21
31
9
港鐵上環站 D 出口
繼續閱讀
營業時間
星期一至日
08:00 - 22:00
以上資料只供參考, 請與餐廳確認詳情
食家推介
這裡是返工嘅早餐飯堂，無論有時間坐低慢慢食，定係外賣早餐返公司食，終之每個星期都總會有2-3日幫襯白熊～ 早餐最常點嘅就係呢個北海道3.6牛奶炒蛋，拼胡麻沙律、厚多士。 胡麻沙律嘅蔬菜好新鮮，厚多士鬆軟，不過有時佢會變咗兩片普通薄多士😅 如果無厚多士嗰日會覺得遜色咗少少～ 吉烈魚柳超推介， 魚柳唔鞋，炸得好香脆～另外最常叫嘅係雞扒同雜菌， 不過雞扒有時會煎到好乾，所以都係吉烈魚柳比較推薦。另外值得一提嘅係佢杯咖啡，雖然只係開粉沖嘅即溶咖啡，但係味道唔錯，比起某啲大連鎖快餐店嘅咖啡好飲得多
繼續閱讀
環境：以日本鄉村木屋為設計，裝潢以白色磁磚和深淺木材劃分餐廳區域，原本是清新田園風格卻因爲店內燈光太暗而導致添上幾分幽暗及陳舊。餐具亦非常殘舊，白色碟上的餐廳標誌部分已脫落。味道：餐廳共提供5款咖喱汁，其中一款是蔬菜咖哩，適合素食人士。我選擇了牛肉咖喱配吉列蠔，牛肉尚算軟腍，咖喱汁味道一般但份量太少，不足夠配上每口白飯。 蠔身細小，不夠肥美。服務：店舖職員尚算主動點餐及提供清水。為配合不同的過境旅客，這裡的收費模式較多（包括現金、信用卡、八達通）餐廳除了提供日式咖喱外，更有多款特色飲品及雪糕甜點。
繼續閱讀
今日d 同事早左出去，先到左呢間餐廳食左一半我先黎到，一黎佢地就叫我千其唔好揀焗既野，佢地岩岩中完伏，得好少配料。話焗雞飯得一粒雞喎。咁我聽完就望下個lunch menu,真係冇咩好揀wo,我就改左係主餐牌到揀左個芝士豚肉球奄列咖哩飯個芝士汁得個顏色，但唔覺有芝士味，個蛋係香既，最好食係個蛋，豚肉球細細粒，但冇咩味，個咖喱汁入面有d 肉碎，但勁硬勁難咬呢餐我食完叫做岩岩填飽個肚，叫左焗飯既朋友話完全食唔飽，再叫左個雪糕黎食，雪糕就好味既，但佢下晝好快就又肚餓了
繼續閱讀
想靜靜地搵個地方坐下hea下 呢間餐廳絕對係一個不二選擇 一個下午成間餐廳冇人 坐在卡位可以靜靜地當自修室咁用😆😆 下午茶雖然份量少 但烏冬的質感完全唔差的 滑溜彈牙 湯底甜 好好食 雞扒就差了一點 非常咸
繼續閱讀
一坐底，枱面仲污穢，餐具盒入面的紙巾都有污積的。調另一張枱，然後個侍應隔左一陣先醒起未俾餐牌我地，跟住點餐，全部交流無笑容無講多謝唔該，感覺無咩禮貌，放低餐牌飲管野食等等都係掟落枱唔係放。叫左豬扒雞扒同漢堡扒，得漢堡扒係熱既，其他全部唔熱既！！叫左個炒野菜但落漏左單，另外叫左個湯但埋單時我只係問佢係咪跟餐，跟住佢好大反應話你落單時指既係單點既！個size 係大d 唔同！你無同我講！但其實我都係問下，但佢就好大反應強調你落單時無講清楚無問清楚，咁我就算，都無咩所謂反正我食呢d 餐廳都無咩期望，但我係覺得佢咁大反應我有少許不知所措，同埋我覺得佢地態度絕對需要改善！佢地樓面同廚房一直嘻嘻哈哈係度玩又玩得好開心咁。食物亦都有改善空間。最後我唔會再幫襯呢間了已失去信心。
繼續閱讀