影片
港鐵上環站 E3 出口, 步行約4分鐘
繼續閱讀
電話號碼
37002818
開飯介紹
又一是一間位於繁忙的中環區的日西餐廳，致力為顧客提供精美的食物，重視顧客的用餐體驗以及食物的質量。 餐牌上的食物都是由主廚精心挑選及設計，從輕食到正餐，總有適合的餐點供顧客選擇。大部份餐飲由餐廳團隊成員經過不斷調配及改良製作。 這是一個能夠與朋友共聚或是自己一個享受獨處時光的地方。
繼續閱讀
附加資料
有包場服務，可接納15至50人
營業時間
今日營業
11:00 - 21:00
星期一至五
11:00 - 21:00
星期六至日
11:00 - 20:30
以上資料只供參考, 請與餐廳確認詳情
有關獎賞計劃
影片
相片
安格斯牛小排韓式辣醬長通粉
原條鰻魚蛋包飯
+256
+58
食家推介
🍺🍝🍛舒適美味日系Cafe☑️紅酒燴牛肋條蛋包飯🍛 -$132蛋包飯做得好靚，蛋好滑，咖喱汁好有日式風味，濃香得黎吾辣，牛肋條煮得好淋，配料仲有紅蘿蔔、薯仔、沙律菜。☑️三文魚籽海膽忌廉意粉🍝 -$162呢個意粉雖然貴啲，但都算貴得有價值，因為都真係幾Creamy幾好食。上面有大量嘅三文魚籽，好新鮮，一咬爆汁，另外有一小件海膽。意粉份量足夠，煮得剛好，好掛汁，個忌廉汁嘅調味好正😋🆗脆炸七味雞軟骨 -$26(原價$52）雞軟骨份量唔少，新鮮炸起，幾脆口，但略嫌欠缺調味，唔係好覺有七味粉嘅味道，之後都點咗薯條嘅黑松露醬先食。☑️炸薯條配黑松露醬 -$24 （原價$48）黑松露醬比左好多，而且夠黑松露味，好味的。薯條粗身，新鮮炸好脆口同熱辣辣。☑️Asahi枝裝啤酒🍺 -$32呢個係Happy Hour套餐（3pm-7:30pm)，只要叫指定嘅飲品，小食就可以半價，所以都叫咗兩set。呢個係玻璃樽嘅支裝啤酒，另外都會再比隻杯倒出黎飲。☑️蛋糕套餐（1蛋糕+1飲品）-$45蛋糕有甜酸苦辣四種選擇，而我就選左「苦」嘅焙茶麻糬蛋糕脆脆，但其實一啲都唔苦，只係份量比想像中細，直徑大約係一個馬卡龍嘅大細。呢個蛋糕分咗三層，分別係底層嘅一塊脆餅、中間嘅雪芳蛋糕、同埋上面嘅cream。整體焙茶味都濃，作為飯後甜品都唔錯。而飲品就叫咗唔使加錢嘅熱奶茶，味道正常。
繼續閱讀
平時Lunch 同同事黎哩間cafe 食吉列豬扒蛋包飯，見到今日個Lunch Set Menu 有黑咖喱流心豬扒蛋包飯，雖然聽落黑咖喱好似好伏咁，問店員話係用黑朱古力熬製嘅咖喱，因為我好鍾意食芝士所以叫左黎試。 個餐黎到，哇個咖喱真係好黑，好驚中伏。 但係食落去又好夾，個咖喱會食到小小朱古力嘅味道，但係又唔會太搶個咖喱本身嘅味道，再配埋芝士炸豬扒同埋個蛋包飯個味道都好match。 有意外驚喜！ 而且芝士豬扒夠熱，芝士可以拉到小小絲。 Lunch Set 包餐飲，我叫左凍檸檬茶。
繼續閱讀
今日同朋友經過哩間餐廳，見到Lunch Set Menu 有意粉同蛋包飯就入左去試🤩Pasta 嘅選擇都好吸引，有鮮蝦牛油果忌廉意粉🥑鹹蛋黃卡邦尼意粉，都非常吸引🍝不過我最後就叫左安格斯牛小排韓式辣醬長通粉。 牛肉唔會太熟，仲見到係粉紅色💕咬落去都好冧。 個長通粉用左韓式辣醬黎炒，唔會太濕，長通粉都煮得啱啱好，配埋芝士都好夾，但係都幾辣🥵如果鍾意食辣值得一試，唔食得辣就唔係好推薦🫣
繼續閱讀
今日放工同朋友經過見到門口寫住星期一晚做緊蛋包飯買一送一就入左哩間試吓。 入到黎環境舒適，服務員都有提醒返有買一送一嘅優惠，亦都有介紹餐牌上面其他嘅食物。 我自己叫左個$128原條鰻魚蛋包飯， 而朋友就叫左個$96吉列豬扒蛋包飯。 原條鰻魚蛋包飯上黎有驚喜，條鰻魚非常有誠意，掛埋係蛋包飯上面都貼住碟邊！ 食落去蛋好滑，鰻魚都非常好，配埋飯都唔會太乾身。朋友叫嘅吉列豬扒蛋包飯都唔錯！*買一送一要每人買兩杯嘢飲，然後送嘅蛋包飯係價格較平嘅蛋包飯。 連埋加一都唔洗$190，下次會再黎食！
繼續閱讀
嘩！今日終於有機會去隔籬嗌個午市，心諗：呢度真係咁正？一於試吓囉！走入去，環境勁似咖啡店咁悠閒，上到幾盤喱啡都Okay👌！我就點咗份吉列豬扒咖哩蛋包飯，老實唔講，真係幾震撼！豬扒炸到外脆內軟，啖啖肉味，真係夠晒香；咖哩又夠味，香濃得嚟不會太辣，就算唔食辣嘅人都啱口啦。同碟嘅蛋滑到化嘴，輕輕哋一扯，就已經四散喺白飯之上😋。又驚白飯多得滯，不過仲未食完，盤底已經睇到喇！飯粒每一粒都飽滿得來唔糊塗，咬落去彈牙彈牙。至於隨餐嘅樽仔奶茶，甜度正好，奶香味足，真係幫到曬手，飲落去順滑，都算解甜。唔好意思啊，我真係忍唔住夸奖幾句！當飯食得好，講嘢都格外開心嘅嘛😄。職員服務都合格，親切得黎唔算太硬銷，反正就算忙到翻天都搞得掂。今次食得開心，下次有空咁多嘢選，我仲想試下其他款。食貨一族，你哋就唔好錯過喇！
繼續閱讀