影片
開飯介紹
來自佐賀的人氣燒肉店，由日本直運九州產的A5黑毛和牛，當中的稀有部位更加鮮嫩美味，推介黑毛和牛大判燒盛合，可以試到三款黑毛和牛。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
今次我就帶左屋企人同BB過黎元朗Yoho呢邊行街，我地都好耐冇去日本旅行，好掛住d燒肉就揀左間我食過覺得幾高質既日式燒肉店食啦 😄餐廳坐位都好闊，坐得舒服，帶埋BB黎都冇問題，我地今次4個大人就揀左個3-4人餐，再食下其他野咁 👍🏻大判燒!黑毛和牛西冷（$178）呢個大判燒係我每次黎都必食，有燒肉汁醃制既簿切西冷，入口即溶，仲有隻溫泉蛋撈埋一齊食，有需要既話，呢塊肉限定可以叫店員幫手燒，保證唔驚燒到失手 🥩響盛盒（$998）呢個響盛盒非常豐富，一共有10樣食物，分別有鹽味牛舌，和牛末脊肉，特上牛胸腹肉，和牛赤身，若雞腿肉，若雞胸柳，宮崎黑毛豚香腸，牛腸，黑毛豚無骨小排，壺漬Kakura牛胸腹肉 👏🏻最好食既牛我就覺得係和牛末脊肉，佢比較多油脂，唔洗燒太熟已經食得，另外既壺漬Kakura牛胸腹肉，佢成大條都有醬醃制，唔洗另外點燒肉汁都夠味，雞肉我覺得幾嫩，冇乜肥，雞腿肉有皮部份肥少少，而牛腸可能係貨源問題，轉左做雞肝都冇留意到，雞肝都唔錯，不過唔食內臟既話就未必鐘意 😋辣冷麵（大）（$72）辣冷麵就比係韓式風味d，2人份量幾大碗，佢唔算好辣，我覺得泡菜既酸味更加出，冷麵冰涼爽口，幾正 🍜石燒雞肉泡菜鍋飯（$88）另一個韓式既主食，個泡菜飯店員上枱時會問你幫唔幫手撈埋，梗係趁熱撈好，如果鐘意飯焦，可以撈好後放一陣，個底就整到飯焦出黎，我就鐘意有少少飯焦，脆脆地咁先係石鍋飯既精粹🍚 呢個響盛盒又幾抵食，每款肉類都有6塊，一定夠4個人食,牛肉既質素都好好，有靚牛，又有雞有豬，款式好齊，兩個主食都好食，而單點既和牛西冷就再好食過盛合既肉，平日星期一至五仲有唔同既期間限定優惠，特別係星期二和牛西冷只需$108，早知我都星期二黎食，期待下次再黎食🥰
繼續閱讀
YAKINIKU KAKURA (元朗) @yakinikukakurahk 📍：香港元朗朗樂路1號元點1樓B155號舖🚗：元朗地鐵C出口 步行2分鐘📞：+852 2686-1891💲：~HKD340/head for lunchFood quality✔️：黑毛和牛大判燒盛盒、燒肉海鮮盛盒👌🏼：牛舌、白桃乳酸梳打、青森蘋果乳酸梳打總結：😋嚟自日本🇯🇵九州鹿兒島嘅燒肉過江龍 短短時間已經喺香港插旗有四間分店 行中檔路線 午市由特惠$98-$530都有得你揀 豐儉由人 和牛肉質一流很滿意嘅一餐😋午市有分兩個餐牌 特惠餐牌滿足想以較低價錢食靚肉嘅你 我就揀咗正常午市餐牌 主要都係燒肉定食同午餐🍱定食 咁嚟到都冇道理唔燒肉嘅 😋海外限定嘅黑毛和牛大判燒盛盒果然係人氣no.1 套餐包一大塊a4和牛西冷 3塊和牛裏腹小排同3塊背末脊肉 確實係和牛級數👍🏼西冷油花大理石紋路柔嫩 腹小排就牛味重啲 各有千秋 脂肪同肉嘅比例一流 好好食🥺😋另外點咗燒肉海鮮盛盒 包牛胸腹肉同雞腿🍗 各3塊 海老x1 帆立貝同烏賊各兩塊 牛腹肉油脂感冇咁多 比較有嚼勁有肉汁 海鮮都非常新鮮 烏賊真心有驚喜 唔韌食落係順滑 正‼️🤔另外追+$48 加咗4塊牛舌 色澤粉嫩 食落都韌身 可惜唔夠其他肉帶嚟太大驚人 都唔錯🤔套餐仲包沙律🥗餐湯 小食同甜品 仲有隻温泉蛋畀你蘸蛋液 飲品都包 但叫特飲就另外+$20 白桃乳酸梳打同青森蘋果乳酸梳打都係正常 所以係非常夠飽🤔座位好寛敞 枱與枱之間隔板高距離感十足 私隱度高 坐得好舒服😝😨餐廳格局問題分得好散 所以員工未必及時睇到你👀舉手 尤其當日食到半路落場更加無人問津 有點要讚係 食到半路窗外突然勁好太陽 員工即刻落簾超加分
繼續閱讀
來到YAKINIKU KAKURA嘅元朗分店食晚餐！餐廳唔單止食物高質有水準，座位亦闊落舒適！而且抽風系統亦做得好好，食完燒肉之後都完全唔會有油煙味～✨大判燒！黑毛和牛西冷呢塊黑毛和牛西冷可以叫店員幫手燒！肉質本身已經入口即溶超軟腍，配埋温泉蛋一齊食，口感更加嫩滑，味道超正！不愧為餐廳嘅招牌必食～✨麻辣黑毛和牛上肋骨中肉黑毛和牛上肋骨中肉呢個部位食落口比較肥美！經麻辣醬醃製過，味道微辣更滋味～✨黑毛和牛裏腹牛柳牛柳大大塊！足足有120g！單單用肉眼睇就已經覺得油脂分布得非常平均！燒完之後肉質嫩滑細膩，簡單嘅調味已經十分足夠，可以食到牛柳嘅原汁原味～✨黑毛和牛腹柳小排肥美多汁，味道嘅層次感更加豐富，肉香四溢～✨腹前小排肉質比較緊實，牛味濃郁～✨佐賀紫菜飯呢個飯有秘製醬汁、溫泉蛋同紫菜碎撈埋一齊，食落去微微辣，配搭燒肉一流～✨白桃乳酸梳打白桃同乳酸嘅味道係一如既往咁夾～✨甜品有雲呢拿雪米糍同埋杏仁豆腐～
繼續閱讀
[ YAKINIKU KAKURA ]放假去元朗搵朋友行街食飯，原來元朗都有日本過江龍烤肉店🇯🇵🔥🐮。黑毛和牛來自九州鹿兒島，可單點或者選擇套餐。✿ 黑毛和牛二人燒肉套餐 皇盛 $896野菜沙律🥗前菜盛鰻魚塩味上牛舌👅若鷄雞脛柳🐓黑毛豚脛肉🐷黑毛和牛精選1款🥩封門柳🥩大判燒！黑毛和牛西冷🥩佐賀米飯🍚套餐從清爽嘅野菜沙律開場，脆嫩生菜搭配微酸油酸汁。前菜盛係漬物及泡菜，進一步喚醒味蕾。 鰻魚外皮烤得香脆，肉質肥美，口感爽彈，配鰻魚汁或山椒粉食都咁好味👍。烤鹽味牛舌及日本雞頸柳肉質細嫩彈牙。黑毛豬頸肉油脂豐潤，烤至微焦時，焦脆外皮包裹著柔嫩肉質。重頭戲當然係鹿兒島黑毛和牛大判燒西冷。西冷超大片😍，和牛脂肪紋理細緻均匀，油脂豐富，口感軟嫩，入口即溶，帶有堅果香氣。配埋蛋黃及日本佐賀米飯，送飯一流👍。飲品✿ 白桃乳酸梳打 $48✿ 巨峰堤子乳酸梳打 $48總結🫦 二人烤肉套餐份量充足夠食得飽，鹿兒島黑毛和牛質素高，味道與係日本食到嘅無異😋。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿YAKINIKU KAKURA地址：元朗朗樂路1號元點1樓B155號舖電話：2686 1891✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
元朗區想食日本和牛燒肉其實選擇唔多但有時一間好食就已經足夠🔥呢間燒肉店無論和牛質素 環境 服務都幾出色食完出嚟身上幾乎冇油煙味 加分✅今次叫咗黑毛和牛二人套餐 HKD896 / 2位（未加一）配搭幾豐富 有齊燒肉拼盤 沙律 前菜 甜品呢個價錢食到咁高質素嘅和牛大滿足行埋附近一田望下 自己買和牛返屋企燒都差唔多價錢！🥩 大判燒黑毛和牛西冷配蛋黃兩大片超靚油花 店員會幫手燒炭爐燒十秒 邊位微焦中間仲係粉嫩蘸埋生蛋黃一齊食 入口即融 肉味濃🤤👅 厚切牛舌燒完口感爽脆彈牙擠少少檸檬汁 清新解膩 越食越開胃🍋🐖 黑毛豬頸肉燒到邊位焦香 油脂香得嚟唔膩口感有咬口有驚喜🥩 和牛肩肉 & 封門柳比大判西冷更重肉感 咬落去肉汁好juicy牛味香🐓 日本雞腿肉燒完都保持嫩滑 唔鞋唔乾👌🏻🐟 鰻魚估唔到拼盤有鰻魚好彩店員教點燒 否則真係燒到錯曬😂甜甜地嘅醬汁滲入魚肉 燒到個邊脆脆地🥗 沙律前菜甜品沙律配柚子汁好清新 幫手中和油脂感前菜有青瓜 豆芽 泡菜甜品係杏仁布甸同雪米糍 布甸好滑 賣相精緻✨
繼續閱讀