293
65
22
開飯介紹
發跡於元朗的人氣泰國船麵店，湯底是熬製十二小時的牛骨湯，加上炸豬皮、牛肉、豬肉或雞肉，非常正宗；另外也供應泰國街頭食物和飲品。
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
食家推介
相關文章
今晚放工同老公去左西菁街覓食，老公一直都話想食下呢間既船麵，所以今晚就去食下啦。由於時間尚早，食客未太多，唔洗等位可入座。餐廳佈置得很美，牆身既畫都好靚，打卡一流。睇睇餐牌，除了有名的阿叔船麵外，其他泰國菜都一一供應，有好多唔同既小食、特飲等，十分吸引。我地兩人點了阿叔船麵及一些小食開心分享。點了一杯青檸梳打，酸酸甜甜相當開胃。生蝦刺身，好吸引，生蝦肉厚爽口，每隻蝦上都有蒜片跟辣椒粒，吃起來味道好惹味，沾埋個醬汁來食，超開胃好好味呢。之後到主角～阿叔船麵，船麵可點牛或豬，我們點了豬的船麵。沒想到船麵大大碗，相當出色及吸睛。上面鋪滿了炸豬皮、豬肉片、豬肉丸、菜等等，麵食方面仲有金邊粉、米粉、粉絲可供選擇的。船麵份量好足又大碗，相當好味，湯底香濃，豬肉片又多又好味，而且豬肉丸都做到爽口彈牙又多汁，超讚呀。另外仲要一提，檯上提供了調味料：白糖、白醋、魚露、辣椒粉，加落湯底拌勻，味道更香更濃，正。阿叔船麵真係頂瓜瓜呢。其他小食都相當出色同惹味。呢款炸魚餅相當大份，有八件魚餅，好抵食。魚餅件件都相當香口，帶點點微辣，又香又彈牙，而且做得薄薄的，好好味，大滿足。另外布吉蛋餅都相當有趣，是煎雙蛋配薄餅，仲配上一兜咖哩雞脾，味道香濃。薄餅配上了蛋同咖哩汁來吃，超惹味，薄餅又香又煙韌，混入咖哩，香噴噴。另外雞髀都大大隻啖啖肉，超好味。呢個布吉蛋餅都超好味，好吸引，又大份，令我地都食到飽飽，超滿足。
繼續閱讀
呢日我哋喺元朗搵到一間隱世泰國菜，裝修以木色為主，牆壁壁畫色彩繽紛，再播住泰國嘅音樂，好似真係去咗泰國咁🤪阿萊燒豬頸肉，厚切大大塊，炭香味十足，配上特色嘅醬汁，酸酸辣辣非常開胃🥰椰子雞湯，份量好多好大碗，味道勁濃郁，每啖都有雞嘅鮮味，以及椰子嘅香甜，雞塊亦好大件，果然好足料😋冬陰功湯麵，酸辣味道唔會太勁，就算唔食得辣都可以好好享受😝海鮮款式亦有好多，有蝦、青口、魷魚、蟹柳👍🏻我哋當日叫咗河粉，豆卜同河粉吸收晒所有湯汁，每啖都係滿滿嘅冬陰功味😝阿叔船麵（牛），餐廳個名叫阿叔泰麵，就梗係要試吓主打嘅阿叔船麵🤪湯底好濃，牛肉亦好鮮嫩，而且仲有牛丸、炸豬皮、通菜，幾款唔同嘅食材，各有不同口感，一次食到唔同嘅滋味😍泰式玫瑰奶茶，玫瑰奶茶真係好少見，飲落口好香玫瑰花味，同時亦保有泰式奶茶香味，好清新😛
繼續閱讀
跟Asok Thai Garden同一集團的阿叔泰麵走平高質平民路線，店舖細細但裝修佈置充滿心思。阿叔船麵$70可選牛肉或豬肉材料很多的一碗麵，很多豬肉片，吃極也吃不完。船麵的湯底最重要，這裡的船麵湯底很濃很夠味，而且沒有味精，很出色。枱面上貼上了四大調味的介紹，為湯底味道提升不少。香芒蟹肉炒飯$72芒果及蟹肉的份量都多，配搭清新，大推！飛天通菜$62有鑊氣的一道菜，炒很夠火喉，又夠惹味。豬手半隻 $80炆得很嫩，口感軟滑，非常入味。芒果糯米飯$60濃濃的椰漿，配上香甜的芒果、微暖又煙韌的糯米飯，配搭完美。
繼續閱讀
約咗朋友去圍方睇戲，睇戲之前食餐lunch。早到咗見冇乜人，就過去坤記食碟腸粉先。誰不知轉個頭返嚟就爆咗半場。我幾鍾意吧枱個設計，好有度假feel。每人嗌咗一碗船麵再加兩個小食。朋友嗌豬肉，我嗌牛肉。上面好快就上菜，呷一啖湯。同我喺泰國食嘅船麵有少少差別，呢度係有少少偏甜嘅牛丸都幾彈牙，不過啲牛腩就有少少失望。食落去冇味好似滾湯牛腩咁。反而個馬拉盞通菜幾有驚喜，都算幾有鑊氣。雞翼翼醃得好好食到有底味再加呢個香茅嘅味道。個人比較鍾意食小食多過食船麵。有機會試埋佢個晚市睇吓有冇啲額外驚喜。
繼續閱讀
啱啱新開個陣食過一次覺得正常，今日再去食完以後都唔會再去。見到餐牌已經唔同左，價錢又貴左。點知黎到個蛋麵係凍，又痴埋一pat，同埋個雞脾係勁’鞋’(圖中食物)。又貴又少又難食，以後唔會再幫襯。
繼續閱讀