12
10
4
港鐵上水站 A4 出口, 步行約7分鐘
繼續閱讀
營業時間
星期一至日
10:00 - 03:00
以上資料只供參考, 請與餐廳確認詳情
招牌菜
食家推介
零晨終於食早餐，食飽暖笠笠好訓覺。醉酒 AI 人工智能再起動，狂吞撈麵趙都唔趙差少少哽死！斷片要碗靚粥伴撈麵再來小食，似乎食得太多有點過份。琴晚買唔到營多、今晚仍然都買唔到營多，其他都提唔起興趣，是鬼但唔想煮麵轉買麵算數！魚蛋牛膀麵，高質美味牛膀極抵食，鋪滿整碗麵，明顯魚蛋只有兩粒就貴價很多。微彈軟塾的魚蛋，溫柔咸鮮魚味令人舒服。牛膀炆得透徹入味甜美不嗆不濁，還有濃厚內臟獨特的甘香，鬆軟綿綿的質地帶點嚼勁，真的使我愛不釋手。幼麵爽彈無比，掛著辣油湯汁熱騰騰啜入嘴仔，燙燙的興奮美味，湯汁混入辣椒油，轉化成香辣滷水湯，越飲就越想飲，停不下來地灌入，直至完全飲掉，毒癮一樣﹗比起最初幫襯時真的進步不少，會使人掛住的味道，牛雜絕對食得過，滷水腩雜湯底咸鮮濃郁，肉味羶香回味。紫菜牛膀牛腩麵，滿分爆燈﹗師傅待我真的不薄，賜我頂級牛坑腩﹗彈力強勁爽爽嫩嫩，肉汁滴滴沒半點渣，牛腩天生甘香可口，滷一滷更清香脫俗，綿綿嘆韌﹗絕頂牛膀甘甜鬆軟綿綿，膀汁湯汁混和發揮最強戰力，近年辣油進化變得香辣兼備，大量辣椒渣跟著爽彈麵條啜入，濃湯咸香紫菜各具所長，色香味十足，就連伴碟菜芯都非常爽甜鮮嫩多汁，無位能比機會我扣分。淨紫菜四寶，全部高質，不見三日刮目相看﹗貢丸菇肉味均倉濃濃突出爽爽的，魚蛋滑滑陣陣魚味咸鮮，魚皮餃嚥韌嫩嫩藏著大量清爽魚汁在內。豬肉丸汁液四溢爽彈兼備，伴碟菜芯真非常失色，硬掘掘不爽嫩輕微粗糙，幾乎沒有菜甜味呢。蝦子撈麵，走蔥後蝦子變得勁多，開心開心﹗細心觀察一下，仍有少少蔥絲呢，似乎忘記走蔥才倒下極大量蝦子掩飾，您地太百厭喇！不加任何湯直接撈食，蝦子乾爽超然甘香，每一啖充滿濃郁醇厚蝦子味道，堅回甘若露，非凡滿意﹗兩三啖後味覺有點麻目，而且舌頭味蕾變得乾涸不夠敏感，即時來口清湯補補濕再戰，味覺完全回復，好好好味道﹗幼麵爽爽微彈，請不要剪短我的長壽麵，我不是小朋友呀﹗要長啜長有一氣呵成才夠暢快。懶惰的我不甘啜幾口麵就要來啖湯，衝動地將清湯注入跟辣椒油混合大啖用力吸啜，極愚蠢的行動﹗蝦子甘甜醇香味道完全流失殆盡，我知錯了。生菜浸在蝦子清湯中，份外嫩甜可口。牛腩牛肚麵，伴碟菜芯激甜爽嫩無投訴。牛肚軟綿綿滷水味出眾還有點點羶香，牛腩鬆化有咬口不乾鞋起渣。湯底有點偏咸，加入辣油平衡很多，爽爽幼麵捲著牛腩牛肚一齊食份外滋味。紫菜魚蛋河，魚蛋彈滑大大粒罕有的級數，魚片香口帶滑食得過﹗湯濃粉彈完整長啜長有幸福美滿。紫菜蛋皮河掃到見碗底﹗辣椒油連湯連河連紫菜灌入嘴仔迅速消滅。零晨的晚飯，真係有點餓啊﹗及弟粥，粥底非常綿滑濃稠甜美，還有陣陣肉甜及內臟甘香。豬膶爽嫩，粉腸肥美滑嘟嘟，豬肚彈彈帶甘而不苦。豉油皇撈麵，跟甜豉油撈得極均勻就可以起動，比起食開既撈麵爽彈十倍百倍，乾爽趙到索索聲長啜長有，塞得嘴仔滿滿幸福舒暢。苗條幼麵帶湯力強，拖著大量粥底升起再灌入。滾熱辣肉甜米香搭豉油，絕對百份百美味﹗牛肉腸粉，光頭肥仔又係您呀﹗我叫腸蛋麵好似唔明咁，再講多次牛腸魚蛋麵，竟然黎牛肉腸粉加魚蛋麵，好野喎！算數算數，我食得晒！厚過棉胎兼油淋淋，牛肉得零星幾滴。魚蛋麵加腩汁，沒有腩汁較的湯底偏淡，腩汁才是靈魂，提鮮提味。肥牛腩撈麵，不算太肥只有一丁點肥膏在外，跟平時差不多。自備潤志辣椒油，當然比潮興旺更香更辣更優質。碎牛及底粥，意想不到粥綿滑味濃，碎牛鬆軟帶牛甜味，跟豬雜甘香味道夾得天衣無縫，而且豬膶爽、粉腸滑、肉丸彈，極為高質的演繹。雲吞蝦子撈麵，巨形的雲吞略為鬆散不夠結實，真的很大粒不過蝦有點過咸呢。豉油皇蝦子撈麵十分均勻，每條麵都充滿豉油香可口無比，質地爽到脆身，越趙越過癮﹗牛雜撈粗麵，都話都話走蔥咯，已無數次沒有幫我走蔥﹗絕對可以作為潮興旺招牌菜的滷水牛雜，牛肺我一向都不太喜歡，牛膀牛腸是我的至愛，其次為毛肚及金錢肚。大大厚厚的麵餅都免強夠我飽，黏成一團的粗麵需要耐心地跟咸咸蠔油混和及叉鬆，方便進食，方便大啖大啖地吸啜。有得揀當然撈勁香勁辣潤志辣椒油，提神添味勁刺激﹗腐乳通菜，有調過的腐乳醬格外可口惹味，乳香十足而不過咸，跟爽甜合體真的如虎添翼﹗豬雜出前一丁，由細到大最愛出前一丁，無論咖哩汁豬扒撈出前一丁、炸雞髀出前一丁，等等等等﹗豬膶、豬肚、粉腸、肉片、肉丸、生菜，全部高質應滑得滑、應彈得彈，甘甜味美﹗讓爽滑麵條濃郁湯汁包著任何一件豬雜，同樣和味﹗牛腩出前一丁，大大舊厚厚腩肉鬆化多汁，跟出前一丁都非常合得來。陣陣滷水湯與出前一丁湯融合，更鮮更甜更生動﹗爽滑味濃麵條捲著靚腩不停塞，無可抵擋的引力。炸雞中翼，迅間 3 分鐘送到明顯炸定，幸好香脆依然暖暖的。魚蛋魚片出前一丁加腩汁，生菜泛著強烈腩汁湯味，格外爽甜難得一遇。思前想後左諗右諗，是鬼但再出前一丁，但味道完全唔夾呢。腐乳生菜，索價 $20 蚊一少碟，真真好貴好貴的生菜，明白天價租金難以應付的。生菜爽甜撞著乳香咸香腐乳，使我極想食羊腩煲呢﹗腐乳生菜出前一丁麻油麵，非常有趣腐乳味的出前一丁，咸香濃湯爽麵啜得高興。腐乳通菜，由朝食到晚超晒標超晒標！煎蛋沙嗲牛肉出前一丁、鹽焗雞飯、肉鬆蒸水蛋、腐乳通菜、炸魚皮牛膀麵、等等等等，完全餓底。炸魚皮，淨食脆卜卜咸鮮無油益，浸湯滑嘟嘟充滿湯汁微脆享用別有一番風味。淨食不過咸剛剛好，十分酥脆﹗浸湯半濕半脆半滑，別有一番風味。牛膀麵，湯底單調地咸，牛膀不夠滑不夠彈不夠綿，有點粗糙兼不甜美而略咸，色香味質素都下降，失望﹗炸魚皮麵，為了辣而食，竟然無比辣椒油我，分數一減再減。牛雜麵，講了十萬次話走蔥走蔥走蔥，您既半秒鐘一時失誤、半秒鐘貪爽快，換取我兩分鐘的青春同光陰？我要慢慢挑走所有蔥，條數點計？用埋獨立包裝的辣椒油，無味不香不辣，油感十足，味道欠奉。
繼續閱讀
每逢腸胃唔舒服，又唔想自己煲粥就一定係叫呢度既外賣粥一黎唔洗自己去拎，二黎又唔差基本上,落單唔洗10分鐘就一定送到黎，快到無人有👍🏻🔹魚腩粥粥底係綿綿既潮州粥，唔好打算有一粒粒咬口魚腩分量好多，落左薑，一d都唔腥。不過，應該點都加左少少味精。但足料好味，已經補返數。🔸豬肉丸粥好似好普通既豬肉丸，但其實係我最愛❤️佢既豬肉丸，係手打豬肉丸黎唔係街市魚蛋舖買既配埋綿綿既潮州粥，真係好夾而肉丸既數量又多，真係好抵食👍🏻唔好期望聽電話呀姐同呀叔好有禮貌佢地講野無尾音架😂不過最緊要快！勁快！
繼續閱讀
今日又要去到上水工作,山長水遠去到,雖然做完野但都去食埋個午餐先走啦經過馬會道就入左潮興旺粥粉麵 睇完個餐牌就叫左雲吞粗麵加多個炸兩配多杯豆漿先講雲吞麵,料都OK蝦都有鮮味,個麵都OK的,軟硬都岩岩好炸兩落左大量甜醬,麻醬咁先好食呀炸兩入面都夠脆唔會好似隔夜油炸鬼咁豆漿都正常,豆味都幾濃
繼續閱讀
本人有時需要係荔景出沒工作午餐又唔想落葵芳呢間魚蛋粉面鋪就係我既必然之選幾點去都好多人最好真係1:00前到達鋪頭唔算大好多時要等位我來到必叫四寶河個魚扎好食個肉丸好好食！！！佢地話個墨魚丸都好好食好足料可惜我麻麻地墨魚丸呢排有通菜就叫多個腐乳通菜再叫多杯豆漿咁就48嫁喇今時今日食碗粉面都呢個價喇😥四寶河好食唔在講通菜都係靚野幼身少少既水蕹唔老好嫰又脆口好好食（係嫌佢份量少左d)荔景呢個美食荒漠好彩有佢係到咋🥰
繼續閱讀
今日要上大陸做嘢😉，驚塞車所以預鬆咗啲時間過關🙈，點知今日交通又幾暢順喎，難得一見！見仲有啲時間淨，就去咗附近啲粉麵店食碗粉先~~~😆😆呢間鋪頭嘅選擇都幾多，價錢由三十蚊至四十幾蚊，算係正常價嘅！👍🏻👍🏻我又想食魚蛋又想食墨丸又想食貢丸！😂😂😂之後問咗阿姐話紫菜四寶就包晒呢三樣，仲有一寶係魚皮餃！咁我就揀呢個啦！麵底就揀咗米線，唔使另外加錢！👍🏻👍🏻每款丸都有2粒，份量真係幾多，$36呢個價錢真係算係咁，不過味道就好一般喇！個湯底淡如無味，紫菜就一餅嘢咁，唔係散散哋嘅質感........丸類就正常，但唔似係自家製，應該都係攞貨嘅，魚蛋就好少少~~~
繼續閱讀