影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
相關文章
好耐未去我既燒肉飯堂食啦好似每次都係食dinner，而今日難得食lunch 😂佢lunch 除咗有單點，仲有勁多套餐揀！性價比即刻拉高左😻😻😻Daddy 第一次食，所以一定唔少得，要叫個有大判燒既餐比佢！雖然lunch 既價錢平左，不過絕對無將貨就價！🤤🤤依然咁大塊 咁出色！而隔離鹿兒島既和牛！油香，牛味重！平衡得黎，配嗒白飯 🥹🥹 真係舌尖上既日本呀而lunch set 可以追加唔同肉類，海鮮！食到既記得追加！因為又係好抵！我加左份和牛小排！（平時夜晚單點份量差唔多咋！😍）油份重啲 入口有啲化開既感覺！勁正而因為爸爸唔想淨食牛，我哋叫咗set雞！有唔同部位！而且都好嫩，唔會好鞋！基本上，呢間真係無伏😂😂 大推！
繼續閱讀
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉餐牌：賣點係由日本直運九州產既A5黑毛和牛。有套餐，黑毛和牛單點，牛豬雞單點，海鮮單點，蔬菜單點，沙律，涼拌小食，湯同麵飯，飲品有酒類同非酒精飲品。落單掃QR code。涼拌菠菜 $38 另加一涼拌菠菜賣相不俗，鮮嫩菠菜加上大量白芝麻，又嫩又香又有菜味。大判燒！黑毛和牛西冷 $178 另加一大判燒！黑毛和牛西冷係海外店限定。一大塊薄切黑毛和牛西冷好搶眼，燒一陣好快食得。服務員幫我地燒完就將塊牛放係溫泉蛋上面。黑毛和牛西冷好嫩口，個汁好好味。點溫泉蛋食可降溫同有壽喜燒風味。腹前小排 $118 另加一腹前小排一客五片，個樣好靚，切得夠厚，食落好有口感，而且又嫩又多汁又有牛味，個燒肉汁好正！牛板腱肉 $98 另加一牛板腱肉一客五件，非常嫩口。燒肉汁豐富，好味道！鹽味牛舌 $88 另加一鹽味牛舌一客六件，厚度適中，好有咬口，我走左調味，建議可以加枱頭酸汁同食，已經夠嗮味。壺漬 KAKURA牛胸腹肉 $138 另加一壺漬 KAKURA牛胸腹肉係用一個大壺上，面頭大大塊切割好既牛胸腹肉，灑上蔥花，下底係洋蔥圈。餐廳用自家製麵豉醬調味，味道調得唔錯，味道較濃，好惹味。肉質唔會韌，好嫩又少少彈牙。好味道份量又多。燒洋蔥好味吸左d汁。若鷄雞脛柳 $80 另加一若鷄雞脛柳一客五件，口感非常爽脆，燒得脆皮多汁，再點辣醬食好惹味。若鷄雞胸柳 $68 另加一若鷄雞胸柳一客五條，健身人士都可以食燒肉。黑毛豚脛肉 $88 另加一黑毛豚脛肉一客五件，質感非常爽脆，非常多汁，唔算太肥。Kakura 牛肉飯 $98 另加一Kakura 牛肉飯好大碗，濕潤珍珠米加上大量燒肉汁，面頭係好多厚切牛肉，加上洋蔥絲同一隻溫泉蛋，最後灑上白芝麻粒。牛肉啖啖肉，都唔差，個燒肉汁撈飯無得頂，加埋隻溫泉蛋，口感濕潤，又香又滑。枱上面有三款醬汁，包括酸汁，辣汁，燒汁，味道都幾好。好多肉類都有特製紙牌標示係咩肉類，好貼心。落單可揀走汁走煙同走黑椒，我走淨燒汁，我覺得已經好夠味。食完仲有盒甜品送，食完燒肉食返個甜品真係夠refreshing！甜品盒有好滑溜既杞子杏仁豆腐同雲呢拿雪糕糯米糍，兩樣都放係個精緻盒入面，杞子杏仁豆腐份量少少，超滑而杏仁味香濃，好正。雲呢拿雪糕糯米糍都唔錯，個皮夠煙韌。呢間分店座位舒適，上菜快速，食完唔會成身油烟味。呢餐食左好多肉，就算唔係和牛都好好味，真係大大大滿足。
繼續閱讀
太掛住日本，係香港食住先！食過唔同燒肉嘅舖頭，都係最好食，和牛係入口即溶!無論係咩價錢既牛都保持一個高質素！😋重要職員都好熱心助人❤️見到我唔係好識燒～都會問一問使唔使幫手🩷真係好抵讚呀😆同朋友敘舊既老地方～因為每一次都會有新嘅套餐+特別嘅嘢，今次就見到推出咗一個🩵新！大判燒！套餐🩵我好鍾意食大判燒，不過因為朋友實在太鍾意食辣冷麵同海鮮，所以我哋最後都係叫的散嗌！下次再試呢個大盤燒套餐！原來叫酒加肉有discount💜同埋食完先見到原來openrice訂座有discount/優惠價set
繼續閱讀
YAKINIKU KAKURA 真係從來都唔會令人失望 。兩款黑毛和牛大判燒都係超級正！第一set集合鹿兒島A4和牛三大部位：西冷油花靚到發光，入口即化；裏腹小排肉味濃郁帶嚼勁；背末脊肉嫩滑多汁，配白飯簡直絕配！鐵板燒時油脂「滋滋」作響，香氣撲鼻。第二set玩混搭，鹿兒島A4和牛西冷對決美國板腱，一個柔嫩一個紮實，雙重享受。兩set都正到爆，和牛控必試第一set，唔想食和牛太膩嘅話就選第二set 。甜品有杏仁豆腐同埋雲呢拿味雪米糍，清新可口，完美收尾！
繼續閱讀
呢間日式燒肉店嘅午餐幾抵食，唔單止有燒肉，仲包埋沙律、餐湯、小食同甜品，份量十足。首先，「黑毛和牛大判燒拼US牛板腱肉」嘅份量幾多，和牛大判燒油花分佈均勻，入口即溶，牛味濃郁；US牛板腱肉就比較有嚼勁，肉味香濃。兩款牛肉嘅口感同味道各有千秋，可以滿足唔同嘅喜好。「黑毛豚盛合」嘅豬肉質素都唔錯，肉質鮮嫩，油脂適中，燒完之後肉汁豐富，唔會乾柴。「九州若鷄盛合」嘅雞肉嫩滑，燒完之後皮脆肉嫩，調味恰到好處。午餐包嘅沙律新鮮，餐湯有海苔，牛舌粒小食入味，甜品亦都唔錯。
繼續閱讀