7
2
2
營業時間
今日營業
07:00 - 01:00
星期一至日
07:00 - 01:00
以上資料只供參考, 請與餐廳確認詳情
夜麻麻喺紅磡做完嘢，大部份餐廳都閂咗門，見到仲有間粉麵檔未閂門，入去試一試，環境幾乾淨，夜晚10:30pm去，客人唔係好多，坐得幾鬆動。四個人叫咗唔同嘢食：1. 牛三寶麵牛筋牛腩都好好味，啲麵都好爽口，係個湯底稍為鹹咗啲，食完有啲確喉。2. 魚蛋魚片河魚蛋同魚片嘅份量都好多，食落好爽口，值得推薦。3. 牛雜飯食飯有紫菜湯送，牛雜味道都好好，份量都唔錯。4. 秘製牛腩飯同牛雜飯一樣有湯送，牛腩煮得好腍好入味，非常好食。
繼續閱讀
平時經過呢區又諗唔到食乜就會幫趁佢，因為平、快、正！平時都係買外賣返屋企食，今日見路過而且得20分鐘食lunch，一於試下堂食。由於時間唔多，所以淨係叫左個牛腩河（$35）。餐廳乾淨企理、環境不過不失👍食物賣相正常，湯底加左好多腩汁，令味道更豐富，雖然食完都係會口乾，但呢個價錢有咁既質素已經合格。牛腩炆既時間岩岩好，完全唔韌，而且又吸湯。河粉唔會煮到爛，合格👍總結黎講呢間鋪頭既牛腩河性價比幾高，下次會想試埋雲吞麵👍
繼續閱讀
想食牛腩麵，上openrice搵下屋企附近有咩好介紹。見到樂園評價都ok,一於試下。雙拼價錢正常，牛雜嘅牛腸同牛肚都好味又淋，試吓牛腩，炆得好淋又入味，雙拼有4-5塊牛腩，我覺得分量都ok, 整體好唔錯，會再幫襯。
繼續閱讀
下午茶時份响呢頭做嘢開頭仲喺度諗緊食啲乜🤔🤔經過見到呢一間樂園門面同入面都幾企理☺️☺️入去叫咗個牛雜撈麵嘅下午茶餐港幣44連一個凍齋啡走甜😉😉撈麵嘅份量十足，麵質亦都唔錯個人覺得牛雜可以多兩舊就好啦🤭🤭不過佢嘅份量係合理嘅👌🏻👌🏻唯獨是係個湯底比較甜，有啲糖水feel🙄🙄地方好乾淨👏🏻👏🏻潮州粉麵嘅地方算坐得舒服啲姐姐亦都好好禮貌冇趕客🥰🥰都係嗰句啦，呢個價錢今時今日仲想點🤣🤣下次再行開呢頭一定會再幫襯👍🏻👍🏻
繼續閱讀
樂園粉麵我幫襯過好多次，因為食物質素有水準，價錢亦都唔算貴，至於份量係多係少，就見仁見智，我就認為絕對合符性價比。備註：外賣需另加$1元，各式麵食及飯類，可另外加錢配冷熱飲品。粉麵款式都幾多，但價錢各有唔同，但都係一般食客可負擔得起嘅範圍之內。食物方面～五香牛腩飯真係超級好食，牛腩大概有10件(略帶少少肥膏，夠哂香口)，肉質軟淋入味，而且仲食到有蒜頭嘅香辛味，飯盒更附送幾塊生菜，白飯更淋上好香嘅牛腩汁，真係食唔停口，仲有紫菜湯送，真係認真抵食！除咗牛腩飯之外，仲有牛雜飯、牛筋飯、炸醬飯、豬手飯同崩沙腩飯供應，麵食方面～就有水餃、豬手、牛腩、牛筋、炸醬、牛丸、魚蛋、貢丸等，每種麵食都只係廿幾蚊一碗，真正大眾化價錢，值得一再encore！
繼續閱讀