影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
相關文章
最近我同朋友去咗一間位於南昌嘅泰式餐廳，呢度嘅環境好有泰式風味，我哋叫咗幾樣嘢同大家介紹一下酸辣鳳爪沙律呢個酸辣鳳爪沙律酸酸辣辣，味道好開胃，配料入面有啲脆脆嘅生菜，增添咗層次感。鳳爪煮得啱啱好，咬落去有啲彈性。什錦船湯河粉呢碗什錦船湯河粉真係好正！湯底濃郁，味道豐富，入面仲有各種肉類，例如豬紅牛丸等，食落去每一口都充滿驚喜。河粉煮得啱啱好，滑滑嘅口感，正好吸收咗湯汁。冬陰湯呢碗冬陰湯酸酸嘅味道好開胃！湯底有香茅、檸檬葉同埋辣椒，味道層次分明。入面有蝦、魚片同埋菇。泰式牛丸米粉泰式牛丸米粉牛丸彈牙，咬開時有肉汁流出，味道香濃凍泰式奶茶呢杯凍泰式奶茶嘅茶香濃郁，甜度啱啱好，飲落去好清涼，特別適合夏天。
繼續閱讀
想不到 V Walk 在平日中午都好多人。這間篤篤船麵外面都有一小條人龍，但帶位手脚快，好快就騰空了位置出來。點了一份什錦船河（單點），大概 5 分鐘上到菜。味道正常，河粉不會好爛。太太點了一份有豬腩肉的餐，我試過覺得豬腩肉燒得過曬龍，口感好乾好柴。
繼續閱讀
今天去咗V Walk 行，見到有間篤篤船麵好吸引，下午茶唔算多人，都坐得好舒服！有幅大壁畫好有泰國風情，另外有啲五顏綠色嘅櫈都好吸睛！下午茶套餐大約$38至$52不等，加$12可以追加小食一款！泰式雜錦船湯河：湯底好濃郁，甜中帶咸，就好似喺泰國食嘅味道一樣😚有我最鍾意嘅炸豬皮，我覺得食船麵一定要有呢個，脆脆的炸豬皮放在湯內浸一浸，簡直一流！另外配料都好多，仲有牛肉、豬肉丸，豬紅、魚蛋，芽菜等….河粉又幼又滑，我喜歡連埋芽菜一齊食！泰式蝦餅：即叫即炸熱辣辣，而且又唔會翻炸，香脆可口，喜歡可以點少少甜酸醬吃！百香果柚子蜜：特飲一杯，天氣解暑之選，酸酸甜甜，好香嘅百香果味再加埋柚子味係唔錯嘅配搭
繼續閱讀
-篤篤船麵-📍深水埗.今日放工收早，去咗附近的V Walk食飯。天氣開始熱就會想食泰國嘢，選擇咗呢間篤篤船麵。晚餐時間餐廳幾乎坐滿。.海南雞船湯金邊粉 ($70)海南雞非常出色，食到雞肉嘅香味，完全唔需要點醬汁都已經好好味，而且肉質真係好嫩滑。.上面湯頭好濃郁，帶點香料提味。配合埋滑溜嘅金邊粉非常好食。.雞翼撈金邊粉 ($65)本身以為撈金邊粉係好似撈檬粉咁，但係原來金邊粉已經撈好，調味至有點酸甜嘅味道，非常開胃。單骨雞翼炸到外層香酥，非常惹味。.青木瓜沙律($24)食泰國嘢必點的青木瓜沙律，清爽的青木瓜配上酸汁，非常開胃。.凍泰式奶茶($8)熱柚子蜜($8)套餐加$8就有一杯飲品，食泰國嘢一定要飲番杯奶味香濃的泰式奶茶。.芒果糯米飯 ($68)好有誠意，用上雙色糯米飯，糯米飯軟糯黏口。配上清甜芒果，作為晚餐的完美句號。.
繼續閱讀
晚餐時間經過，見到呢間舖頭入面都幾多人，諗住應該唔差，所以入去試下。叫左正宗泰式海南雞飯 跟餐可以加配小食，小食可選酸辣鳳爪沙津/雞翼4隻/魚餅3件/蝦餅2件。海南雞還好，雖然肉質唔係超滑，但尚算合格。反而油飯非常乾身，口感粗糙，完全無法搭配海南雞的美味。泰式香茅豬扒河，加$10轉為篤篤湯底，湯底味道顯得有些過咸。至於豬扒，肉質偏硬，吃起來缺乏應有的鮮嫩感。反而酸辣鳳爪沙律比較出色，醬汁酸酸辣辣，配有洋蔥和紅蘿蔔絲。總括而言，呢一餐非常失望😵💫，實在不值推薦
繼續閱讀