀選啤酒🍻
繼續閱讀
一向鐘情試唔同國家嘅特式美食今次就黎試下墨西哥美食平日午餐時間黎見到有Taco Combo Set hkd88今次試咗牛肋肉Taco + 墨西哥辣雞肉Taco Rice如果唔想要飯可以轉沙律另外套餐會包一罐飲品我揀咗無糖烏龍茶左邊係牛肋肉Taco尺寸細細但餡料都豐富不過餅皮部份原來係軟身嘅食落唔會乾牛肋肉都幾稔！右邊就係墨西哥辣雞飯喇脆脆粟米片下面有牛油果醬同酸忌廉而粟米下面仲會有開胃嘅蕃茄粒粒醬依幾款醬配埋常温嘅飯口感都幾突別而且酸酸甜甜好開胃！辣雞粒食落都唔會太辣雖然食物份量睇落唔算好多但食完都幾飽㗎！餐牌上仲有唔同口味嘅雞蛋仔睇落都好吸引！我地點咗布朗尼朱古力雞蛋仔食落外皮都幾脆中間唔係淨係得空氣裡面係軟熟雞蛋仔餡而且每粒雞蛋仔裡面都有朱古力粒㗎！
繼續閱讀