Yoghi (已結業)

朋友介紹，冇諗過樓上鋪有呢間咁創新嘅韓國餐廳。職員都係韓國人小鮮肉。裝修簡單，適合年青人，坐得寫意，冇時間限制。點解我話呢間餐廳夠創新，因為韓式部隊鍋大家就食得多，但係呢度有啲食物係出邊冇嘅。例如好似呢個蛋三文治，由蛋加午餐肉組成，睇落去我好似好簡單，但係其實好好味。個蛋好鬆軟，蛋加午餐肉絕對係最完美嘅組合。賣相外觀都好精緻，做得好用心。之後點少得叫部隊鐹，入面有芝士腸，午餐肉，火腿，酸辣湯底，配合韓式拉麵，正！！

這間韓國餐廳新開, 一定要帶埋男朋友一齊來! 又一間韓國人主理的餐廳，食物有一些驚喜，比平時的餐廳較為特別！韓式辣茄子- 超級驚喜一個菜式，外面是炸的，一面是軟軟的，茄子水份足夠，而且非常入味！Porkbelly Bossam - 這個菜色不是每間餐廳都做得好味，這一間非常好！豬腩玉的油脂分布平均，又不會太肥，包着生菜和其他配料一起吃，非常好味！這個是必點的! 泡菜炒飯-韓國人說這個是加菜家常便飯，但不是每個地方也做得好味！這個有少少甜甜辣辣的味道，好味！總括來講，三個菜式也非常突出! 一定會返來再食👍🏻

Pizza就食得多，拉麵Pizza真係第一次見😱😱😱呢到既前身係Mr Korean Chicken(掛住佢地既炸年糕同飯糰好好食😭)，而家新開既yoghi都係韓國人主理，除左炸雞之外仲有他特別既韓國野食🇰🇷義大利辣香腸拉麵Pizza($158)芝士份量慷慨，芝味十足🤤🤤🤤辣肉腸雖然唔夠辣，不過拉麵底有驚喜，脆得黎好香口😍Pizza大大個🍕，阿草同阿雲兩個share都食唔曬😝😝😝

朋友食過向我推薦呢間新派韓國菜，傳統既食得多，但新派到底係點新法呢？基本炸雞啤酒當然走唔甩，炸雞外皮炸得香脆，咬開肉質嫩滑，枱面有齊蜜糖芥末醬、辣醬任點，服務貼心食落有少少似玉子燒，但蛋既質地再實淨啲，中間加塊韓國菜必備既午餐肉，唔好睇佢好似細細份，但食晒成件都幾飽肚年糕鍋韓味都好濃，年糕煮得香軟，底下有菜同韓國粉絲，同樣唔錯好特別既一道菜！有啲似食緊片皮鴨mix韓國烤肉，一片肉、點一點汁、加青瓜再用菜包起，感覺好fresh 最後有韓國辣炒飯，面頭鋪一隻香煎太陽蛋，蛋汁同飯加紫菜一齊撈撈撈，好味！

如果想食啲比較地道，唔係淨係炸雞啊、部隊鍋啊、呢啲韓國菜，可以去銅鑼灣新開嘅Yoghi試下。其實中環間Moyo係佢地既總店，大家應該對依個名唔陌生。如果試過前者，對Yoghi一定有信心保證👍🏻。今次食咗佢哋肥嘟嘟嘅菜肉包🥙，豬肉肥美、肉質juicy。舊豬肉一定要有啲脂肪先可以煮到個皮脆卜卜，再配搭新鮮生菜🥗，見到個圖就知道好味。除咗之外，仲有個好可愛既Chef 接待我地，大飽口福同眼福😍❤️

happy friday 唔係唔食餐好呀嘛！同朋友選了這一間，環境唔錯，可以傾下計食下飲下野。由於lunch 食左個salad,所以一坐底個陣勁肚餓，一口氣叫了好多野食。午餐肉乳酪蛋卷-呢個係egg roll 配左芝士同午餐肉，估唔到又好鬼夾，平時ge egg roll 其實多數靠調味醬調味，但呢個有左午餐肉ge 咸味就唔洗點落大量調味醬都好好味，而家口感仲豐富左，好正呀喂。小泡菜炒豬肉包-呢個同朋友都以為係生菜包之類ge 食物，原來係炸的，餡料有泡菜豬肉，好惹味，有d 辣但我幾中意。乾烹茄子-呢個意料之外咁好食，第一次食炸茄子，估唔到又幾夾幾好食wor.味道好夠，岩哂中意濃味ge 我。炸雞-我地簡左mix 口味， soy garlic加sweet spicy.個人比較中意soy garlic, 個蒜味好出，炸得好鬆脆，食到一件接一件，炸雞一定要試，食韓國野無理由唔食炸雞ge。拉麵比薩-用拉麵底做pizza,好有啅頭，意想不到又幾夾wor!!pizza 餡勁豐富，一人一件已經好飽了。泡菜餅-呢款煎得好香，剛剛好金黃色，同朋友一人食左兩件，想encore 但真係太飽了，唯有下次再來。

這間新開的韓國餐廳, 裝修走簡約路線, 但會掛啲插圖, 都幾有特色, 令人深思窗外可以望到銅鑼灣南華會, 若坐吧檯嘅話, 一路食嘢一路望住出面, 特別舒適首先我哋食咗個"極邪惡" 嘅小食, "午餐肉乳酪蛋卷"! 最底層就有蛋, 中間就夾咗一塊厚厚嘅午餐肉, 上面再夾蛋, 而面就係有芝士, 芝士上面再臨上茄汁, 蛋汁, 再灑上蔥花, 賣相都幾特別, 但係就十分之邪惡, 蛋卷非常之creamy, 蛋炒得非常之滑, 食起來甜甜哋, 再加啲茄汁酸, 百感交集, 非常之飽! 另外再叫咗個 BULGOGHI炒麵pizza, 用炒麵做批底, 非常之特別, 材料方面牛肉嘅香甜 配埋脆脆的拉麵非常之夾, 用咗伊麵做pizza底落去都脆脆餐廳嘅分量非常之大, 最好同成班朋友一齊嚟分享你食, 這就是最好了

大家都知我A姐最鍾意就係食韓國野，炸雞呀、韓燒呀、部隊鍋呀！就算我食唔悶，你哋睇見都悶啦！所以今次就同M佬去咗一間比較特別嘅韓式餐廳，嚟到銅鑼灣永光中心嘅Yoghi，試吓啲Fusion韓國菜啦！乾烹茄子：平時食炸雞，雖然好好味，但食得多又溜又驚肥！想健康啲？呢度就係用茄子取代雞，經過烤炸嘅茄子，外脆內軟，配埋特製酸甜汁，真係夠晒開胃！意大利辣肉腸拉麵薄餅：我想食拉麵，M佬想食薄餅，所以店員Oppa極力推介呢個拉麵薄餅，聽講仲係鎮店之寶！呢個辣肉腸薄餅有別於一般餅底，改而用上拉麵底，最大嘅驚喜係脆！卜！卜！而配料用咗我最鍾意嘅韓式芝士同辣肉腸，簡單嘅組合，出奇地好味。牛骨湯飯：牛味比較清淡，啱晒食完重口味嘅茄子同薄餅！不過，就略嫌牛嘅分量太少喇！青檸梳打：大熱天時，呢杯青檸梳打就啱晒消暑啦。

銅鑼灣登龍街一向都係特色小店既眾腳點，所以今次我同朋友就突登黎頭突襲下樓上既特色餐廳，黎到呢間睇落無咩特別但食落又幾有新鮮感既Yoghi。我之所以話呢到睇落好似無咩特別全因主打韓國菜既佢裝修係走簡約風，完全睇唔出係食韓國菜既，而且佢餐牌選擇唔算多，不過細睇又發現每款都幾有特色。Korean Meatballs prime beff, onions, cream cheese $188呢個Meatballs 睇落好似漢堡扒，但就厚身好多，最估唔到係咬落個扒都真係超級Juicy，再配埋好香濃既Onions & Cream Cheese sauce, 真係好正。  Egg Roll Cheese Spam Toast $126呢個蛋卷同平時食開最唔同就一定係佢既造型好似Toast咁啦，佢底面用好厚既蛋夾住午餐肉同埋洋蔥粒，蛋都幾嫩，厚得黎唔會太熟，配埋沙律醬同埋番茄醬等真係罪惡感十足。 Bossam  Braised Pork Kimchi, lettuce, swam hang sauce $228呢個菜肉包就中規中矩啦，佢既味道其實幾香，不過女仔就一定會嫌佢既五花腩太肥，如果瘦番少少就好

好耐冇食韓國野，難得約咗個好迷韓國嘅朋友食飯，就叫佢搵間未食過嘅韓國餐廳試吓啦，佢就搵到依間真係開張不久嘅韓國韓國。其實一般人未必會留意到依間餐廳，但入到去感覺又唔錯，裝修好歐美，而且坐位同坐位之間嘅距離好大，可以提供一個小天地俾客人高談闊論。餐牌上嘅食物種類唔算多，不過酒嘅種類都比一般嘅韓國餐廳多，而且幾特別，好啱一眾酒鬼咁我哋就叫咗一份meatballs，菜包肉 (bossam)同egg roll cheese spam toast.酒就叫咗chum churum soju 同mocha stout.酒就先上，首先我本人就不太喜歡飲燒酒，所以試吓一啖就俾晒朋友飲不過依隻Mocha Stout就好特別，味道有點似黑啤，麥味好香濃，而且易入口，啱晒我依啲唔鐘意烈酒嘅人。之後就上咗依個牛肉餅，放低個時仲"嗞嗞聲"，落咗好多芝士，不過芝士味較清，冇搶走牛肉嘅味，而且有放一啲烤茄子係中間，食起黎冇咁油，而且肉質係靚嘅牛肉，牛肉面煎得香口，但入面保留到肉汁，另外一大讚嘅係加咗辣椒煮芝士，大大中和咗芝士嘅油膩感，而且有層次，先食到芝士同肉嘅柔軟，辣味係食到後段先慢慢湧出黎。大力推介依個菜之後上嘅

近年韓風有增無減 而係香港開既韓國食店亦隨之而愈來愈多  要萬裏從中一點紅 真係談何容易今晚同屋企人食既呢間  的確有佢地既特色 值得一試我地先小試牛刀試一試個開胃菜先午餐肉乳酪蛋卷一擺上檯 大家都嘩左一聲韓國午餐肉 + 蛋 + 芝士  之前都未試過呢個配搭4個人黎食既話   份量岩岩好  一件切開一半兩份 份量剛好   味道再配合芝士同埋面層醬汁  開胃呀！小泡菜炒豬肉包呢味菜送上黎時 出現左個小插曲我地以為呢個係類似中式菜肉包咁樣既包點原來佢係炸物黎  入面包住好多泡菜豬肉有丁點辣   吉列表皮 配合野味既泡菜豬肉唔錯呀！！乾烹茄子我係個茄子愛好者但係呢個煮法 我都係第一次試感覺好新鮮   外面脆扑扑表層入面熱辣辣既茄子  好野味不過講講先  呢個會相對下有少少辣  要量力而為呀(不我唔係好食得辣都食左好多) 炸雞  soy garlic ＆sweet spicy炸雞係無骨炸雞 兩款口味都好脆口  咬落去仲會有少少肉汁出黎相對下 個人比較鐘意食 soy garlic  (主要係因太多辣既野食喇 　haha）拉麵比薩今晚最特別   食得最多既就係呢個比薩用拉麵做主要既餅底 配合大量既

今日上咗永光中心一間好韓式嘅家庭韓國料理餐廳全部職員都係正宗嘅oppa 但係用餐環境裝修又不失時尚 都幾靜啱朋友傾計紅桑子果酒味道微酸 好清新不過酒精濃度都幾高 要慢慢細細杯飲午餐肉奶酪蛋卷 $128醬汁加入左番茄醬同埋芥辣 好惹味整個蛋卷既味道好夾 芝士味比較香濃原味炸雞 $188香脆可口 炸雞內𥚃肉汁都幾多而且調味適中 唔會太淡同單寡菜包肉 228豬肉超香甜！配上辣醬同蔬菜一齊食唔會覺得油膩 而個醬仲幾特別忝不過略嫌d菜太少得幾片 同豬肉份量唔成正比

銅鑼灣好多好野食，但係租金貴，好多都係樓上店，所以要食好野都要下一番功夫。草根係 Instagram留意到最近銅鑼灣開左間韓式fusion餐廳，放左工後一於又兩姐妹去試下新餐廳如何。餐廳雖然係樓上舖，但其實係登龍街永光中心好易搵，8:00去到人唔係好多，店員好快可以按排入座。Lemonade 一嚟唔好講甘多，唔食得辣嘅草根姐姐去食韓國餐必定要叫杯野飲先~餐廳有提供韓國酒同汽水，不過對唔飲酒嘅草根嚟講，都係叫杯Lemonade穩陣d~呢到杯Lemonade做得好唔錯，味道酸酸地，十分解膩！(重點係好解辣!!)草根超推介。放左工好肚餓，叫左3樣野share，小食、炒年糕同一個主菜。午餐肉乳酪蛋卷 ($128) -Egg Roll Cheese Spam Toast呢個蛋卷其實可唔可以視作餐蛋治?實相超吸引!!!上下兩層厚厚嘅蛋中間夾住一塊午餐肉同芝士，賣相真係好吸引。面頭落左大量嘅醬，甜甜酸酸幾開胃，不過蛋就煎得老左，質感太實，好易食幾啖就飽。幸好配上午餐肉同芝士味道都還好，只係個蛋真係令人有d失望，同埋價錢都幾進取。炒年糕 ($148) -Spicy RiceCakes最初甜味較出，辣味

今晚b子話想食韓國餐~誤打誤撞揾到呢間餐廳！！係登龍街永光中心夠哂方便~入面大多是年輕人！店口非常有禮同非常細心~~我地叫左個韓式炸雞with sweet spicy既醬汁！！因為b子胃口比較細，所以我地叫左半份only~估唔到半份都有8粒咁多~而味道真夠哂入味！唔食得辣既人都應該食到~甜甜地咁好惹味~炸雞香脆無骨啖啖肉！好味~再叫左份韓式泡菜炒飯~味道亦係相當入味~有d泡菜，pork belly炒埋一碟！仲有隻半熟蛋~蛋汁隔到飯一齊食~~幸福呢！！

今晚要farewell 我的俊男同事Victor, 知道他要做健身教練，真令人開心，我特哋帶他到causeway bay 的Yoghi 吃 korean dinner首先我們叫了一個青口湯，青口又大隻又清甜，最重要是很新鮮，而且份量十足，一鍋子滿滿的，真的很抵食!而另外我們叫了一個Bulgoghi, 韓式牛肉Pizza, 真的蠻特別的，用上很多粟米，pepper,mushroom and 牛肉及大量的cheese放上爐上烤，真的口感十足，而且令人停不了口!最後韓式辣辣拉麵，用上秘制辣湯底加上自家制的拉麵加上洋葱蕃茄和葱花，其實辣度剛剛好，而且麵條咬口又爽口，真的是必叫的拉麵!我們再叫了一枝米酒，開開心心過了一個晚上，謝謝Victor 這八年的幫忙，我們公司的業績才能蒸蒸日上!   Tonight I really hope My Brother Victor can have a Bight Future and earn a lot of Money on his Life  !