元札幌拉麵 (悅來坊) (已結業)

約咗朋友喺荃灣食飯，朋友話想食拉麵見到佢就諗住試吓，入到去未夠8:00 ，已經好多串燒都冇，牛肋條啊豬頸肉啊牛舌全部都冇。咁諗住有啲嘢冇得買就算啦嗌其他嘢食啦，點知佢個拉麵真係唔得，麵條一坺嘢咁嘅樣，豬軟骨乾到飛起，又係一坺嘢咁嘅樣，個湯底係咪直接落豉油就算㗎？為咗方便影相，我已經將啲面晾起咗，如果直接影佢拎上嚟嗰碗麵，幾乎係大部份嘅面都會被嗰啲豉油浸住，睇唔到裏面有啲乜嘢然後兩串嘅豬梅肉，燒到過晒，裏面啲肉濕到飛起，真係確定係廚師燒嘅？好彩佢其他嘢冇得賣，如果唔係真係嘥錢。然後2025年嘅今日，淨係收現金，唔係唔得嘅，但係唔係呢啲質素嘅餐廳會令人接受囉。服務算啦，態度可以嘅，但係好明顯係完全冇培訓。…查看更多

突然間想食日本嘢，於是就入咗呢一間舖頭試一試，見到佢大推二人餐，食物都好似好多就諗住試吓佢呢個蟹籽沙律味道都正正常常冇乜特別鰻魚飯唔知係咪落得太多汁，所以食落去好鹹🥲同埋鰻魚都有好多細骨，食嘅時候就要小心啲‼️‼️而呢一個拉麵味道都唔錯，佢個蟹肉帶有少少鹹味，食落都幾好味呢度一共三舊炸雞，而炸粉相對比較薄，唔會食到成口都係粉漿，只係附帶嘅醬比較少，件雞就咁食就唔係好夠味煎餃子嚟講，我本身以為佢會有少少脆口，點知食落係好淋，但係味道都唔錯嘅最後呢一個串燒真係超級唔建議，首先佢係完全冇味，仲好大浸雪藏味，要瘋狂落七味粉先叫好食少少以埋單三百幾蚊嚟講，呢個質素真係麻麻地，寧願去食其他嘢好過…查看更多

成晚最好味：海帶&牛舌見舖名有「拉麵」，本應專長係做拉麵...想食拉麵既人請三思1️⃣醬油湯底(大)蔥拉麵(走荀)見到個醬油湯好似中藥咁勁深色，心感不妙湯好熱好滾，但好淡無乜味叉燒全瘦，好韌，湯渣咁(好在蔥拉麵係得一塊叉燒😂😂)多大蔥，有大蔥味但好老，多渣好多海帶，少量芽菜，送麵一流個麵不過不失2️⃣醬油湯底豬軟骨拉麵(走荀)豬軟骨都係瘦肉，都係好韌😂3️⃣串燒牛舌(漏左影相)一串四舊，香，juicy，燒得唔錯兩舊軟冧，兩舊有筋難趙4️⃣suntory生啤斟得唔錯👍🏻四個item埋單$271…查看更多

本身對麵質冇乜要求就唔評拉麵但個湯底真係好淡加上個麵平身唔算好掛湯食啲麵同就咁浸完水食係冇大分別豬軟骨算冧 但都係嗰個問題：唔入味櫻花蝦個湯底還好 但個叉燒有啲老另外叫咗碟餃子個餡唔差但個皮勁冧 個底得少少脆嘅感覺如果我叫嘅係蒸餃 唔係煎餃 我會gur好多初初睇佢咁多正評 諗住未算好食都叫入到口但係真係幾差成餐得個冷菠菜係最正常如果佢收費係30-40蚊 佢出呢啲水準係正常但如果係80幾蚊一碗 甚至過百 係絕對唔值歡迎勇者試伏…查看更多

悅來坊還算是挺多日本餐廳 今次選了札幌拉麵🍜店內好多哆啦A夢擺設 大部分都是外地客人 ·🍜豬軟骨拉麵很多湯的拉麵 豬軟骨肉質軟嫩 不錯拉麵都帶有韌性 ·🥟自家制手包餃子就是普通的餃子🤭·🥗蟹籽沙律🥒清爽青瓜絲·👅燒牛舌 這個可說是最好吃的有點嚼勁 加上檸檬汁更好味…查看更多