108
2
1
港鐵銅鑼灣站 A 出口, 步行約4分鐘 繼續閱讀
電話號碼
21102113
營業時間
今日營業
12:00 - 22:00
星期一至六
12:00 - 22:00
付款方式
Visa Master AE 現金 銀聯 支付寶
座位數目
30
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
當面支付
有關獎賞計劃
食評 (121)
等級4 2018-09-29
269 瀏覽
在利舞台附近逛街,找找有甚麼好吃的,千挑萬選之後,結果摸上了一間簡單而陸重的西餐廳。餐廳在商業大廈的樓上鋪,有格調又寧靜的環境。雖然看格局看似很高級,但又意想不到地吃到十分實在的美味~連餐牌也是十分簡單,應該是貴精不貴多吧。是日餐湯 牛肝菌湯精選頭盤頭盤的款式會定期轉換,我也是問了是日頭盤是青口才升級,其實就是餐牌上的白酒忌廉汁煮妞西蘭青口。一份總共有四隻,配忌廉汁炒雜菇,青口大隻又爽口,只不過頭盤吃忌廉汁有點heavy...卡彊烤雞沙律 $88除煙三文魚、牛油果以外的沙律,這款比較少見,卡彊烤雞用上一種特別的香料,烤至表皮香脆,雞皮沾滿香料,有種土匪雞翼的味道,帶點微辣。雞件的份量可算是大件夾抵食,兩人份量來說都算很多。而沙律菜的種類不算多,配日式胡麻醬有點格格不入,因為肉類太多,可能配沙律醋會更清新,菜的比例多一點就好了。黑松露蟹肉意大利燉飯 $148很重手的黑松露,拌勻後蟹肉、飯和黑松露的比例是一比一啖啖都是蟹肉絲,有時會吃到殼,不過也證明了是真蟹肉吧~忌廉汁也很濃郁,但多吃會覺得有點膩,分兩份都已經夠兩個人分享。升級套餐加88 有頭盤+餐湯+飲品~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-03
1153 瀏覽
連續3日假期, 同老公黎到銅鑼灣百樂中心, 食一個優質午餐!餐廳整齊潔淨, 感覺清新, 舒適悠閒!  有4款午市套餐, 套餐包括餐湯、主菜和飲品, 價錢合理!雜菌忌廉湯湯既質感細滑, 帶少許雜菌碎, 雜菌香氣濃郁! 再加上少許香草同適量忌廉, 令雜菌忌廉湯更香滑!泰式冬蔭蝦意大利麵 $88 蝦肉鮮甜爽口, 份量不少, 配上泰式冬蔭醬汁, 好惹味!意大利麵係扁意粉, 以泰式冬蔭醬汁配以西式方法炒扁意粉, 這道fusion菜真的好出色!食第一啖扁意粉已經食到冬蔭功最標誌性既酸酸辣辣! 真係好味到停唔到口呀!再加上細蔥, 雜菇菌, 紅椒絲, 令口感好豐富, 味道一流! 十分推介! 香烤孜然雞扒 配飯及沙律 $88以中式孜然粉配以西式方法烤焗雞扒, 呢道fusion菜同樣令人驚喜!雞扒厚身大塊, 烤得皮脆肉嫰, 嫰滑多汁, 熱辣辣, 火候控制得非常到位! 當切開雞扒時, 雞皮脆得發出聲音, 雞肉即時滲出肉汁!再加上雞扒上滿滿既孜然粉同孜然醬汁, 孜然味濃郁, 令雞扒好惹味! 超讚呀!北海道千層蛋糕 $48賣相非常吸引!  蛋糕層層分明, 千層蛋皮滑溜富蛋香, 夾著既忌廉帶有濃濃牛奶香味! 好好味呀!伴碟既士多啤梨, 藍莓同忌廉, 酸酸甜甜, 好清新!蘋果汁可樂ZAPPY CAFE既FUSION菜出色, 食物好味, 價格相宜,  CP值超高! 下次想再黎食晚餐, 非常推介ZAPPY CAFE! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-25
375 瀏覽
以樓上cafe嚟講,呢度有兩大面牆都係大玻璃,同相鄰樓宇距離唔算太近,個view都幾令人放鬆。cafe細細,book場搞party應該唔錯。先飲啖濃湯暖胃,幾香肉味,可能加咗雞湯。主菜點咗泰式冬陰蝦意大利麵,一試小cafe嘅fusion菜水準如何。一心以為係湯意粉,完全冇諗過冬陰可以用湯以外嘅形式呈現眼前。食第一啖扁意粉已經食到濃厚忌廉味,然後會食到蝦乾鹹香同香草味。可能食唔到冬陰最signature嘅蕃茄酸味同香茅味,整碟意粉味道唔太似冬陰,但味道真係唔錯,唔會令你失望。尤其係意粉上多隻爽口嘅蝦同入味菇菌,令人覺得值回票價。飲品點咗mocha,原價$35,轉餐飲半價。朱古力味幾濃,但咖啡味偏淡。甜品點咗千層蛋糕。上返openrice先發現唔少人彈呢款甜品。我都同意蛋糕望落好似比較乾,顏色亦太sharp,但食落又唔係呢一回事。千層蛋皮出奇地濕潤富蛋香,層與層之間有別於一般cafe以支裝輕忌廉填充,而係用上芒果打成嘅mousse,啖啖都好香。美中不足就係太細件,好快就食晒... 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-24
1081 瀏覽
落住黃雨,但好難得抽到時間出嚟,只能頂硬上吧~百樂中心全棟有唔少餐廳,食過幾間都幾唔錯,但人流稀少,生意難做。星期六set lunch要計返加一,揼心口呀!西蘭花濃湯雞湯味反而比較出,質地綿滑。可以半價轉其他飲品。凍咖啡杯底分別透出粉紅同淡啡色,但著重賣相嘅不妨點熱飲,表面裝飾會更典雅。可能冰比較多,咖啡味略淡,但玫瑰同榛子味幾出。跟住就係令我喜出望外,強烈建議大家試試嘅香烤孜然雞扒。嚟到cafe,見到孜然雞扒感覺有啲奇怪,完全唔係西餐,亦算不上fusion菜。但當我哋乾脆脷落咁切開雞扒,滲出肉汁嘅一刻,就知廚師係以西式方法烤熟雞扒。時間、火候控制得恰到好處,先做得到皮香肉嫰。雞扒取自雞脾位,厚身、大塊,但肉由內到外都係剛好熟。如果以中式方法大火烤熟係做唔出呢種軟嫰多汁嘅雞扒。雞皮上滿滿嘅小茴香散發清新香氣,融入雞油香,毫不肥膩。無花果橙柳合桃沙律亦係人氣之選。在場唔少係少女,平日客源亦應以OL為主,輕食自然有佢喺市場。無花果粉紅色嘅果肉圍成花形,見到已經叫人心花怒放。新鮮沙律菜切絲食起嚟更方便,亦更能沾上橙汁。更驚喜嘅係入面加咗同合桃好match嘅cream cheese,不過合桃量反而唔及cream cheese咁多,少咗一重香脆口感。雪葩價錢唔低,但絕對值得搵個理由說服自己一試!將原個蜜桃挖空,以新鮮果肉打成雪葩,再釀入蜜桃。單係端上枱嗰吓驚喜已經加晒分!甜品最怕得個樣,唔少甜品店為咗滿足客人打卡嘅強慾,忽視咗味道先係食物質素嘅基本呢一點。呢個雪葩好睇好食,雪白嘅雪葩打得細滑,甜味天然唔花巧。本來想將餘下果肉都掏出細味,但變咗冰嘅果肉甜度大感,唔建議大家食喇。 繼續閱讀
(以上食評乃用戶個人意見 , 並不代表OpenRice之觀點。)
鬧市中的百樂中心 ,我們從時代廣場走過去只需幾分鐘,頗方便。餐廳位於13樓,面積小小的,大慨廿幾個座位,如果是平日的話,可能要預先訂位了!踏出電梯,大大個ZAPPY CAFE招牌,就知自己沒有來錯地方了。星期六,明顯地人流較少,相信能任性地慢慢hea坐,過一個零壓逼感的午飯時間。進店剎那間,立即被這個90度玻璃角落角落所吸引,幸好時間尚早,這一刻暫時屬於我,倚窗而坐,遙望遠景,不像其他只有4幅牆的餐廳,多了點空間,少了侷促感,休閒舒適。我慢慢翻看餐牌,冬蔭公蝦意大利麵的配搭頗有趣,成功引起本小姐的好奇心。咪咪摸摸的我諗下食咩都已經十多分鐘,心大心細去點餐又花了不少時間,值得一讚是店員臉上不但沒有不耐煩的臭臉,還滿臉笑容跟我推介飲品,真心覺得很好。午餐由$88至$108不等,連餐湯、主菜及飲品,價錢合理,可再加$48選擇甜品 - 檸檬雪葩及北海道千層蛋糕。除了一般餐飲外,還可以選擇咖啡、蘋果汁及橙汁。果汁選擇,好似其他地方也少於在午餐時段提供這類選擇,而我當然選擇了至愛的蘋果汁,應該是盒裝貨,味道可以架 ^^  不過建議大家記得叫少冰!(我飲到最後...淡了)今日是忌廉西蘭花濃湯,簡單健康,西蘭花本身較甜,攪拌成沙湯已經很美味。質感比較幼滑,灑滿香草碎,賣相不錯,再混入忌廉,味道層次更為豐富。冬蔭公蝦意大利麵$98味道完完全全是意外的驚喜!即叫即製,等了十多分鐘後,終於見到店員棒過來了。熱辣辣的意大利麵微微冒氣,飄來牛油香氣,賣相吸引,店家選用扁意粉,口感煙韌,裡面材料豐富,包括大大粒彈口的蝦,雜茹絲及紅椒絲等,再配合冬蔭功醬拌炒,味道挺濃郁,帶點泰式酸辣而不過份,卻是非常惹味!有質素!檸檬雪靶+$48新鮮水果推滿在檸檬雪葩上,見到已經覺得好健康,舀一口 ,雪葩綿滑,檸檬酸、果香突出, 清甜卻沒半分膩,頓時減低罪惡感,好Refresh!見到隔離檯食蜜桃雪葩,早知叫呢個啦~~~從來用心製作食物,誠懇服務,絕對可以留住客人的心,I WILL BE BACK! 繼續閱讀
(以上食評乃用戶個人意見 , 並不代表OpenRice之觀點。)